spater

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
spater	sipater	espater

Etimolodjeye

Bodje « pate », avou l’ betchete « s- » di rsaetchaedje des viebes avou l’ cawete di codjowaedje « -er » des viebes ; côper les pates. Racuzinåve avou l’ francès « épater ».

Prononçaedje

• AFE :
  • diferins prononçaedjes : /spa.ˈte/ /spa.ˈtɛ/ (minme prononçaedje cåzu pattavå)
  • prononçaedje zero-cnoxheu : /spa.ˈte/
• Ricepeures : spa·ter

Viebe

Djin et tins	Codjowa
Cåzant Ind. pr. (dji, dj’)	spate
Atôtchî(s) Ind. pr. (vos, vs)	spatez
Cåzants Ind. pr. (nos, ns)	spatans
Rwaitants Ind. pr., nam. (i/il, ele/elle)	spatnut
Cåzant Ind. fut. (dji, dj’)	spatrè
Cåzant D.I.E. (dji, dj’)	spatéve
Cåzant Suddj. pr. (ki dji, dj’)	spate
pårt. erirece (dj’ a, vos av)	spaté
Ôtes codjowaedjes	sipepieus tåvlea

spater (viebe å coplemint)

1. rinde pus ptit, pus plat, tot fzant en foice avou ene sacwè d’ pezant u tot-z aspoyant di tos costés.
   • Spater les canadas al fortchete.
   • Dji m’ a spaté l’ doet. — Motî Haust (fråze rifondowe).
   • BIETMÉ. Vî båbô k' vos estoz !
     TÅTÎ. Nonna, dj' so-st ene ehale !
     BIETMÉ. Taijhoz vs, vî tabernake ! Vos sondjîz les brocales
     Et les boreas tot fwaits !
     TÅTÎ. - Alez è, djonne huzea !
     Si dji n' mi ratneu nén, dji vs sipatreu l' buzea ! — Édouard Remouchamps, Tåtî l’ Pèriquî, 1884, Ake I, Sinne VII, v. 121-124 (fråze rifondowe).
   • Loukîz les pouces, ci n' est nole bleuwe,
     On lzès lome bén des betchs-di-keuve,
     Et l' feme k' endè hape ene ou deus
     Les spate al betchete di ses doets. — Louis Wesphal, Li Plaisir dè Chanteu, 1907, Les bèches, p.96-97 (fråze rifondowe).
   • Nosse pitite Beldjike, sipatêye inte l’ Almagne, li France et l’ Inglutere, esteut neute; fåt croere ki ces payis la s’ ont todi metou d’ acoird po s’ vini splinkî amon nozôtes. — Jean Loos (fråze rifondowe).
   • Rade, il ont gripé d’ssus po lî r’cèper sès cohes,
     èt lès hèpes ataquèt. Li crèstê si påhûle
     si rimplih d’on grand brut. On ôt crohî lès bwès
     qui s’frohèt lot toumant so lès bouhons spatés. — Henri Simon, Li pan dè bon Diu, "Li mwért di l'åbe".
2. (imådjreçmint) kitchessî, må rascoyî.
   • "L' Esprit do Signeur est sor mi, i m' a ondou,
     po k' dj' alaxhe anoncî l' Boune Novele azès pôves,
     dire azès prijhnîs k' i sont libes,
     ås aveules k' i voeront l' loumire,
     azès cis k' sont spatés, k' i seront delivrés. — Jean-Marie Lecomte, L' evandjîle sorlon Sint Luc (fråze rifondowe).

Parintaedje

• aspater
• raspater
• spata (peupe-sipata)
• spataedje
• spaté
• spatoe
• spatroûle

Mots d’ aplacaedje

spate-broû

Sinonimeye

• spotchî
• språtchî
• asplati

Ortografeyes

Divant 1900 :

• spatez : E212 ^(lére)
• spaté / sipaté : E203 ^(lére)

Après 1900, foû rfondou (Feller, Feller ricandjî, nén Feller) :

• spater / supater : E34
• spater / sipater : E1 (come codjowa « sipat’rè »)
• spatè / sipatè : C8
• s(i)pater : C9
• spater : C99
• èspater : S25

E rfondou walon :

• spater / sipater u espater : R10 ^(lére)
• spater : R13

Li mot n’ est nén dins : FO4, O4 (come viebe)

Ratournaedjes

spater

• Francès : écraser ^(fr), presser ^(fr), comprimer ^(fr), aplatir ^(fr)