rafûlé

Walon (Rifondou)

Etimolodjeye

Do viebe « rafûler » avou l’ cawete « -é »

Prononçaedje

Loukîz a : « rafûler »

Pårticipe erirece

rafûlé pårticipe erirece omrin do viebe del prumire troke: «rafûler» et «si rafûler».

1. • Vos ctapez l’ bedreye al dibande
     Si vite k’ on vs a bén rafûlé
     Dizo l’ bea bleu duvet do lét— Martin Lejeune, “ Œuvres lyriques du poète Martin Lejeune” p.141, « Tot hossant » (fråze rifondowe).

Addjectif

	singulî	pluriyal
omrin	rafûlé	rafûlés
femrin padrî	rafûlêye	rafûlêyes
femrin padvant	rafûlêye	rafûlêyès

rafûlé omrin; (come addjectif djondrece, metou padvant u padrî l’ no)

1. • Rafûlêye divins ene rodje cote. — Joseph Vrindts, ”Vîx Lîge” (1901), p.75, “Li Vîle Martchande di Nûles” (fråze rifondowe).
   • Rafûlêye e s’ bleuse cote, Ele vént insi d’ Djalhé, Et, dvins les rowes, ele brait Di s’ greye vwès « del vete djote ! » — Henri-Joseph Raxhon (fråze rifondowe).
   • On sierveut l' djaene cou-d'-tchåsse d' Almand, rafûlé divins des bokets d' tchår po-z epwezner les leus — Manfred Lejoly (fråze rifondowe).
   • Li bijhe et l’ solo s’ kerlént : tchaeke acertinéve k’ il esteut l’ pus foirt, cwand il ont veyou on voyaedjeu rafûlé e s’ mantea — dins on ratournaedje e walon del fåve «Li bijhe et l' solea» (fråze rifondowe).
   • Dj’ a peu por vos, mes ptits moxhons.
     Vos n’ avoz nén l’ tchance do taesson :
     On gros doirmåd ki passe l’ ivier
     Rafûlé dins s’ cråxhe, fén påjhûle. — André Paquet (fråze rifondowe).
   • Cwand il arive sol plaece, i sont ddja la sacwantes  : des femes rafûlêyes dins leus chabrakes, des omes, li caskete efoncêye so les orayes, l’ etcherpe å cô, clapant des shabots, tos vizaedjes di pômagne ki waitnut, sins moti, l’ ouxh do ravitaymint — Paul Moureau (fråze rifondowe).

Sinonimeye

• racafûlé, ratoirtchî, ravôtyî, racamizolé, ewalpé

Ratournaedjes

dins des mousmints, po ene djin

• Francès : enveloppé ^(fr), emmitouflé ^(fr)

dins do papî u ôte tchoi, po ene sacwè

• Francès : enveloppé ^(fr)