priyî

Walon (Rifondou)

Etimolodjeye

Tayon-bodje latén « precari » (minme sinse).

Prononçaedje

• AFE :
  • diferins prononçaedjes : /pʀi.ˈjiː/ /pʀi.ˈji/ /pʀi.ˈjɛ/ /pʀi.ˈje/
  • prononçaedje zero-cnoxheu : /pʀi.ˈjiː/
• Ricepeures : pri·yî

Viebe

Djin et tins	Codjowa
Cåzant Ind. pr. (dji, dj’)	preye
Atôtchî(s) Ind. pr. (vos, vs)	priyîz
Cåzants Ind. pr. (nos, ns)	priyans
Rwaitants Ind. pr., nam. (i/il, ele/elle)	priynut
Cåzant Ind. fut. (dji, dj’)	priyrè
Cåzant D.I.E. (dji, dj’)	priyive
Cåzant Suddj. pr. (ki dji, dj’)	preye
pårt. erirece (dj’ a, vos av)	priyî
Ôtes codjowaedjes	come criyî

priyî

1. (v. sins coplemint) dire des paroles, tot seu u avou des pareys a lu, ki s' adressèt å Bon Diu, a on sint, a on diè.
   • Tins del guere, totes les djins ont ricmincî a priyî.
   • Les fis, tot rintrant-st e leu djîsse,
     Veyant leu mere coûtcheye so s' long,
     Priyît, dmandît pardon !
     Et rprindît les voyes di l’ Eglijhe. — Joseph Vrindts, ”Vîx Lîge” (1901), p.86, “Li Vôye di l’Eglise” (fråze rifondowe).
   • Seur k' e cisse måjhone la, li bouneur a pris djîsse,
     Ca l' renant djwif ki s' sint ene miyete ragayårdi
     S' adjenixh e corote et preye mî k' a l' eglijhe
     Come s' i vneut d' intdrovi, l' ouxh d' ôr do paradis. — Joseph Mignolet, "Fleûrs d’osté" (1931), "Creyoz-m', ô rôbaleu" (fråze rifondowe).
2. (viebe å coplemint) dire ses paroles rilidjeuses a.
   • I våt mî priyî l' Bon Diu k' ses sints.
   • Li boune Notru-Dame, cwand on l’ preye,
     Ravoye ås andjes, di-st on, l’ santé.— Joseph Vrindts, ”Vîx Lîge” (1901), p.132, “Li Présint à l’Avierge” (fråze rifondowe).

   F. "prier".

3. dimander poleymint a.
   • Dji vs preye di vs taire.
4. dimander a (ene sakî) di vni a vosse måjhon, a on raploû, evnd.
   • Kî çki vs avoz priyî pol raploû ?
   • L’ anêye ki vént, seur k’ i priyrè Vera a vni avou lu e l’ Oucrinne, e moes d’ may. — Lucyin Mahin, Vera (fråze rifondowe).
   • -Graphopoulos vis aveut i fwait des avances?
     -I m' aveut priyî d' l' aler rtrover a si ôtel, mins dj' n' a nén stî
     — Paul-Henri Thomsin, ratournant Maigret èt l’danseûse d’å Gai-Moulin, 1994, p. 22 (fråze rifondowe).

Ratourneures

1. dji vs è preye
2. ni nén saveur ké sint priyî
3. våt mî priyî l' Bon Diu k' ses sints
4. si fé priyî : fé bråmint des antchous divant di bén vleur fé ene sacwè.

Parintaedje

• priyaedje, priyeu, priyire
• ripriyî
• priyuré

Ratournaedjes

dire ses priyires

• Arabe : صلى ^(ar) = صَلّى =‎ çallâ
• Almand : beten ^(de)
• Inglès : to pray ^(en)
• Espagnol : orar ^(es)
• Francès : prier ^(fr)
• Itålyin : pregare ^(it)
• Neyerlandès : bidden ^(nl)
• Sicilyin : prijari ^(scn)

dimander di vni rinde vizite

• Inglès : to invite ^(en)
• Francès : prier ^(fr), inviter ^(fr)

Pårticipe erirece

priyî omrin

1. Pårticipe erirece omrin do viebe "priyî".

Sustantif

	singulî	pluriyal
omrin	priyî	priyîs
femrin	priyeye	priyeyes

priyî omrin

1. li ci k' est invité ene sawice.
   • I s' fåt ocuper d' ses priyîs.

Ratournaedjes

onk k' est invité ene sadju

• Arabe : ضيف ^(ar) = ضَيف =‎ Dayf
• Arabe marokin : 8if (Dif) =‎ ضيف = ضِيف
• Almand : Gast ^(de)
• Inglès : guest ^(en)
• Espagnol : huésped ^(es)
• Francès : invité ^(fr), hôte ^(fr)
• Neyerlandès : gast ^(nl)