cron

Èn årtike di Wiccionaire.

Walon (Rifondou)[candjî]

cron åbe
Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Etimolodjeye: tîxhon krom, krumm (minme sinse). Ou purade gayelike, cf. burton kromm, gayelike escôswès crom, çou k' esplike bén douvént ki l' femrin walon est crombe et nén crone.

Addjectif[candjî]

singulî pluriyal
omrin cron crons
femrin padrî crombe crombes
femrin padvant crombe crombès

cron omrin (come addjectif djondrece, metou padvant u padrî l’ no)

I. [addj.]

  1. stroupyî, tot djåzant d' ene djin avou ene crawieusté do coir å skepiaedje, u après èn accidint.
    • Si efant est tot cron Motî Forir (fråze rifondowe).
    • Il a dmoré cron après si accidint Motî d’ Nivele (fråze rifondowe).
    • Il a dmoré cron d' aveur yeu s' djambe rompowe Motî del Lovire (fråze rifondowe).
    On dit eto: crawieus, xhalé, halcrosse.
    F. difforme, handicapé, infirme.
  2. ployî, metans: tot djåzant do dos d' ene djin ki rote a baxhete.
    • Dins l' yô ki n' el frexhixh ddja pus, Ele va todi, tote crombe; ele shût L' tchimin ki shût les måjhons trisses Franz Dewandelaer (fråze rifondowe).
    On dit eto: vôssé, tchamlou.
    F. courbé, voussé.
    fé s' cron dos : vôsser s' dos (kécfeye di sogne d' esse gueuyî).
    F. faire le gros dos, courber l'échine.
    awè des crombès djambes : aveur des djambes come des tchames, avou les djnos å dfoû, come onk k' åreut crexhou so on tonea.
    F. bancal, cagneux, tortu.
    awè des crons doets : haper åjheymint les cayets des ôtes.
    rl a: cron-doet.
    F. voleur, pikpocket.
    fé l' cron doet : ramasser ene paile avou l' dos di l' erî-doet.
    rl a: raeziner.
    cron fortchet : havet (fotche a rployés dints).
    On dit eto: , cro, turbet.
  3. toirdou (owe).
    • El baston est tot cron; ene pîce di bos tote crombe.
    • Divant d' atchter on manche di hatche, fåt bén rwaitî s' i n' est nén cron Motî del Fagne et del Tieraxhe (fråze rifondowe).
    On dit eto: crawieus.
    F. tordu, tortu, bancal, bancroche, contrefait.
    fé ene crombe boke : crawyî del boke, pask' on n' est nén binåjhe.
  4. nén droet.
    On dit eto: crawieus.
    • On cron tchmin.
    F. tortueux.
    avou s' cou tot cron : honteus, djinné.
    • Cwand dj' lyi a yeu dit ses cwate verités, el faleut vir sôrti avou s' cou tot cron (P. Defagne).
    F. gêné, penaud, humilié, interdit, la queue entre les pattes.
    Crontchamp : no d' ene plaece di Francortchamp.
  5. rabodrou.
    On dit eto: crontchou.
    F. ramassé, trapu.
  6. nén djusse, nén vraiy, nén comifåt.
    crombe comission : fåsse comission.
    crombe djesse : djesse nén comifåt.
    • I n' fåt nén fé des crombès djesses E dansant el tango walon (R. Hancre, tchanté pa Bob Dechamps (fråze rifondowe).
    F. geste suspect, louche, déplacé.
  7. (dins ene fråze di noyaedje): nén l' pus ptit(e), nén on fayé.
    F. pas le moindre, foutu, pas un sacré.
    Èn pus awè on cron liård, ene crombe djigue : èn pus aveur ene fayêye mastoke.
    F. le moindre sou.
    èn nén cnoxhe ene crombe lete : èn saveur ni lére ni scrire.
    F. ignorant, illettré, analphabète.
  8. (mot d' éndjolisse) ki n' est pus come ça divreut esse, tot cåzant d' on fitchî, d' ene plactêye, pask' i gn a des bokets ki s' ont pierdou ou ki ds ôtes s' ont vnou stitchî dvins.
    • Dji n' a savou lére vosse fitchî, il esteut tot cron.
    • Les prumirès tchikes di Pentium fabrikêyes pa Intel avént on bug ki fjheut ki l' precizion d' cårculaedje esteut crombe cwand on fjheut ene operåcion di pårtaedje e coma flotant (fdiv). (P. Sarachaga).
    F. corrompu.
    Ingl. corrupted.

II. [adv.] di triviè. I rote cron: il a les djambes toirdowes. T' as côpé tot cron. I s' tént todi tot cron. Nosse pemî a crexhou tot cron Motî del Fagne et del Tieraxhe (fråze rifondowe). F. de travers.

  1. awè les iys ki rwaitèt cron : vey bablou.

III. [o.f.n.] emantcheu. Cwand i djouwe ås cåtes, i fåt todi k' i fwaiye el cron Motî del Lovire (fråze rifondowe). On dit eto: crombin. F. tricheur, voleur, escroc.

IV. Cron, Crombe [n.dj.] såvadje no. Disfondowes: cron, crombe, cronk.

Parintaedje[candjî]

Mots d’ aplacaedje[candjî]