såvadje

Walon (Rifondou)

Etimolodjeye

Tayon-bodje latén “silvaticus” (des bwès), fwait di "silva" (bwès) et l' cawete latene -aticus, çou ki dene on mot walon avou l’ cawete « -aedje » (des sustantifs fwaits so des nos).

Prononçaedje

• AFE :
  • diferins prononçaedjes : /sɔːvat͡ʃ/ /saːvat͡ʃ/ /soːvat͡ʃ/ /soːvaːt͡ʃ/ (betchfessî å)
  • prononçaedje zero-cnoxheu : /sɔːvat͡ʃ/

Addjectif

	singulî	pluriyal
omrin	såvadje	såvadjes
femrin padrî	såvadje	såvadjes
femrin padvant	såvadje	såvadjès

såvadje omrin et femrin (come addjectif djondrece, metou padvant u padrî l’ no)

1. ki s' moenne waeraxhmint (djin).
2. ki n' est nén ahivé (plante), ki n' est nén aclevé (biesse).
   • Vos dirîz, cwand i lyi prind ene brijhe,
     Ki totafwait l’ djinne, k’ ele si plind,
     Et k’ gn a ene sakî la, k’ on n’ voet nén,
     Ki flaxhe sor leye des côps d’ corijhe
     Pol rinde pus såvadje k’ ele n’ est— Joseph Vrindts, ”Vîx Lîge” (1901), p.11, “Li Bonne Chance fait tot” (fråze rifondowe).
   • Sourdon loucant vosse rôbe ki s' disrôle et ki danse,
     Molén ki toûne, cloke ki xhiltêye, såvadjès fleurs ! — Louis Lagauche, "L' inmant", (1947), A l’Årdène, p. 146 (fråze rifondowe).
3. mwais, avou do foirt vint, tot djåzant do tins.
   • Ki l’ djournêye soexhe boune ou såvadje,
     I pexhe, di-st i, po touwer l’ tins— Joseph Vrindts, ”Vîx Lîge” (1901), p.15, “Li Pèheu à l’Vège” (fråze rifondowe).
   • A l' anuti, i cmincive a ploure et i fjheut såvadje; djusse do bon tins po-z aler a l' afut — Lucyin Mahin (fråze rifondowe).

Parintaedje

• såvadjmint, såvadjté
• såvadjreye

Mots d’ aplacaedje

• (plantes) såvadje agnon, såvadje bouyon, såvadje cerijhî, såvadje cécoreye, såvadje cierfou, såvadje clåve, såvadje côre, såvadje crusson, såvadje espinasse, såvadje feno, såvadje fréjhî, såvadje gurzalî, såvadje yacinte, såvadje lankete, såvadje lén, såvadje maronî, såvadje moståde, såvadje måvlete, såvadje milet, såvadje panåjhe, såvadje passe-fleur, såvadje påte, såvadje pilé, såvadje pinsêye, såvadje pourpî, såvadje poes, såvadje poeve, såvadje rådisse, såvadje rômarin, såvadje rôze d' Edjipe, såvadje rôzî, såvadje saedje, såvadje sårdjete, såvadje scôrsionaire, såvadje sené, såvadje tchene, såvadje té, såvadje toubak, såvadje vece, såvadje violete (C89)
• (biesses) : såvadje åwe
• såvadje no
• Såvadje Inne

Sinonimeye

• (ki s' moenne waeraxhmint) : waeraxhe

Ortografeyes

Après 1900, foû rfondou (Feller, Feller ricandjî, nén Feller) :

• sauvadje : C1
• sâvadje : S0
• såvadje : E1
• sauvâdje : O0

E rfondou walon :

• såvadje : R10 ^(lére)
• såvaedje : R13 (rifondaedje ricandjî enawaire)

Ratournaedjes

ki s' moenne waeraxhmint

• Arabe marokin : we7ch =‎ وحش
• Almand : wild ^(de)
• Inglès : wild ^(en)
• Francès : sauvage ^(fr)
• Neyerlandès : wild ^(nl)

ki n' si plante nén, ki n' s' acleve nén

• Arabe marokin : وحش ^(ary) =‎ we7ch
• Almand : wild ^(de)
• Inglès : wild ^(en)
• Francès : sauvage ^(fr)
• Neyerlandès : wild ^(nl)

Sustantif

	singulî	pluriyal
omrin et femrin	såvadje	såvadjes

såvadje omrin et femrin

1. onk, ene ki s' moenne waeraxhmint.
   • K' a dj' di keure do vey les såvadjes
     Nosse cru come des galopeas. — Louis Lagauche, "L' inmant", (1947), Li briyolet, Tchanson d’on vî Hutwès, p. 144 (fråze rifondowe).
   • Vos pasrez tertos al guiliotene, bande di såvadjes ! — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 34 (fråze rifondowe).