brimbåde

Walon (Rifondou)

Etimolodjeye

Bodje « breviarium » (brevåre) avou on ridaedje V/B, avou l’ cawete « -åde »; rifondou come al Gléjhe, come les ôtes mots do bodje, çou ki dene eto on disfaflotaedje do «é».

Sustantif

singulî	pluriyal
brimbåde	brimbådes

brimbåde femrin

1. pitit boket råyî d' on grand.
   • Si cote n' est k' ene brimbåde.
   • Les clairès catedråles, ki l' prétins dresse al vole,
     Tot-z efexhant l' fouyaedje des plaenes et des beyôles
     End alént a brimbådes e broûlî des pazeas— Joseph Mignolet, "Fleûrs di prétins", p.30 (1929), "Li nècale d’amour" (fråze rifondowe).
   • Li solo shonne dischinde di l' ôte costé do monde,
     Tot leyant, cial et la, des brimbådes di djowions— Émile Wiket, "Fruzions d' cour", "A nosse grand poète Colas Dèfrècheux" (fråze rifondowe).
   • Il aléve faleur des moes po rmete les brimbådes eshonne — Lucyin Mahin.
   • Coucou, mazindje,
     Ki ti n' tén dj' !
     T' as magnî m' tåte
     A brimbådes;
     Ti mel rindrès
     A ptits bokets
     Ou ti m' dirès
     Cwand dji m' mareyrè — xhinaedje do xhufla del mazindje (fråze rifondowe).

Ratourneures

1. aler a brimbådes; toumer a brimbådes : si disfirlotchî.
   • Vosse cote va tote a brimbådes.
   • Mi pantalon tome a brimbådes.
   • Kession : est çk' ene sakî a pus d' informåcions so ci fime la, ca m' memwere eva a brimbådes, come vos veyoz, et dji n' mi sovén cåzu did rén — Lorint Hendschel.

   F. s'effilocher, s'effiler.

   tot a brimbådes esse tot a clicotes.

   On dit eto: disclicoté, dislocté, disfirlotchî, a lokes, a firlotches, a fligotes

   F. déguenillé, en guenilles, en haillons.

Parintaedje

• brimborea, brimborion, brimboriom

Sinonimeye

pitit boket

• brigosse
• firlotche

Ortografeyes

Après 1900, foû rfondou (Feller, Feller ricandjî, nén Feller) :

• brébåde : E1, E34, E213
• brimbâde : E2

Li mot n’ est nén dins : E212, S0

Ratournaedjes

pitit boket råyî foû

• Francès : lambeau ^(fr), bribe ^(fr), guenille ^(fr)