s’ agridjî

Walon (Rifondou)

Li rfondaedje di ç’ mot cial est co so balance. Fåt i scrire « s’ agridjî » u « s’ agritchî » ?

Etimolodjeye

Aplacaedje prono « s’ » + viebe «agridjî»

Viebe

s’ agridjî

1. (viebe å prono nonlôtrece) si chamayî diska vni ås mwins.
   • Gn a deus heredjresses ki s' ont-st agridjî. — Motî Forir (fråze rifondowe).
2. (viebe å prono muroetrece) fé bråmint des foices po ene sacwè.
   • Rade on s' agridje :
     lès fås pindowes divins les xheures
     sont dismantcheyes erî d' leus fåmwins — Henri Simon, "Li pan dè Bon Diu", "Awout" (fråze rifondowe).
   • Viyès airs di rondes-danses et d’ cråmignons
     Hinêyes el grande gaspoye
     Des djaenès foyes
     Ki s’ agridjèt-st ås bohêyes, å waezon,
     Spitèt-st evoye come des moxhons.
     — Jules Claskin, « Airs di flûte et autres poèmes wallons », édition critique de Maurice Piron, 1956, « Nôvimbe », 1922-23, p.38 (fråze rifondowe).
   • Fiestêye d' on vint ledjir l' aiwe d' Oûte î court påjhûle
     Et s' agridje come li trûte ki bagne inte des cladjots ; — Louis Lagauche, L'aimant, Fètch’reûs, (1947), p. 160 (fråze rifondowe).
3. (v. å coplemint nén direk eployî avou li dvancete « a ») si tni foitmint a ene sacwè po n' nén ndaler.
   • A l’ aiwe ! … Å secours !... breyeut Andrî tot s’ kibatant dvins les toûbions des gofes, et tot sayant d’ s’ agridjî ås cladjots do boird. — Joseph Mignolet, « Li tchèsturlinne dèl Bèle Rotche, 1922, p.37 (fråze rifondowe).

Sinonimeye

si chamayî diska vni ås mwins

• s’ acaimer
• s’ apougnî
• si kiråyî
• si pingnî
• s’ ridinguer

fé bråmint des foices po ene sacwè

• si côper e cwate po

si tni foitmint a ene sacwè po n' nén ndaler

• s’ acrotchî
• s’ agritchî
• s’ ataetchî

Sipårdaedje do mot

w. do Levant, w. do Mitan

Ratournaedjes

si chamayî diska vni ås mwins

• Francès : en venir aux mains ^(fr), se bagarrer ^(fr)

fé bråmint des foices po ene sacwè

• Francès : s’efforcer ^(fr), s’animer ^(fr), s’évertuer ^(fr), mettre tout en œuvre ^(fr), se démener ^(fr)

si tni foitmint a ene sacwè po n' nén ndaler

• Francès : s’accrocher ^(fr), s’aggriper ^(fr)