si bouter e l’ tiesse

Walon (Rifondou)

Etimolodjeye

Shûte des mots : « si » + « bouter » + « e » + « l’ » + « tiesse », lu-minme calcaedje do francès « se mettre en tête ».

Vierbire

si bouter e l’ tiesse (viebe å prono)

1. si mete a croere a ene idêye.
   • Dji n' mi pou bouter e l' tiesse kimint k' i fwait les desses. — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Mins s’ vos vs boutez-st el tiesse ki Djan-Djôzef Pawene
     Si såvrè come on rnåd, pawou d’ vos carabenes,
     Vos vs marixhoz. — Joseph Vrindts, Vîx Lîge, (1901), p.189-190, “Li Brac’neu” (fråze rifondowe).
2. aveur idêye d' adiercî on pordjet.
   • MAREYE. (s’ ashiant) – Neni, gråce a Diu ! Mins vos, nosse dame, vos n’ avoz nén l’ air peneuse ?
     BÊTRI. Taijhoz vs ! Hâ mon Diu, kéne herike ! Dji so come ene agaesse so des tchôdès cindes !... Mådjinez vs k’ Andrî s’ a bouté el tiesse l’ idêye d’ adawyî l’ tchesturlinne del bele rotche ! — Joseph Mignolet, Li tchèsturlinne dèl bèle rotche, 1922, p.31 (fråze rifondowe).

Ôtes sicrijhas

• si mete e l’ tiesse
• si stitchî e l’ tiesse
• si tchôkî e l’ tiesse

Sinonimeye

si mete a croere plinnmint a ene idêye

• s’ apinser
• stitchî

aveur idêye d' adiercî on pordjet

• eterprinde
• pordjeter
• si mådjiner

Ratournaedjes

si mete a croere plinnmint a ene idêye

• Francès : se convaincre ^(fr), se persuader ^(fr), se mettre en tête ^(fr), s’imaginer ^(fr)

aveur idêye d' adiercî on pordjet

• Francès : se mettre en tête ^(fr), se donner pour objectif ^(fr), projeter ^(fr), entreprendre ^(fr)