rododo

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « rododo », el pout stitchî vaici.

Prononçaedje

• AFE :
  • prononçaedje zero-cnoxheu : /ʀɔ.dɔ.ˈdɔ/ (minme prononçaedje pattavå)
• Ricepeures : ro·do·do

Sustantif

singulî	pluriyal
rododo	rododos

rododo omrin

1. (mot des cinsîs) tcherete a hôtès rujhales po moenner des biesses d' ene plaece a ene ôte.
   • I moennnut des veas a rododo — Motî d’ Cerfontinne (fråze rifondowe et rarindjeye).
   • Si c' est po touwer ene grosse biesse, i fåt moussî par la avou l' rododo — Båze di dnêyes di l’ Årdene nonnrece (fråze rifondowe).
   • Les veas estént ctapés, don, dins l' grand rododo — Båze di dnêyes di l’ Årdene nonnrece, a «cutaper» (fråze rifondowe).
   • I s' a rmetou avou Cacawe,
     Schapêye del rowe Tchåfor,
     Ses cotes a ras do cou
     A djoke so l' rododo — Philippe Antoine (fråze rifondowe).
   • I vos spotche li francès come les cwate rowes d' on rododo tcherdjî d' fumî — Arthur Masson (fråze rifondowe).
2. (pa stindaedje do sinse) (mot d’ acleveu di tchvås) bele rimorke, bén rascrovowe, la k' on moenne les tchvås d' ene plaece a l' ôte.
   • Dji shuveu ene grosse camionete ki saetcheut on rododo avou deus tchvås ddins — Nadine Modolo (fråze rifondowe).

Ratournaedjes

tcherete po moenner les biesses

• Inglès : cattle car ^(en)
• Francès : bétaillère ^(fr)

rimorke po moenner les tchvås

• Francès : van ^(fr)