riprinde

Walon (Rifondou)

Alofômes di r(i)-

avou ene sipotchåve voyale	avou ene divanceye voyale	sipotcheye cogne
riprinde	erprinde	rprinde

Etimolodjeye

Do viebe « prinde », avou l’ betchete « ri- » des viebes, çou ki dene on mot avou l’ cawete di codjowaedje « -de » des viebes.

Prononçaedje

• AFE :
  • diferins prononçaedjes : /ʀi.ˈpʀɛ̃t/ /ʀy.ˈpʀɛ̃t/ /ʀœ.ˈpʀɛ̃t/ /ʀɛ.ˈpʀɛ̃t/
  • prononçaedje zero-cnoxheu : /ʀi.ˈpʀɛ̃t/
• Ricepeures : ri·prinde

Viebe

Djin et tins	Codjowa
Cåzant Ind. pr. (dji, dj’)	r(i)prind
Atôtchî(s) Ind. pr. (vos, vs)	r(i)prindoz / r(i)purdoz
Cåzants Ind. pr. (nos, ns)	r(i)prindans / r(i)purdans
Rwaitants Ind. pr., nam. (i/il, ele/elle)	r(i)pudnut
Cåzant Ind. fut. (dji, dj’)	r(i)prindrè / r(i)pudrè
Cåzant D.I.E. (dji, dj’)	r(i)prindeu / r(i)purdeu
Cåzant Suddj. pr. (ki dji, dj’)	r(i)prinde
pårt. erirece (dj’ a, vos av)	r(i)prindou / r(i)prins / r(i)pris
Ôtes codjowaedjes	come prinde

riprinde

1. (viebe å coplemint) prinde on deujhinme côp.
   • Riprindroz on vere ?
   • On m' a co rprins m' velo.
   • I rprinda l' voye des tavienes k' il esteut afaiti do rôler djusk' å djoû. — Joseph Vrindts, « Li pope d'Anvers » (1896), p.68 (fråze rifondowe).
2. (viebe å coplemint) ricmincî.
   • I r’prinda si-oûve, et les vers vinît onk après l’aute come les peûs d’on tchap’lèt qu’on d’file. — Joseph Mignolet, "Les håyes sont rfloreyes", "L' aloumire", 1921, p. 51.
3. continouwer.
   • Nos rprindrans nos pårteyes di match ou d' piket, insi ? … — Joseph Mignolet, "Li vôye qui monte" (1933), p.23 (fråze rifondowe).
4. (viebe å coplemint) apicî on deujhinme côp.
   • Riprinde on prijhonir ki s' aveut såvé. — Motî Forir (fråze rifondowe).
5. (viebe å coplemint) prinde çou k' on-z aveut dné.
   • Mareye ki dene, Mareye ki rprind, Mareye voleuse.
   • Dji lyi a rpris m' ramon ki dj' lyi aveu prusté. — Motî Forir (fråze rifondowe).
   • Sins s' aporçure k' ele leyive goter l' eure,
     Li moirt e l' åme, ele dijheut d' ene flåwe vwès :
     L' amour trompåve a gåté m' destinêye,
     Et Diè m' a rpris l' efant k' end esteut l' frut. — Jean Bury, Joyeux rèspleus (1899), "Pauve kimére" (fråze rifondowe).
6. (viebe å coplemint) prinde ene sacwè après èn ôte.
   • Si t' atchtêye ene nouve oto, on ti rprind l' viye.
   • Mi vloz rprinde mi ome ?
7. (viebe å coplemint) (nouv côps so dijh al vwès passive) (mot d’ medcén) fé fé ene maladeye, on må on deujhinme côp.
   • Vevè est co rpris di s’ teribe tosse. — Arthur Xhignesse, « Boule-di-Gôme », 1912, p.17 (fråze rifondowe).
8. (v. sins coplemint) rifé des blames, po on feu k' aveut l' air distindou.
   • La nosse feu ki rprind, wai.
9. (viebe å coplemint) prinde ene voye k' on-z î aveut dedja passé.
   • Et, nåjhi do ratinde, i rprinda l' Pormoennåde
     Ripassa l' Pont des Veas, So les Dos, les Bayås. — Louis Lagauche, "Mayon" (1923), p. 23 (fråze rifondowe).
10. (v. sins coplemint) (mot d’ medcén) riweri (tot djåzant d' ene coixheure.
    • Tos vos grefons sont bén rpris. — Motî Forir (fråze rifondowe).
11. (viebe å prono) coridjî ene sacwè k' on vneut di dire ou fé.

    Ene fråze d’ egzimpe est co a radjouter.

Ratourneures

1. riprinde alinne
2. riprinde li boune voye
3. riprinde raecene

Ortografeyes

Divant 1900 :

• riprintt : E203 ^(lére)

Après 1900, foû rfondou (Feller, Feller ricandjî, nén Feller) :

• riprinde : C8, E1
• èrprinde / rprinde : O4
• ruprinde / r’prinde : E34

E rfondou walon :

• riprinde : R13
• riprinde / rprinde : R10 ^(lére)

Ôtès ortografeyes (avou des sourdants nén rkinoxhous) :

• riprinde / rprinde : R12

Ratournaedjes

prinde on deujhinme côp

• Inglès : to retake ^(en)
• Francès : reprendre ^(fr)
• Neyerlandès : hernemen ^(en)

prinde çou k' on-z aveut dné

• Inglès : to take back ^(en)
• Francès : reprendre ^(fr)
• Neyerlandès : herpakken ^(en)

Codjowa

riprinde

1. suddjonctif prezintrece, prumire et troejhinme djins do singulî, do viebe « prinde »
   • I fåt k' i rprinde ses måyes.