sokyî

Walon (Rifondou)

Etimolodjeye

Bodje « soke » avou l’ dobe cawete « -yî » des viebes.

Prononçaedje

• AFE :
  • diferins prononçaedjes : /sɔ.ˈkjiː/ /sɔ.ˈkji/ /sɔ.ˈkje/ /sɔ.ˈkjɛ/ /sɔ.ki.ˈjiː/ /sɔ.ˈki.ji/
  • prononçaedje zero-cnoxheu : /sɔ.ˈkjiː/
• Ricepeures : so·kyî

Viebe

sokyî (v. sins coplemint) (3^inme troke) (codjowaedje)

1. doirmi tot s’ dispiertant tenawete.
   • Ès pere sokyive dins l’ coulot. — Motî d’ Nivele (fråze rarindjeye).
   • Cwand vos åroz rpîté mes tchåsses
     Et k’ mes wants seront rabouwés
     Sins tchicter, nos irans sokyî
     Paski dmwin, n’ fåt nén esse di påsse. — Jean Guillaume (fråze rifondowe).
   • A ponte, come les tchapeas d’ curé, oubén arondixhant leus dos come des tchets e trén d’ sokyî, les teris emantchnut leus bosses inte les hôtès cawoûtes. — Firmin Callaert (fråze rifondowe).
   • Bénrade, i sokiént tertos dins l’ tchambe, et dj’ a yeu do må a n’ nén tchaire edoirmou mi-minme. — Jean-François Brackman (fråze rifondowe).

Parintaedje

• s’ essokyî

Sinonimeye

• socter
• Loukîz a : « doirmi »

Ortografeyes

Après 1900, foû rfondou (Feller, Feller ricandjî, nén Feller) :

• sokier : S117
• sokiyî : S117
• sokyi : C8, C13, S117
• sokyî : O4, S117

E rfondou walon :

• sokyî : R10 ^(lére)

Li mot n’ est nén dins : R13

Ratournaedjes

doirmi ledjirmint

• Francès : sommeiller ^(fr), somnoler ^(fr)