siervice

Walon (Rifondou)

Etimolodjeye

Tayon-bodje latén « servitium » ‎(« esclåvaedje »), pal voye do francès « service ».

Prononçaedje

AFE :
- diferins prononçaedjes : /sjɛʀ.ˈvɪs/ /ʃɛʀ.ˈvɪs/
- prononçaedje zero-cnoxheu : /sjɛʀ.ˈvis/
Ricepeures : sier·vice

Sustantif

singulî	pluriyal
siervice	siervices

siervice omrin

aidance k' on rind a ene sakî, Loukîz a : « rinde siervice ».
- Ti dirès k' on n' arinne les djins k' å moumint k' on nd a mezåjhe, mins dj' a on ptit siervice a ti dmander. — Dieudonné Salme (fråze rifondowe).
- Si les djins vlèt rconoxhe les siervices k' on tchén a rindou, k' il alaxhénxhe avou des såçusses. — Henri Pétrez (fråze rifondowe).
- Mareye a rindou bråmint des siervices, po cmincî come caissire pu come prezidinte.
totes sôres d' ahesses di måjhone (djates, pailons) del minme coleur et del minme cogne.
- I lzî ont atchté on siervice po leu mariaedje.
eurêye dinêye a on moumint del djournêye.
- On siervice a dijh eures. — Motî Haust (fråze rifondowe).
ovraedje k' ene sakî doet fé po s' mestî.
- DJENVIRE. (lyi côpant l' parole) - Des pîces a convulsion ? N' est ç' nén del hoye ?
  NAPOLEYON. (bas) Låtchans des fis. (hôt) Del hoye ki vént foû d' l' infier, mins çoula n' vout nén dire tcherete, li comissaire sårè ki l' pompî Napoleyon fwait bén s' siervice. (bas a Betcheye) Tén avou mi, t' årès ene sacwè foû del pîce. — Joseph Vrindts, Li diale di so l'fontaine, 1889, sinne VI, p.16 (fråze rifondowe).
buro, institucion d' on ministere.
- I vs les fåreut pår vey
  Tchaeke feye k' i fjhèt l' egzercice ;
  C' est aprume ki vos dirîz
  K' i cnoxhèt bén leur siervice ! — François Barillié, Li camarad′ dè l'joie, 1852, Les pompiers, p.68 (fråze rifondowe).
- Vos n’ m’ alez nén croere, mins (tins k' dj' esteu operé), dji m’ a veyou naivyî so on nouwaedje ådzeu do siervice. — José Schoovaerts (fråze rifondowe).
- Cabén k’ i n’ soeye pus dins l’ siervice, il aveut co on long bresse. — Lucyin Mahin.
(mot d’ medcén) cwårtî d' èn ospitå.
- I ratindeut s' toû, va, dandjreus, å siervice des urdjinces, avou co sacwants ôtes, des inte li veye eyet l' moirt et des ki n' avént nén l' air pus malådes ki ça. — Lucyin Mahin, Eviè Nonne (fråze rifondowe).
ceremonreye di l' etermint.
- On-z a fwait l' siervice so s' coir. — Motî Forir (fråze rifondowe).
- Priyî å siervice. — Motî Haust (fråze rifondowe).
(mot d’ militaire) tins d' escolaedje militaire ki les djonnes ome divèt fé sorlon sacwantès lwès.
- Il a cwité l' siervice. — Motî Forir (fråze rifondowe).
pluriyal (mot d’ economeye) economeye ki n' toûne nén åtoû di l' ågricoûteure, des minires ou di l' industreye.
Ene fråze d’ egzimpe est co a radjouter.