zigzonzece

Walon (Rifondou)

Etimolodjeye

Bodje « ziguezon » avou l’ cawete « -rece » (avou spotchaedje del cawete « -rece »), avou l' assaetchance dofrancès « le zig et le zeste ».

Sustantif

singulî	pluriyal
zigzonzece	zigzonzeces

zigzonzece femrin

1. roye ki craweye a inglêyes.
   • N’ est ç’ nén ç’ meur di nive la, li passåjhe des Schandeyes, a 2796 metes, ki vs avez gripé tot fjhant des zigzonzeces di troes cwate pas, on pî après l’ ôte, des eures å long — Joselyne Mostenne, lijhåve so Wikisourd (fråze rifondowe).
2. bodjaedje dins tos les sinses d' ene djin (sôlêye ki craweye), d' ene biesse (moxhe ki vole). #*Il esteut sô, et fé des zigzonzeces sol voye.
3. ratchatcha ki dåbornut on meur, ene foye.
   • Cwand les efants comincèt a ndaler a scole, i fjhèt des zigzonzeces so leu-z ardwesse.

Ratourneures

1. fé des zigzonzeces

Mots d’ aplacaedje

• a zigzonzece

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

[addjectivire & advierbire]

1. metou e cwåré avou onk å mitan, tot djåzant d' on plantisse, d' on pavmint. Våreut mî planter vos åbes a zigzonzce. F. en quinconce.

2. (imådjreçmint) nén droet. Il a ene consyince a zigzonzeces. F. tortueux.

Ortografeyes

Divant 1900 :

• zistonzess : E203 ^(lére)

Après 1900, foû rfondou (Feller, Feller ricandjî, nén Feller) :

• zîzonzès′ : E1
• zigzonzèce : C9, O4
• zig-zonzèsse : O4
• zigzonzèsse : O0
• zistonzès′ : E1
• zik'-zon-zèsse : O3
• zigzonzète : C9, O0

E rfondou walon :

• zigzonzece : R9 ^(lére), R13

Ratournaedjes

roye ki craweye a inglêyes

• Francès : zigzag ^(fr)

bodjaedje dins tos les sinses d' ene djin

• Francès : tournoiement ^(fr), embardée ^(fr)

ratchatcha ki dåbornut on meur, ene foye

• Francès : gribouillage ^(fr), griffonage ^(fr)