tcholeur

Walon (Rifondou)

Etimolodjeye

Tayon-bodje latén « calor », (minme sinse) (çou ki dene on mot avou l’ cawete « -eur »).

Prononçaedje

• AFE :
  • diferins prononçaedjes : /t͡ʃɔ.løːʀ/ /t͡ʃa.løːʀ/ /t͡ʃaløː/
  • prononçaedje zero-cnoxheu : /t͡ʃɔ.løːʀ/

Sustantif

singulî	pluriyal
tcholeur	tcholeurs

tcholeur femrin

1. cwålité ou difåt di çou k' est tchôd.
   • Rén n' våt l' tcholeur d' on bon feu d' bwès.
   • Li solo blancåsse lezî dnéve
     Des rflets d’ ermene tofer candjants ;
     S’ froede tcholeur les egordinéve
     D’ ene schome ki les fjheut vey pus blancs. — Martin Lejeune, Œuvres lyriques du poète wallon Martin Lejeune, "L’iviêr èt l’amour" (fråze rifondowe).
2. estance d' ene plaece k' il î fwait tchôd.
   • Ké tcholeur, ciddé ! Bén on stofe, taiss ! Drovoz vitmint l' finiesse, don.
   • I tome ene bleuwe brouweur, ene måhaiteye tcholeur. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Candj’mint d’ tins », 1912, p.22 (fråze rifondowe).
3. cwålité d' ene sakî k' est foirt amiståve.
4. loukîz a : tcholeurs.

Ratourneures

1. d’ ene tcholeur pareye

Parintaedje

• tchorleus, tchorleuzmint

Mots d’ aplacaedje

• tcholeur d’ infier

Ortografeyes

Divant 1900 :

• choleur : E212 ^(lére), E177a ^(lére)
• choleûr : E203 ^(lére)

Après 1900, foû rfondou (Feller, Feller ricandjî, nén Feller) :

• tchaleûr : E1, O4, S0
• tchaleû : C1, O0
• tcholeûr : E1

E rfondou walon :

• tcholeur : R10 ^(lére), R13

Ratournaedjes

cwålité ou difåt di çou k' est tchôd

• Arabe marokin : سْخنيّة ^(ary) =‎ skheneyya
• Inglès : heat ^(en)
• Espagnol : calor ^(es)
• Francès : chaleur ^(fr)
• Neyerlandès : warmte ^(nl)

estance d' ene plaece k' il î fwait tchôd

• Arabe marokin : حرارة ^(ary) =‎ 7erara
• Inglès : heat ^(en)
• Espagnol : calor ^(es)
• Francès : chaleur ^(fr)
• Neyerlandès : warmte ^(nl)