lampe

Cial, n a des racsegnes eciclopedikes so les lampes

Walon

Etimolodjeye et tcherpetaedje

Bodje latén "lampas", lu-minme do bodje vî grek "λαμπάς" (toitche di strin).

Prononçaedje

• AFE :
  • Prononçaedjes : /lãp/ /lɔ̃p/ /laːp/
  • Prononçaedje zero-cnoxheu : /lãp/

Sustantif

singulî	pluriyal
lampe	lampes

lampe o.

1. ahesse ki dene del loumire cwand on nd a dandjî.

   Si vite ki l' lampe s' aloume, on voet djonnes et vîs s' ashir al vesprêye åtoû do feu Modele:EGer

   La wice ki les pus djonnes rinaként, dji passéve... li lampe divins les dints, råyant del rivlinne, et des schavreces (I. Steinweg)..

   On prind l' solea po ene lampe ubén po on crasset; On s' croet l' pus hôt do monde cwand on est dsu s' passet (F. Dewandelaer).

   Pa côps, l' mwaisse poujhive avou ene longue loce, ene boune pinte di foumant matroû ey i l' aléve riwaitî padzo ene lampe (J.L. Fauconnier dins "Li djoû k' i plourè des pupes di tere").

2. loumire.

   Sicrijhans tins k' i gn a co del lampe (Y. Paquet).

Ratourneures

1. >> aloumer l' lampe; u: >> esprinde li lampe; u: >> drovi l' lampe (electrike) : el fé loumer.
2. >> shofler l' lampe; u: >> distinde li lampe; u: >> clore li lampe(electrike) : el fé djoker d' loumer.
3. >> lampe bedje : sôre di kénket.

   I lyi fåt li lampe bedje po lire "El påtriyote" (L. Piron).

Parintaedje

• lamponete, lampisse, lampion, lampurnî, lampunreye

Mots vijhéns

• lamponete, loumrote, kénket, lantiene, crasset, revierbere, wåmale, tchandele, toitche

Mots d' aplacaedje

• lampe a l' ôle, lampe al petrole, lampe electrike, lampe di taxhe, lampe di potche, lampe å gåz
• esprindeu d' lampes

Ratournaedjes

ahesse ki dene del loumire cwand on vout

Almand: Lampe (de) Arabe marokin: lamba = لامبة, dew = دو Espagnol: lámpara (es) Francès: lampe (fr)

Inglès: lamp (en) Neyerlandès: lamp (nl)

Francès

Sustantif

singulî	pluriyal
lampe	lampes

lampe f.

1. lampe (mot scrît e francès come e walon)