riclamer

Walon (Rifondou)

**Alofômes di r(i)-**
avou ene sipotchåve voyale	avou ene divanceye voyale	sipotcheye cogne
riclamer	erclamer	rclamer

Etimolodjeye

Do viebe « clamer » avou l’ betchete « ri- » des viebes çou ki dene on mot avou l’ cawete di codjowaedje « -er » des viebes, lu-minme eprontaedje do francès « réclamer ».

Prononçaedje

AFE :
- diferins prononçaedjes : /ʀ(i.)kla.ˈme/ /(ɛ)ʀ.kla.ˈme/ /ʀ(i.)kla.ˈmɛ/ /ʀ(y.)kla.ˈme/ /ʀɛ.kla.ˈme/
- prononçaedje zero-cnoxheu : /ʀ(i.)kla.ˈme/ ^{aschoûtez lu}
Ricepeures : ri·cla·mer

Viebe

riclamer (viebe å coplemint)

Djin et tins	Codjowa
Cåzant Ind. pr. (dji, dj’)	ricleme
Atôtchî(s) Ind. pr. (vos, vs)	riclemez
Cåzants Ind. pr. (nos, ns)	riclemans
Rwaitants Ind. pr., nam. (i/il, ele/elle)	riclemnut
Cåzant Ind. fut. (dji, dj’)	riclemrè
Cåzant D.I.E. (dji, dj’)	ricleméve
Cåzant Suddj. pr. (ki dji, dj’)	ricleme
pårt. erirece (dj’ a, vos av)	riclemé
Ôtes codjowaedjes	come bouter

(v. sins coplemint) criyî k' on n' est nén d' acoird.
- I vegnnut rclamer dzo nos fniesses.
- Evoye, alez, hop, djonnes et vîs ;
  Tapez djus, mostrez vs, les colosses ;
  Fjhoz greve !… Ni vs leyîz pus å drî ;
  Riclamez, s' on vs prind po des mosses ; — Jean Dessard, D'ine cohe so l'aute, 1939, p.78, Lès dj’vås dè fond (1938) (fråze rifondowe).
(v. å coplemint nén direk eployî avou li dvancete « po ») dimander tot criyant (ene metowe sacwè).
- Sire, li peupe riclame po ses droets.
- Riclamer s' droet. — Motî Forir (fråze rifondowe).
(v. sins coplemint) acertiner ene sacwè.
- Gabon, awousse 2023. Li ci k' a stî disdjoké si lome Ali Bongo. I vneut djusse di rclamer awè wangnî les vôtaedjes, por lu co sey prezidint 7 ôtès anêyes — Lucien Mahin, Li Rantoele, l° 107 p. 4.
(viebe å coplemint) ridmander (des sacwès prustêyes).
- K' i vegne riclamer lu-minme ses sôs — Motî d’ Djivet (fråze rifondowe).
- Dji rclame ene ecnêye ki dj' a prusté. — Motî Forir (fråze rifondowe).
- On bankî, c' est onk ki vs prustêye on paraplu cwand i fwait bon et ki vos l' riclame cwand i cmince a ploure — Louis Baijot (fråze rifondowe).
- Il avént rsåvé on ptit efant d' ût djoûs après l' radmarêye, et gn aveut ût meres kel riclamént.
(viebe å coplemint) dimander ene sacwè k' on-z aconte meriter.
- Asteure, on va pus lon … On lzî va rclamer di l' ôr. — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 13 (fråze rifondowe).
(viebe å coplemint) (mot d’ rilidjon) priyî (li Bon Diu, on sint, ene sinte) po-z aveur ene sacwè k' on vôreut bén.
- Dji rclame tos les sints télmint k' dj' a må. — Motî Haust (fråze rifondowe).
- Sol tins k' end ont grignî, lu et si ptite rodjete
  Il avént, deus samwinnes, fwait l' amour e catchete.
  Cwand, nåjhi come on pôve, i rtouma sol hapå,
  Li mwaisse k' el ratindeut tot rclamant sint Linå,
  End ava-st ene téle djoye, k' i boeva gote so gote,
  Et, durant deus troes djoûs, dimora-st e ribote. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.36 (fråze rifondowe).
- Onk k’ a l’ pougn djus brait après s’ mame… En ôte ki broûle di five, riclame li Mwaisse do cir … A clicotes, sins aidants, sins cpagnons, sins cnoxhances, li ci ki n’ mourt nén cial ca seur mori pus lon. — Joseph Mignolet, Al bèle fontinne, 1924, p.6 (fråze rifondowe).
(viebe å coplemint) dimander d' arinner ene sakî.
- Pår k’ i sofoke a plorer, l’ valet, k’ i n’ sait pus djåzer, k’ i stronne – come l’ ôte djoû, cwand Mouyete aspita so l’ ouxh tot rclamant Rogneuse. — Arthur Xhignesse, Boule-di-Gôme, 1912, p.24 (fråze rifondowe).
(viebe å coplemint) cåzer tot djhant do bén, fé l' riclame (d' ene sakî, d' ene rilomêye sacwè).
- L' åbe do crestea å mitan des deus vås, i n' a personne ki nel kinoxhe, ki nel riclame, ki n’ vis l’ acsegne — Henri Simon, dins «Li moirt di l' åbe» (fråze rifondowe et rarindjeye).
- Il ont språtchî l' innmi dzo leu talons;
  On ls a rclamé les pus vayants k' i gn åye
  Vola pocwè ns estans firs d' esse Walons — Théophile Bovy, Li Tchant dès Walons (fråze rifondowe).