eto 1

Èn årtike di Wiktionary.
(Redjiblé di ato)
Potchî a: naiviaedje, cweri

eto 1

I. [adv.] mostere on radjoutaedje. Estoz la eto , vos ? Dispu 20 ans ki no-n Alfred tchante, end a sacwants ki savèt eto ki si no d' bateme, c' est Wilhem Dunker (J.P. Tondu). Come ahesses, vos fåt èn ordinateur, et ene houcrece (on modem) eto, ey ene lene di telefone, bén seur (L. Hendschel). Et c' esteut kine eto po dmorer e l' eglijhe et repeter les paters et les tchants; li curé aveut dvou låtchî ls efants (E. Gilliard). Loukîz a: avou, ossu. F. aussi, également.

II. [adjondrece] ça fwait ki, c' est po ça ki. (po mostrer li shûte del prumire fråzlete). Il a bråmint bevou, eto n' a-t i nén fwait des vîs oxheas. Il a vnou ayir, eto dji so binåjhe. Il a fwait ene biestreye, eto i l' paye bén. I m' a foirt må rçû, eto i n' mi voerè pus. Les amoreus s' catchèt dins les roweles, eto, cwand vos lzè rescontroz, vos voeyoz bén k' i sont djinnés (F. Loriaux). F. dès lors, donc, aussi, en conséquence.

III. [divancete]

1. avou. Les deus biesses astok di s' cretche, Sont ses cortizans Divins on ståve vude et frexh Eto ene bawete (Viye tchanson d' Noyé). Calvin esteut on tchenonne Et Luther, on disbåtchî moenne; Å diale les coirnêyes Eto leus curêyes ! (Bate di dvize inte on catolike ey on protestant). Neni, crolé napea; Eto t' novea lingaedje, Ti n' etins nén, dji wadje, çou k' c' est ki d' fé pixh paxh (Simon de Harlez). Elzî fåt les tchinnes et pindants Les fiers d' årdjint eto les pieles Afîsse k' elle avizexhe pus beles (Viye tchanson di 1620). F. avec.

2. tot, e (divant pårticipe prezintrece). Mouhagne si va catchî dirî les tiers di Houcoigne, u adåre divins Wanze, eto catournicant inte les bouxhons d' oizire k' ele lezî fwait prinde on bagn (L. Maubeuge). F. en, tout en.

Tcherpetaedje[candjî]

mot d' aplacaedje

Omonofone[candjî]

  • eto (o.n.; usteye di mnujhî)

Disfondowes[candjî]

èto, ato, ètou, Pc. étou, itou.

Vîs scrijhas : a tot, a tout, atot.

Sicrijhas ezès motîs[candjî]

atot [E1]; ato [C9], èto(t) [C1]; ètou [O0, O2, O3, O4] [2]

Sipårdaedje[candjî]

  • sinse I (disfondowe "èto", "ètou") : Coinrece walon do Coûtchant, Eter-Sambe-et-Mouze, payis d' Dinant, disk' e 20inme sieke
  • sinse II : (disfondowe "èto", "ètou") Coûtchant walon, dedja aviyi e 20inme sieke
  • sinse III.1. (disfondowe "ato", sicrîte "a tot", "atot") : Payis d' Lidje disk' e 18inme sieke.
  • sinse III.2. (disfondowe "ato", sicrîte "a tot", "atot") Hesbaye, Hu, disk' a 20inme sieke.

Sourdants et pî-notes[candjî]

  1. (avou kécfeye assaetchance di l' adjondrece "et".
  2. Loukîz al djivêye des motîs.