kécfeye

Walon (Rifondou)

Etimolodjeye

Aplacaedje di : « kéke » + « feye »

Prononçaedje

• AFE :
  • diferins prononçaedjes : /kek.ˈfɛj/ /kek.ˈfiːj/ /kek.ˈfiː/ /ket.ˈfiːj/ /ken.ˈfiːj/ /kal.ˈfiːj/ /kek.ˈfwɛ/ /ket.ˈfwɛ/ /kɛt.ˈfwa/
  • prononçaedje zero-cnoxheu : /kek.ˈfɛj/
• Ricepeures : kéc·feye

Adviebe

kécfeye

1. motoit (mostere k' on n' sait nén si c' est oyi u nonna).
   • I vénront kécfeye.
   • Boeroz kécfeye do buré ?
   • Dji serans kécfeye nos dijh.
   • Li boket serè kécfeye deur a-z avaler.
   • Kécfeye bén k' dj' irè.
   • Vos vs dimandroz kécfeye douvént k' dj' a tofer yeu l' dår di spepyî les djins et vos les vni resserer dins diferins trepådjes — Lucien Somme (fråze rifondowe).
2. mostere ki ça pout ariver, mins d' astcheyance.
   • Vos end a-t on djåzé, kécfeye ?
   • Si kécfeye dji n' sereu nén el måjhone, intrez djondant.
   • Si kécfeye vos l' veyoz, fijhoz lyi mes complumints.
3. des côps k' i gn a, sacwantès feyes.
   • Endè va kécfeye a pî, kécfeye a tchvå.
   • Dji va kécfeye amon m' matante.
   • Il est kécfeye bon di s' taire.
   • I rvént co kécfeye, mins c' est ddja råle — Motî del Fagne et del Tieraxhe (fråze rifondowe).
   • LOUWIS. – Bén, dji pexhe kécfeye avou m’ popa. Dji so djustumint ouy avou. I doet esse evier cial, ni l’ avoz vs nén veyou ? — Henri Simon, « Sètche, i bètche » 1889, (eplaidaedje da Jean Haust e 1936), p.42 (fråze rifondowe).
4. a pô près.
   • La kécfeye on moes did ci, dj' esteu evoye a èn etermint — Joseph Selvais (fråze rifondowe).

Ratourneures

1. dijhans todi kécfeye
2. Li ci ki dit kécfeye, i n' minte djamåy

Parintaedje

• kékès feyes

Sinonimeye

• (cåzu tos les cas) : télfeye, kéccô, afeye, calfeye, mwincô
• (k' on n' sait nén si c' est oyi u nonna) : motoit, putete; Loukîz a : « motoit »
• (ki c' est purade "oyi") : dandjreus, dazår, azår, probåbe, probåblumint
• (d' astcheyance) : d' astcheyance, pacô, padecô, afeye
• (kékes côps) : pacô, padecô, cobén, co padecô, télfeye, afeye, télcô, tenawete, tévozè

Mots d’ aplacaedje

• kécfeye bén
• kécfeye ki

Ortografeyes

Après 1900, foû rfondou (Feller, Feller ricandjî, nén Feller) :

• kèdfwè : O4
• kéke fîe : S0
• quétefîye : C99
• kèkefîye : C8
• quèkefîye : C8

E rfondou walon :

• kécfeye : R9 ^(lére), R10 ^(lére), R13

Li mot n’ est nén dins : C13

Ratournaedjes

k' on n' sait nén si c' est oyi u nonna Loukîz a : motoit

d' astcheyance Loukîz a : d' astcheyance

• Arabe : ربّمى ^(ar) = رُبَّمى =‎ roubbama
• Francès : par hasard ^(fr), d'aventure ^(fr), éventuellement ^(fr), incidemment ^(fr)

sacwants feyes

• Arabe marokin : بعد لمرّات ^(ary) = بْعد لْمرّات =‎ b3ed el-merrat
• Francès : quelquefois ^(fr), parfois ^(fr)

a pô près

• Arabe marokin : تقريبن ^(ary) = تقْريبن =‎ tqriben
• Francès : à peu près ^(fr), environ ^(fr), approximativement ^(fr)