regue

Walon (Rifondou)

Etimolodjeye

Tayon-bodje latén « regula » (minme sinse), pal voye do francès « règle ».

Prononçaedje

• AFE :
  • diferins prononçaedjes : /ʀeːk/ /ʀɛːk/ /ʀɛk/
  • prononçaedje zero-cnoxheu : /ʀeːk/
• Ricepeures : nén rcepåve

• 
  Sôre di regues a fé des mzeures

Sustantif

singulî	pluriyal
regue	regues

regue femrin

1. (mot des scoles) sôre di longou plat bordon po traecî des droetès royes et fé des mzeures.
   • Ene regue di keuve, d' acî, d' oxhea, d' ebinne. — Motî Forir (fråze rifondowe).
   • Ene regue bén droete n' est nén åjheye a fé. — Motî Forir (fråze rifondowe).
   • Fé on crin sol plat d' ene regue. — D.T.W.
   • Cwand l’ plake a yeu stî disfindowe, les mwaisses prindént ene plate regue po bouxhî so l’ plat des mwins — Émile Pècheur (fråze rifondowe).
2. (dujhance sociåle) manire do fé, do s' kidure k' a stou metou so pî et k' on doet-st adegnî.
   • Li regue del djustice. — Motî Forir (fråze rifondowe).
   • Çoula est conte les regues. — Motî Forir (fråze rifondowe). & — Motî Haust (fråze rifondowe).
3. (mot d’ djeu) tot djåzant d' on djeu Loukîz a : « regues do djeu ».
4. (linwince) rîle linwistike.
   • Et gråce a leye, nosse vî lingaedje efén, va trover l’ siyince et les ecoraedjmints ki lyi manként, po divni on veritåve lingaedje avou ses regues et s’ diccionaire, degne, mågré l’ mawe ki les sots lyi fjhèt co ouy, di nimpôrtu ké-n ôte lingaedje. {s-rif|JMwpl|(1938), p.44}}
5. (mot d’ rilidjon) eshonna di tot çou k' èn ôre monastike doet respecter.

   Ene fråze d’ egzimpe est co a radjouter.

6. (mot d’ medcén) coraedje di sonk foû del mozete k' aspite aviè tos les 28 djoûs amon les cmeres a l’ advinant dispoy 14 disk' a 42 ans.
   • Li sonk des regues. — Motî Forir (fråze rifondowe).
   • Elle a ses regues. — Motî Forir (fråze rifondowe).

Ratourneures

1. aler conte les regues
2. c’ est l’ eccepcion po rafermi l’ regue
3. e regue
   1. esse e regue
   2. mete e regue
4. viker foû des regues

Parintaedje

• regler
• reglé
• reglaedje
• reglete
• reglumint
• regluminter

Mots d’ aplacaedje

• regues do djeu

Sinonimeye

sôre di longou plat bordon po traecî des droetès royes et fé des mzeures

• late

manire do fé, do s' kidure k' a stou metou so pî et k' on doet-st adegnî

• goviene
• moråle
• rîle

regues d' on djeu

• adroeteure

coraedje di sonk foû del mozete k' aspite aviè tos les 28 djoûs amon les cmeres a l' advinant dispoy 14 disk' a 42 ans

• afwaires
• camatches

Ortografeyes

Divant 1900 :

• reghe : E212 ^(lére)
• rék : E203 ^(lére)

Après 1900, foû rfondou (Feller, Feller ricandjî, nén Feller) :

• règ′ : S109
• réke : O3
• régue : C8, C9, C99, E1 ^(lére), E34, FO94, G201, O2, O4, O90, S0, S25
• rêgue : S117
• règue : S117

E rfondou walon :

• régue : R10 ^(lére)

Ratournaedjes

sôre di longou plat bordon po traecî des droetès royes et fé des mzeures

• Francès : règle ^(fr), latte ^(fr) (Beldjike)

manire do fé, do s' kidure k' a stou metou so pî et k' on doet-st adegnî

• Francès : règle ^(fr), consigne ^(fr)

rîle linwistike

• Francès : règle ^(fr)

coraedje di sonk foû del mozete k' aspite aviè tos les 28 djoûs amon les cmeres dispoy 14 disk' a 42 ans

• Francès : règles ^(fr), menstruations ^(fr)