resdondixhaedje

Walon (Rifondou)

Etimolodjeye

Do viebe « resdondi », avou l’ cawete « -aedje ».

Prononçaedje

• AFE :
  • diferins prononçaedjes : /ʀɛz.dɔ̃ː.dɪ.ˈhɛt͡ʃ/ /ʀɛz.dɔ̃ː.ˈdɛt͡ʃ/ (betchfessî xh), (betchfessî ae)
  • (pa rfrancijhaedje) /ʁɛz.dɔ̃.di.ˈɛd͡ʒ/
  • prononçaedje zero-cnoxheu : /ʀɛz.dɔ̃ː.di.ˈʃɛt͡ʃ/
• Ricepeures : res·don·di·xhaedje

Sustantif

singulî	pluriyal
resdondixhaedje	resdondixhaedjes

resdondixhaedje omrin

1. no d’ fijhaedje et no di çou k’ est fwait (accion et si adierça) do viebe « resdondi ».
   • Li resdondixhaedje des clokes. — Motî Forir (fråze rifondowe).
   • Li bale d’ on tchesseu lyi vna trawer l’ coir
     Et l’ oujhea touma ; mins l’ resdondixhaedje
     Fjha-st etinde bén foirt
     Come ene plinte :
     Meye ût cint-trinte. — Louis Lagauche, Amon nos autes, tchansons tchusèyes, (1908-1912), «Mèye ût cint-trinte» p.39 (fråze rifondowe).
   • Et cwand l' ovraedje bateut si plin,
     I gruzinéve co ene viye paskeye
     K' i trovéve come acompagnmint
     Li resdondixhaedje des usteyes. — Jean Dessard, D'ine cohe so l'aute, 1939, p.69, Rimimbrance : Noyé l’ sèrwî (1920) (fråze rifondowe).

Parintaedje

• resdondi
• resdondixhant
• resdondixhance

Sinonimeye

• escô
• resdondixhance

Sipårdaedje do mot

w. do Levant

Ortografeyes

Divant 1900 :

• risdondech : E203 ^(lére)

Après 1900, foû rfondou (Feller, Feller ricandjî, nén Feller) :

• rèsdondihèdje : E170, LLag
• rèsdondèdje : E1, E170

E rfondou walon :

• resdondixhaedje : R10 ^(lére)

Ratournaedjes

resdondixhaedje

• Francès : écho ^(fr), retentissement ^(fr)