rondea

Walon (Rifondou)

Etimolodjeye

Bodje « rond » avou l’ cawete « -ea »

Prononçaedje

• AFE :
  • diferins prononçaedjes : /ʀɔ̃.ˈdja/ /ʀɔ̃.ˈdɛː/ /ʀɔ̃.ˈdʒɛː/ /ʀɔ̃.ˈdʒa/
  • prononçaedje zero-cnoxheu : /ʀɔ̃.ˈdja/
• Ricepeures : ron·dea

• 
  Rondeas d' aiwe (sins 4)

Sustantif

singulî	pluriyal
rondea	rondeas

rondea omrin

1. pitit rond, metans d' åbes.
   • Waite li rondea d' tcheneas : t' è pous bén aflaxhî deus troes — Lucyin Mahin (fråze rifondowe).
   • Il a nivé tote nute sins k' ene flotcheye ni m' aduze: li Bon Diu av fwait on rondea åtoû d' mi — Raymond Dambly (fråze rifondowe).
2. pitit ome tot rond (nén grand et bodou).
3. (noûmot pa stindaedje do sinse) (belès-letes) arimé, avou traze (u catoize) vers, et fok deus rimes, et come on resploe ki rvént al prumire et deujhinme, setinme ey ûtinme ey al trazinme royes.
4. ronds ki s' sitindèt e l' aiwe cwand ene sacwè tome ou bodje divins.
   • On n' voet k' des passeus-d'-aiwe so l' aiwe plate come on veule,
     Ki ridèt ledjirmint, s' arestèt, ratakèt
     Tot fjhant des ptits rondeas, la, tot wice k' i passèt. — Louis Lagauche, "L' inmant", Li vivî, (1947), p. 88 (fråze rifondowe).
5. wåmêye di foumire e cogne di rond.
   • Les rondeas d’ foumire s’ edjiblèt,
     Po raddimint prinde li fôme,
     D’ on coir di feme. — Nicolas Donnay, Come on tabeûr Doze Eures (1975) (fråze rifondowe).
6. same, djonnea.
   • Cwand l’ solo s’ winne, il î dispiete d’ ewaerés pidjolas d’ fene poûssire, et des rondeas d’ glotès moxhes ki sont del måjhone, priyeyes k’ ele sont tofer a ene cråsse maigue crompire. — Arthur Xhignesse, « Boule-di-Gôme », 1912, p.4 (fråze rifondowe).
7. pårteye veyåve do vizaedje (!!! a-z aveuri).
   • Vos vs marixhoz, Françwès, li boune savneure, c' est l' boune savneure, mins end a toplin ki ' lavèt ki l' rondea do vizaedje di l' efant paski c' est çoula k' on voet l' mî, pol resse, on s' endè moke. — Joseph Vrindts, « Li pope d'Anvers » (1896), p.82 (fråze rifondowe).

Sinonimeye

pitit rond

• rondion

Parintaedje

rondinea

Rilomêye do mot

Li mot dins on tite di live, di gazete, di soce, di marke

• Rondeas e walon såmî: ramexhnêye di rondeas da Djôzef Dokir

Ortografeyes

Après 1900, foû rfondou (Feller, Feller ricandjî, nén Feller) :

• rôdê : E34
• rondê : E1

E rfondou walon :

• rondea : R10 ^(lére)

Ratournaedjes

sôre d' arimé

• Francès : rondeau ^(fr)

ronds so l' aiwe

• Francès : onde ^(fr), vague ^(fr) circulaire (nén ratournåve direk e francès)

ronde wåmêye

• Francès : volute ^(fr) ronde de fumée

Waitîz eto

Lijhoz l’ årtike rondea so Wikipedia