patron

Walon (Rifondou)

Etimolodjeye

Bodje « patronus » ‎(« waerantixheu »). Li sinse rilidjeus vént foû do latén d' eglijhe, les ôtes vnèt do francès.

Prononçaedje

• AFE :
  • diferins prononçaedjes : /pa.ˈtʀɔ̃/
  • prononçaedje zero-cnoxheu : /pa.ˈtʀɔ̃/
• Ricepeures : pa·tron

Sustantif

singulî	pluriyal
patron	patrons

patron omrin

1. (mot d’ economeye) djin ki cmande des eployîs, tchîf d' ene eterprijhe.
   • Nosse vî Djôzef, sol fén di s' vicåreye,
     Ritrouve on pere divins ci patron la ! — Henri Forir, Blouwett lîgeoiss, On pansiona, 1843, p.25 (fråze rifondowe).
   • Li patron dmande k' on lyi amoenne li danseuse et l' djonne ome … Vocial les mandats. — Paul-Henri Thomsin, ratournant Maigret èt l’danseûse d’å Gai-Moulin, 1994, p. 19 (fråze rifondowe).
   • Elle a l' toursiveusté e coir; ele nos prind po ses sclåves, nos fé fé totes ses olivetes et après, nos aler cdjåzer dé l' patron. — Lucyin Mahin.
2. (pa stindaedje do sinse) mwaisse d' ene handele, ene åbiedje, on cåbaret.
   • Li londmwin, i dene deus biyets å patron tot li djhant : "Purdoz sogne di lu. Et s' i gn a nén po fé avou ça, dji payrè l' restant cwand dji rpasrè l' côp ki vént. — André Henin (fråze rifondowe).
3. (dins èn arinnoe) manire d' arinner l' cåbartî.
   • Les sôrcires, c' est djusse po fé peu ås efants; ermetoz les veres del minme coleur, patron ! — Michel Meurée (fråze rifondowe).
4. (e l’ eglijhe catolike) sint metou al wåde d' on mestî, ene plaece, on må k' i pout rweri.
   • Sint Lambiet est l' patron del veye di Lidje. — Motî Forir (fråze rifondowe).
   • Sint Elwè, c' est l' patron des tcherons et des tchvalîs. — Louis Marcelle, Les Cayés walons, 1964 p. 166 (fråze rifondowe).
   • Et vola pocwè k' sint Djangou a divnou l' patron des coirnåds. — Gaston Lucy (fråze rifondowe).
   • Gn a ddja waire di pårotches k' ont come patron li prumî ome k' a dmoré e viyaedje. — Joseph Houziaux (fråze rifondowe).
5. (mot d' costire) sôre di modele ki les costrîs adjinçnèt di manire a lzî aidî a veyåvijhî l' ovraedje k' i dvèt fé.
   • Patron di tchmijhe, di camizole, di colé. — Motî Forir (fråze rifondowe).

ratourneures

1. li hazård, c’ est l’ patron des sots

Parintaedje

• apatroner
• apatronaedje

Sinonimeye

djin ki cmande des eployîs

• mwaisse
• tchîf

onk ki tént on cåbaret, ene åbiedje

• cåbartî

Mots vijhéns

kimere inmêye pa èn ome maryî ki n' est nén s' kipagneye

• mayon
• monkeur

Ortografeyes

Divant 1900 :

• patron : E203 ^(lére)

E rfondou walon :

• patron : R10 ^(lére)

Ratournaedjes

djin ki cmande des eployîs, tchîf d' ene eterprijhe

• Francès : patron ^(fr), chef ^(fr), bosse ^(fr)

mwaisse d' ene handele, ene åbiedje, on cåbaret

• Francès : patron ^(fr), commerçant ^(fr), cabaretier ^(fr), aubergiste ^(fr)

manire d' arinner l' cåbartî

• Francès : patron ^(fr)

sint metou al wåde d' on mestî, ene plaece, on må k' i pout rweri

• Francès : saint patron ^(fr)

sôre di modele ki les costrîs adjinçnèt di manire a lzî aidî a veyåvijhî l' ovraedje k' i dvèt fé

• Francès : patron ^(fr), modèle que les tailleurs, les lingères, les couturières, les tricoteuses etc., découpent de manière à figurer les différentes parties de leurs ouvrages et sur lequel ils taillent l’étoffe dont ces ouvrages doivent être faits