refoncer

Walon (Rifondou)

Etimolodjeye

Do viebe « efoncer », avou l’ betchete « ri- » des viebes.

Prononçaedje

• AFE :
  • diferins prononçaedjes : /ʀɛ.fɔ̃ː.ˈse/ /ʀɛ̃.fɔ̃ː.ˈse/
  • prononçaedje zero-cnoxheu : /ʀɛ.fɔ̃ː.ˈse/
• Ricepeures : re·fon·cer

Viebe

Djin et tins	Codjowa
Cåzant Ind. pr. (dji, dj’)	refonce
Atôtchî(s) Ind. pr. (vos, vs)	refoncez
Cåzants Ind. pr. (nos, ns)	refonçans
Rwaitants Ind. pr., nam. (i/il, ele/elle)	refonçnut
Cåzant Ind. fut. (dji, dj’)	refonçrè
Cåzant D.I.E. (dji, dj’)	refoncéve
Cåzant Suddj. pr. (ki dji, dj’)	refonce
pårt. erirece (dj’ a, vos av)	refoncé

1. efoncer co on côp.
   • I fåt refoncer l' crampon dins l' meur po k' i tegne pus foirt. — Motî d’ Nivele (fråze rifondowe).
   • Refoncez vosse tchapea. — Motî Forir (fråze rifondowe).
   • Av refoncé l' boutchon ? — Motî Forir (fråze rifondowe).
   • Refoncer on tchapea, on boutchon, on clå. — Motî Haust (fråze rifondowe).
   • Ossu, dj’ fouris binåjhe ki l’ muzike fjheut ahote
     Et k’ l’ ome, tot refonçant e s’ canote,
     End aléve … foû del loumire. — Jules Claskin, « Airs di flûte et autres poèmes wallons », édition critique de Maurice Piron, 1956, « Li maisse dèl djowe », 1924, p.52-53 (fråze rifondowe).

Parintaedje

• refoncé
• refonçaedje
• refonçmint
• Loukîz a : « efoncer »

Ortografeyes

Divant 1900 :

• rèfonsé : E203 ^(lére)

Après 1900, foû rfondou (Feller, Feller ricandjî, nén Feller) :

• rinfoncer : O4
• rèfoncer : E1
• rèfôcer : E34

E rfondou walon :

• refoncer : R10 ^(lére)

Ratournaedjes

refoncer

• Francès : renfoncer ^(fr)