gozî

Walon (Rifondou)

Dobès rfondowes

gozî

goyî

Prononçaedje

• AFE :
  • diferins prononçaedjes : /ɡɔ.ziː/ /ɡɔ.zjɛ/ /ɡa.zi/ /ɡa.ziː/
  • prononçaedje zero-cnoxheu : /ɡɔ.ziː/
• Ricepeures : go·zî

Sustantif

singulî	pluriyal
gozî	gozîs

gozî omrin

1. trô do fond del boke, ki leye passer l’ amagnî et l’ air.
   • Divant d’ tchanter, il a raclé s’ gozî. — Motî del Fagne et del Tieraxhe (fråze rifondowe).
   • On gozî m' a dmoré e gozî — Motî Forir (fråze rifondowe).
   • Cwand il a avnou padvant l’ ressere, si vizaedje rilujheut di sonk et d’ schoume ; si shoflet hoûléve dins s’ gozî. — Jacques Desmet, Dëscomèladje d'on nwêr poyon, fou sqwaire, p. 110 (fråze rifondowe).
   • Faleut côper les naveas ås vatches ; ôtrumint, n a des côps k’ i n a, les vatches end atrapént onk dins l’ gozî. — Jean-Jacques Gaziaux (fråze rifondowe).
   • C’è-st-on foû bia lingadje qu’on cause après nos-ôtes
     Qui raconte sès racènes au d’ truviè d’ sès patwès
     Qui cause come one tchanson èt sint bon come one vôte
     Qui d’chind dins vosse gosî come on vêre di pèkèt
     — Chantal Denis.
   • Prindoz ç' fagot la di spenes et herez lyi e gozî ! — Paul-Henri Thomsin, ratournant e walon Walon’rèye, tére di lédjindes, 1998, p. 12 (fråze rifondowe).
2. hatrea (copurade cwand on apice ene sakî på cô).
   • Dji t’ prinrè på gozî.
   • Mins ci-cial ki veyeut l’ ovraedje,
     Apogne li valet pal gozî,
     Et lyi toûne åtoû do vizaedje
     Si drap d’ måjhone k’ est tot måssî— Joseph Vrindts, ”Vîx Lîge” (1901), p.32, “Li sèm’di” (fråze rifondowe).

Ratourneures

1. awè l’ gozî come ene tchåsse
2. aveur on xhalé gozî k’ avale droe ; aveur l’ gozî bén aforé ; awè on gozî come ene tchåsse u come on rampono ; aveur on gozî pavé d’ setch bwès ; awè l’ gozî todi setch ; awè ene sipondje å fond do gozî : boere voltî (del gote, del bire).
   • Cwand il atrape si pinte,
     I va djoleymint roed
     Il a — parole d’ oneur —
     On gozî come ene tchåsse. — Joseph Dethy (fråze rifondowe).
3. on a l’ gozî setch : dijhêye po ridmander a boere.
4. tchanter a plin gozî : tchanter avou ene foite vwès.
5. aveur li gozî arugnté : aveur må l’ goidje (et des blankès taetches e fond del boke).
6. si rafrexhi l’ gozî

Parintaedje

• gozler
• gozea

Mots d’ aplacaedje

• rodje-gozî

Sinonimeye

• gozåd
• goyî, goyete, golete
• garguete, gargolete, gargasson, gargozea
• goidje
• gave, gaviot, gavea
• avala, avaloe
• grayon
• (po cåzer d’ ecroucaedje) trô ås påters, trô do dimegne.

Mots vijhéns

• larink, farink
• (dins "prinde på gozî") : hatrea, cô, buzea

Ortografeyes

Après 1900, foû rfondou (Feller, Feller ricandjî, nén Feller) :

• gosî : C1, C60, C99, S25
• gousî : E165
• gazi : C56 p. 196, C65
• gouzî : S0
• gazî : C105
• gosi : C13
• gozi : O100
• gozî : C9, C62, C99, E1, E34, O0, O81, S0, S109, S117

E rfondou walon :

• gozî : R10 ^(lére), FR13 (a "gosier")

Ratournaedjes

gozî

• Inglès : throat ^(en), gullet ^(en)
• Francès : gosier ^(fr)

Waitîz eto

Lijhoz l’ årtike gozî so Wikipedia