sopoirtåve

Walon (Rifondou)

Etimolodjeye

Bodje « sopoirt- », bodje A do viebe « sopoirter » avou l’ cawete « -åve ».

Prononçaedje

• AFE :
  • diferins prononçaedjes :
    • /sɔ.pwaʀ.ˈtɔːf/ /sɔ.pwɛʀ.ˈtɔːf/ /sɔ.pwɛʀ.ˈtaːf/ /sy.pwaʀ.ˈtoːf/ (betchfessî å)
    • (pa rfrancijhaedje) /su.pɔʀ.ˈtaːp/ /su.poːʀ.ˈtaːp/ /su.puːʀ.ˈtaːp/
  • prononçaedje zero-cnoxheu : /sɔ.pwaʀ.ˈtɔːf/
• Ricepeures : so·poir·tåve

Addjectif

	singulî	pluriyal
omrin	sopoirtåve	sopoirtåves
femrin padrî	sopoirtåve	sopoirtåves
femrin padvant	sopoirtåve	sopoirtåvès

sopoirtåve omrin et femrin (come addjectif djondrece, metou padvant u padrî l’ no)

1. k' on pout sopoirter.
   • Cisse froedeur la est co sopoirtåve — Motî Forir (fråze rifondowe et rarindjeye).
   • On saetch d' årdjint, c' est on ptit fardea k' est sopoirtåve — Motî Forir (fråze rifondowe).
   • Ça va ! Les drignes (del machine electrike do kiné) sont sopoirtåves. C’ est po cobén d’ tins ? — José Schoovaerts, Li Rantoele 96, ivier 2020-2021 (fråze rifondowe).

Parintaedje

• sopoirtåvmint
• Loukîz a : « sopoirter »

Sinonimeye

k' on pout edurer

• eduråve
• acceptåve

Ortografeyes

Divant 1900 :

• sopoirtâf : E203 ^(lére)

Après 1900, foû rfondou (Feller, Feller ricandjî, nén Feller) :

• supôrtâbe : S0
• supoûrtâbe : O4
• supwèrtåve : E1

E rfondou walon :

• sopoirtåve : R10 ^(lére)

Li mot n’ est nén dins : C106, C107, E170, R13

Ratournaedjes

k' on pout edurer Loukîz a : eduråve

• Espagnol : soportable ^(es)
• Francès : supportable ^(fr)
• Itålyin : sopportabile ^(it)