pårotche

Walon (Rifondou)

Etimolodjeye

Tayon-bodje latén « parochia » (minme sinse), lu-minme calké do bodje vî grek « παροίκια » ‎(« paroikia ») (coulot d' måjhones);

Prononçaedje

• AFE :
  • diferins prononçaedjes :
    • /pɔ.ˈʀɔt͡ʃ/ /pa.ˈʀɔt͡ʃ/ /pa.ˈʀɔʃ/ (betchfessî å, halcrosse rîlêye)
    • (pa rfrancijhaedje) /paʀ.ˈwas/ /paːʀ.ˈwas/ /paʀ.ˈwɛs/
  • prononçaedje zero-cnoxheu : /pɔː.ˈʀɔt͡ʃ/ (waire u nén prononcî insi å 20inme sieke)
• Ricepeures : på·rotche

Sustantif

pårotche femrin

1. (e l’ eglijhe catolike) sitindowe ki les djins vont a messe el minme eglijhe, et la k' gn a k' on curé.
   • Li curé est mwaisse dins s' pårotche — Motî d’ Nivele (fråze rifondowe).
   • Dins ene grande pårotche, gn aveut sacwants vicaires, on curé et on mårlî.
   • N a di-set pårotches a Lidje — Motî Forir (fråze rifondowe)..
   • Gn a ddja waire di pårotches k' ont come patron li prumî ome k' a dmoré e viyaedje — Joseph Houziaux (fråze rifondowe).
   • Avå l’ pårotche, cwand l’ fiesse est vnowe,
     On muzike di tot costé. — Joseph Vrindts, ”Vîx Lîge” (1901), p.136, “Joû d’Fiesse” (fråze rifondowe).
2. grande eglijhe (eneviè les tchapeles).
   • Dj' a stî a messe al pårotche.
   • Dispaitche tu ! Dj' etind les clotches ki sounèt å clotchî del pårotche !
   • On s’ kissèche co portant ; çou qui fai nosse grand mâ,
     C’è d’tote sôrt di boigne saint qu’on tribole è l’ poroche :
     Onque ni ratind nin l’aute, on s’ riwène à fièstî ; — Antoine Kirsch, Li sa'vtî èt l' banquî, 1889.
3. tos les pårotchîs.
   • Tote li pårotche esteut a l'etermint.
4. (imådjreçmint) dins l’ ratourneure : «di totès sôres di pårotches», «di totes les pårotches»}} di totes les cognes, di totes les grandeurs, di totes les cwalités, tot djåzant d' martchandijhes, di tote provnance, tot cåzant des djins.
   • I gn aveut on moncea d' martchandijhes di totes les pårotches

Ratourneures

1. pretchî po s' pårotche
2. mete li clotchî å mitan del pårotche
3. laide pårotche, sitårêye pårotche: pårotche avou tos des ptits hamteas metou lon erî.
   • I gn aveut lon d' on viyaedje a l' ôte, c' est l' vraiy, e s' sitårêye pårotche — Auguste Laloux (fråze rifondowe).
4. El laide pårotche Tniveye.
5. esse del minme pårotche: di minme livea sociål. F. de même condition

Parintaedje

• pårotchî, pårotchin
• pårotchaedje
• pårotchå

Mots d’ aplacaedje

• fiesse del pårotche

Ortografeyes

E li scrîta (1100-1600) :

• parosse : (12inme sieke) ?

Divant 1900 :

• poroch : E203 ^(lére)
• poroje : E212 ^(lére)

Après 1900, foû rfondou (Feller, Feller ricandjî, nén Feller) :

• paroche : O4
• pârwèsse : C1, C100
• parwasse : S0, S117
• porotche : E1, E21, E212b
• parotche : C1, C9, C100, E1, S0, S117
• parwèsse : C8, C9, E1, O4

E rfondou walon :

• pårotche : R10 ^(lére), R13

Li mot n’ est nén dins : C13

Ratournaedjes

sitindowe di payis avou on seu curé

• Francès : paroisse ^(fr)

grande eglijhe

• Francès : église paroissiale ^(fr)

Sourdants

• Pol rifondaedje, loukîz ezès årtchives di R11 : « pårotche », 2005.

Waitîz eto

• Lijhoz l’ årtike pårotche so Wikipedia