plôke

Walon (Rifondou)

Dobès rfondowes

plôke

plôxhe

Etimolodjeye

Calcaedje do neyerlandès « plaag » u calcaedje do limbordjwès « plooch » (u do minme mot e ripouwaryin) (minme sinse), adon parint avou l' inglès « plague »; mot cité dins l’ FEW 16 632a.

Prononçaedje

(plôke & plôxhe)

• AFE :
  • diferins prononçaedjes :
    • (plôke) /plõk/ /ploːk/ /plɔ̃k/ /plɔːk/
    • (plôxhe) /ploːh/ /ploːʃ/ /ploːç/ /pluh/ /pluʃ/ miersipepieuzmint e l’ notule ALW 15.4 ; (betchfessî ô) (betchfessî xh)
  • prononçaedje zero-cnoxheu : /plõk/ /plõç/
• Ricepeures : nén rcepåve

Sustantif

singulî	pluriyal
plôke	plôkes

plôke femrin

1. maladeye, nén foirt laide, ki rôle totavå.
   • L' efant a des rodjeurs; c' est co ene plôke ki rôle — Motî del Lovire (fråze rifondowe).
   • Dj' a-st avou l' plôke
2. maladeye ki s’ prind, et touwer bråmint des djins u des biesses et fé mo des ravadjes.
   • Cwand cisse måle plôke la passe sol tere,
     Ele ni spågne nouk, ni grand ni ptit — Jean-Baptiste Bastien (fråze rifondowe).
   • Les Aloyîs ont co passé l' ivier dins l' froedeur et les plôkes — Lucyin Mahin, Vera (fråze rifondowe).
   • Les boschets epestiferèt les biesses et les djins avou totès sôres di plôkes, come li må d' Lime — Lucyin Mahin.
3. vicant adjint ki cåze cisse sôre di maladeye ou rascråwe la.
   • (On cåze des potchas-pelrins) Cwand cisse plôke la voet del verdeure, i brokèt dsu tot droet, et s' endè fote plin leu panse - såf vosse respet — Lucyin Mahin.
4. grand måleur (d' ene djin tote seule u di tote ene kiminålté), laid cayet a sopoirter.
   • Cwè çki c' est ki d' divni vî ? Est ç' on rafiya u ene plôke ? — Lucyin Mahin.
   • On n' a djamåy veyou ene pareye plôke; c' est surmint faitindje di diåle et d' macrales — Émile Gilliard, Les Cayés walons, 2000 p. 100 (fråze rifondowe).
   • Et s’ i gn åreut
     ki les cayôs
     et les vîs åbes tot cotoirdous
     k’ årént yeu passé
     totes les gueres et les plôkes
     sins crankyî ? — Émile Gilliard, divins A schipe (fråze rifondowe).
   • Cwè dire, don, del guere el Sireye ou e l' Irak? Oudonbén des plôkes di nos frés Palestinîs ? — Bernard Van Vynckt, dins Rastrind, saiss ! p. 121 (fråze rifondowe).
5. laid moumint, la k' on est tot disbåtchî, maladeye ki rind flåwe fizicmint.
   • Dj' a ene plôke sol coir — Motî d’ Vervî (fråze rifondowe).
   • I rtchait co dins s' plôke, a esse escran insi — Motî del Lovire (fråze rifondowe).

Parintaedje

• eplôkî

Sinonimeye

• (maladeye, nén foirt laide, ki rôle) : minêye, herike, pîhindje
• (maladeye ki s' prind et touwer) : pesse, rascråwe
• (grand måleur) : rascråwe

Ortografeyes

(plôke & plôxhe)

Après 1900, foû rfondou (Feller, Feller ricandjî, nén Feller) :

• plauke : C1, O3, O4
• plôhye : G215
• plouche : G215
• plôche : G215
• plouhe : G215
• = plåk (plåke) : G215
• plôhe : E34, G215

E rfondou walon :

• plôke : R10 ^(lére)

Li mot n’ est nén dins : S0, R13

Ratournaedjes

maladeye, nén foirt laide, ki rôle Loukîz a : minêye

• Francès : épidémie ^(fr) (bénigne)

maladie ki s' prind et touwer

• Francès : peste ^(fr), épidémie ^(fr), épizootie ^(fr), plaie ^(fr)
• Neyerlandès : plaag ^(nl)

vicant adjint ki cåze cisse sôre di maladeye ou rascråwe la

• Francès : germe ^(fr), ravageur ^(fr)

måleur d' ene djin tote seule u di tote ene kiminålté

• Francès : catastrophe ^(fr), calamité ^(fr), désastre ^(fr), fléau ^(fr)

laid moumint k' on-z est disbåtchî, maladeye ki rind flåwe

• Francès : indisposition ^(fr), malaise ^(fr), infirmité ^(fr), maladie ^(fr) chronique