tronnant

Walon (Rifondou)

Etimolodjeye

Do viebe « tronner » avou l’ cawete « -ant ».

Prononçaedje

• AFE :
  • diferins prononçaedjes : /tʀoː.ˈlɑ̃/ /tʀɔ̃ː.ˈlɑ̃/ /tʀɔ̃ː.ˈnɑ̃/
  • prononçaedje zero-cnoxheu : /tʀɔ̃ː.ˈnɑ̃/
• Ricepeures : tron·nant

Pårticipe prezintrece

tronnant (nén candjåve)

1. pårticipe prezintrece do viebe « tronner ».
   • Et nosse mamé, tot tronnant come ene foye,
     Ralårdjixha s' boke et mostra ses dazots,
     La wice k' on veyeut, on pô djaene,
     Li feve intrêye disk' al raecene,
     E pus gros dint del blanke rindjeye di dzo. — Joseph Vrindts, Pâhûles rîmês, (1897), "Li mâx d'dints", p.77 (fråze rifondowe).
   • Mins sol pazea, voci l’ blonde Hanriyete,
     Sotnant s’ grand-mere ki s’ ahetche tot tronnant
     Pîtant, pîtant, on s’ amoenne e gloriete. — Martin Lejeune, Œuvres lyriques du poète wallon Martin Lejeune, "L’orake dèl magriyète" (fråze rifondowe).

Addjectif

	singulî	pluriyal
omrin	tronnant	tronnants
femrin padrî	tronnante	tronnantes
femrin padvant	tronnante	tronnantès

tronnant omrin (come addjectif djondrece, metou padvant u padrî l’ no)

1. ki tronne.
   • Sicrire d' ene mwin tronnante. — Motî Forir (fråze rifondowe).
   • Li tronnante blame d' ene tchandele. — Motî d’ Vervî (fråze rifondowe).
   • Kécfeye, i s' arestêye : tronnant, li poyaedje tot plaké, il ode do costé do vint, ki huze al dilongue des dseulêyès côpes, atchessant des pakets d' plouve ki fjhèt clignî ses ouys. — Marcel Fabry, Li hatche di bronze, (1937), p. 60 (fråze rifondowe).
   • Dji voe on vî ome tot tronnant et tot tchenou aspoyî so on baston plin d' nuks. — Anatole Marchal (fråze rifondowe).
   • Les ouys enûlés, dj' a yeu des rujhes a lére li papî ki mes tronnants doets avént målåjhey tini di scwere. — José Schoovaerts (fråze rifondowe).
2. ki s' mete åjheymint a bodjî nén comifåt.
   • Li novea pont est tronnant. — Motî Forir (fråze rifondowe).
3. (pus stroetmint) tot djåzant del vwès.
   • Vwès tronnante. — Motî Forir (fråze rifondowe).
   • Adon, cwand cist air la pidjole et cabriyole,
     Inte les tåvleas d' mes sondjes po m' mete tot foû råjhon,
     Dji stind mes bresses viè m' Mouze et d' ene tronnante parole,
     Lyi dmande di m' fé comprinde çou k' ele dit dvins s' tchanson. — Louis Lagauche, L'aimant, Li tchanson del Mouze, (1947), p. 100 (fråze rifondowe).
4. mouwé.
   • Gn a l’ tiesse ki bate li berloke
     On-z a l’ cour tot tronnant
     Cwand on-z etind l’ grosse cloke
     Do vî clotchî d’ Sint-Djhan. — Louis Loiseau (fråze rifondowe).

Sinonimeye

ki tronne

• triyanant

ki s' mete åjheymint a bodjî nén comifåt

• hoslant
• hossant

ki rsint des foirts mouvmints d' cour

• eblamé
• efoufyî
• mouwé
• tot drole

Ortografeyes

Divant 1900 :

• tronlan, tronlantt : E203 ^(lére)
• trônnan, trônnantt : E203 ^(lére)

Après 1900, foû rfondou (Feller, Feller ricandjî, nén Feller) :

• tronnant, tronnante : E1
• tronlant, tronlante : E1
• trôlant, trôlante : E34

E rfondou walon :

• tronnant, tronnante : R10 ^(lére)

Ratournaedjes

ki tronne

• Francès : tremblant ^(fr), vibrant ^(fr)
• Neyerlandès : bevend ^(nl)

ki s' mete åjheymint a bodjî nén comifåt

• Francès : instable ^(fr), brinquebalant ^(fr)

tot djåzant del vwès

• Francès : tremblant ^(fr), chevrotant ^(fr)

mouwé

• Francès : ému ^(fr), bouleversé ^(fr)