linwe

Èn årtike di Wiktionary.
Potchî a: naiviaedje, cweri

Miniauge.gifLoukîz a : «langue»

Wikipedia-logo-en.png Droci, gn a
des racsegnes
sol linwe

Flag of Wallonia.svg Walon

Etimolodjeye et tcherpetaedje

Tayon-bodje latén «lingua» (minme sinse).

Prononçaedje

Sustantif

singulî pluriyal
linwe linwes

linwe f.

  1. gros musse, sins oxhea, metou dins l' boke, et ki sieve a magnî et a djåzer.
    Sacwants kilos d' farene fijhént bén l' afwaire po prusti deus u troes pwins, ki n' aplaként nén al linwe come li gris papiasse do ravitaymint (Y. Laurent).
    Nosse vatche aveut ene linwe houzêye et vni foû del gueuye (ramexhné pa L. Remacle).
    Dimefyîz vs des linwes k' ont stî trimpêyes dins l' souke; a ene douce alinne, våt mî, sovint, ene sakî ki souke (H. Pétrez).
    Fåt côper leu linwe djus a des cis k' i gn a ki dmandront do côp «ké walon alez aprinde ?» (R. Viroux).
  2. (mot des cinsîs) misrete (coir k' est dins l' bouye des aiwes do vea, do polin, et ki rshonne a ene linwe).
    Sacwants cinsîs djhèt: on l' lome li linwe paski c' est çou ki l' vea a po shushî dins l' vatche (P. Otjacques).
  3. (disconsyî uzaedje) lingaedje.
    Les djins sintnut ki l' walon est ataké et k' on dit d' lu k' ci n' est nén ene linwe (J.F. Brackman).
Ratourneures
  1. sol betchete di s' linwe dji m' sovén bén d' ene sacwè, d' ene sakî mins dji n' sai pu dire si no.
  2. hagnî dissu s' linwe si taire dabôrd k' on vôreu bén dire åk. Dj' aveu-st aprin a fé des gros shonnances-di-rén tot hagnant dissu m' linwe, les côps ki m' pa m' berdeléve (J.L. Fauconnier).
  3. >> t' as ravalé t' linwe?: Dijhêye a ene sakî ki n' vout nén responde.
  4. >> dislaxhî s' linwe: djåzer bråmint.
  5. >> si linwe va todi: i n' si djoke nén d' cåzer. Les linwes vont come ene lavete å cou d' on pot.
  6. >> linwe d' aspik: djin ki sont todi po cdjåzer ls ôtes.
  7. >> linwe a talu: totafwait ride djus: djins ki n' savèt nén wårder por zels çou k' on lzî dit.
  8. >> linwe a trinte-shijh tournants: djin ki n' dit nén deus côp l' minme. #>> dire a spesse linwe: dire avou ene air di rprotche. Li dame di scole lyi a vnou dire a spesse linwe: Nozôtes, nos l' savéns bén k' vos toû»nrîz må (C. Denis).
  9. >> saetchî l' linwe après: djéri après.
Parintaedje

(minme sourdant etimolodjike)

Mots d' aplacaedje


Ortografeyes

Si vos irîz rnaxhî dins des ôtes motîs, et trover l' mot "linwe", riherez ciddé li scrijha do mot ki vos î avoz trové, et l' rahouca do motî el djivêye.

Ratournaedjes