serieus

Walon (Rifondou)

Etimolodjeye

Eprontaedje « sérieux » avou l’ dobe cawete « -eus ».

Prononçaedje

• AFE :
  • diferins prononçaedjes : /seːʀ.ˈjøː/ /sɛʀ.ˈjøː/
  • prononçaedje zero-cnoxheu : /sɛʀ.ˈjøː/
• Ricepeures : ser·ieus

Addjectif

	singulî	pluriyal
omrin	serieus
femrin padrî	serieuse	serieuses
femrin padvant	serieuse	serieusès

serieus omrin

1. ki n' reye nén voltî et fé çou k' i doet.
   • Dji m’ va djoker roci, pask’ on botin d’ telefone èn sereut nén grand assez po vos raconter totes mes istweres… nén foirt serieuses, dji l’ avowe. — Jean Goffart.
   • Les stoeles, c' est des ptitès dorêyès sacwès ki fjhèt sondjiner les nawes. Mins dji so serieus, mi ! Dji n’ a nén l’ tins do sondjiner. — Lorint Hendschel, ratournant « Li ptit prince ».
2. (pus stroetmint) tot djåzant d' on vizaedje.
   • On serieus viyair. — Motî Forir (fråze rifondowe).
   • I fwait ene mene serieuse. — Motî Forir (fråze rifondowe).
   • On djoû vla k' ele mi dit, tot prindant èn air serieus,/br>Ki des longuès hantreyes pôrént gåter nosse djeu. — Jean Dessard, D'ine cohe so l'aute, 1939, p.128, Li c’fèchon da Hinri (1909) (fråze rifondowe).
3. impôrtant, degne d' asteme.
   • Mågré k' on a ene ddja ene lisse serieuse
     Di betchs, come li Knor et l' Veilleuse,
     Li Multiplexe, li betch Almand,
     [...]Li betch Bébé et-cétera.
     Li ci k' a del båbe el kissaetche
     Po mostrer ki ç' n' est nou blanc-betch. — Louis Wesphal, Li Plaisir dè Chanteu, 1907, Les bèches, p.96 (fråze rifondowe).
   • Fonsine ni fjheut nou mistere di çou k’ ses serieus årît anoncî: ele dijheut leye-minme k’ i n’ aveut rén d’ serieus ladvins. — Paul Renson (fråze rifondowe).
   • Zita a rascoyî les dierins mots da l' ome … curieus ! … ene sacwè d' motoit foirt serieus åresse. — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 10 (fråze rifondowe).
4. (mot d’ medcén) gråve.
   • Mins s’ i vos dit, tot baxhant s’ minton, avou ses ouys a mitan cloyous et ene xhinêye di sofrance, l’ air d’ on tchén k’ a peu d’ on baston, qu’ il est acsût di leucosselidofobeye… Maria ! Tot d’ shute, c’ est pus serieus ! On n’ reye nin avou ça ! — Lorint Hendschel, Mélanossélidofobîye, 16 di decimbe 2025 (fråze rifondowe).
5. decidé podbon.
   • Siya nos nos vlans maryî, c' est serieus; minme ki dpus nos estans d' acoird. — Marcel Van Splunter, Emile Botaye (fråze rifondowe).

Ratourneures

1. ci n’ est nén serieus : çoula n' dût nén, n' a ni cou ni tiesse.
   • Vos avoz l' air on pô djinnêye,
     Et vs pinsez, motoit, k' dji vôreu
     Fé di m' monkeur, ene abandnêye :
     Mafwè, ci n' sereut nén serieus. — Jean Dessard, D'ine cohe so l'aute, 1939, p.118, Li brave Nanète (1910) (fråze rifondowe).
2. si prinde å serieus
   • I n' si prindeut nén trop lontins å serieus, si boune oumeur raspitéve totossu vite — Émile Sullon (fråze rifondowe).

Sinonimeye

mot d' meteyo

• frexh
• houreus

Mots vijhéns

ki n' reye nén voltî

• straegn

degne d' asteme

• gråve
• impôrtant
• rimarcåve

Ortografeyes

Divant 1900 :

• sérieû, sérieûss : E203 ^(lére)

Après 1900, foû rfondou (Feller, Feller ricandjî, nén Feller) :

• sérieûs, sérieûse : E1, S0
• sérieûs : C1, E34
• sérieû : FO4, O4 p. 49 et 311
• sériyeûs, sériyeûse : E165
• sériyeûs : FE1

E rfondou walon :

• serieus, serieuse : R10 ^(lére)
• serieus : R13

Ratournaedjes

ki n' reye nén voltî et fé çou k' i doet

• Francès : sérieux ^(fr)

tot djåzant d' on vizaedje

• Francès : sérieux ^(fr), impassible ^(fr), grave ^(fr)

impôrtant, degne d' asteme

• Francès : sérieux ^(fr), important ^(fr), conséquent ^(fr)

s' edeure ene malådeye, ene sofrance

• Francès : souffreteux ^(fr), mal en point ^(fr)

decidé podbon

• Francès : décidé ^(fr), sérieux ^(fr), définitif ^(fr)

Sustantif

singulî	pluriyal
serieus

serieus omrin

1. manire di s' tini serieuzmint.
2. onk k' est serieus.

Ratourneures

1. c’ est do serieus
   • K’ estans ns sol tere ?
     Tot å pus ene groumiote.
     C’ est anoyeus ! C’ est do serieus. — Chales Werotte (fråze rifondowe).
2. fé l’ serieus : si kidure come ene sakî d' serieus.
   • L’ åmatén, a cwè bon s’ djinner
     Ås femes on s’ fwait minme ene friyole
     Ou s’ on lzî dbite ene babiole,
     On frè l’ serieus l’ après-diner. — Joseph Vrindts, Vîx Lîge, (1901), p.134, “Li Cîqwème” (fråze rifondowe).
3. pol serieus : serieuzmint.
   • « Ki djhoz vs, binamé monsieu,
     Pa, c' est surmint po rire ;
     Dijhoz vs çoula pol serieus ?
     Mins n' fåt i nén bén dire ?
     Mi k' a ene fômresse
     Ki m' bouname Djannesse,
     K' a t ene cawe come on dragon
     N' pout co sinti l' fond. » — François Barillié, Li botresse, divins Li camarad′ dè l'joie, 1852, p.30 (fråze rifondowe).
4. tini l’ serieus d’ ene poye ki pixhe
   • Cwand il advidjiléve si dozinne di tiesses di moyale, i tneut l' serieus d' ene poye ki pixhe. — Dieudonné Salme (fråze rifondowe).
5. tini s’ serieus a deus mwins

Ortografeyes

Divant 1900 :

• sérieux : FrBa

Ratournaedjes

serieus

• Francès : sérieux ^(fr)