ståve

Èn årtike di Wiccionaire.
Loukîz eto : Ståve.

Walon (Rifondou)[candjî]

Etimolodjeye[candjî]

Tayon-bodje latén « stabulum » (minme sinse).

Prononçaedje[candjî]

Sustantif[candjî]

singulî pluriyal
ståve ståves

ståve omrin (djinre diferin do sfwait mot e francès)

  1. (mot des cinsîs) (mot do bastimint) bastimint k’ on-z î lodje les biesses (vatches, tchivås, mins eto les pourceas, les motons, les poyes).
    • C’ est ene grosse cinse avou, d’ on costé, li måjhone po les djins, et d’ l’ ôte, les ståves ås vatches, les cis ås tchvås et l’ gregne. — Francis Drugmant, (sourdant a recråxhî) (fråze rifondowe).
    • On blankixheut les ståves tos ls ans. Båze di dnêyes di l’ Årdene nonnrece (fråze rifondowe).
    • Si pasmint d’ tins, c’ est les tchvås ; i ndè tént todi set, ût, divins des ståves k’ il a fwait basti tot å coron di s’ djårdén. Jean-Pierre Dumont.
  2. (pa stindaedje do sinse) li contnou, dj’ ô bén totes les rodjès biesses d’ on cinsî.

Ratourneures[candjî]

(prôpmint)

  1. e ståve u : e li ståve u : so li ståve : dins li ståve
  2. tchivå so li ståve : tchivå k’ on n’ fwait nén ovrer
  3. riwårni li ståve : : ratchter des biesses.

(imådjreçmint)

  1. ene måjhon come on ståve / on manaedje come on ståve / ståve di tchén
  2. dimorer so l’ eståve
  3. sinti li ståve : si dispaitchî cwand on s’ raprepeye di s’ måjhon

(spots et ôtes ratourneures)

  1. c’ est e ståve k’ on vind les bons tchvås / ene boune biesse s’ atchtêye so si ståve / on vént cweri les bounès vatches e ståve
  2. awè oyou boerler on vea mins n’ pus sawè dins ké ståve
  3. li tchvå e li ståve et l’ pourcea e ran
  4. i n’ fåt k’ ene mwaijhe biesse po gåter on ståve
  5. tchaeke biesse ritrouve si ståve
  6. des pareys a lu, il è fåt ddja sacwants po bouter on vea foû do ståve : c’ est on nawe.

Parintaedje[candjî]

(minme sourdant etimolodjike)

Sinonimeye[candjî]

Mots d’ aplacaedje[candjî]

Dizotrins mots[candjî]

Dizeutrins mots[candjî]

Ortografeyes[candjî]

Après 1900, foû rfondou (Feller, Feller ricandjî, nén Feller) :
Li mot n’ est nén dins : E2, E200

Ratournaedjes[candjî]

bastimint k’ on-z î lodje les biesses
totes les vatches d’ on cinsî

Waitîz eto[candjî]

Lijhoz l’ årtike ståve (cinse) so Wikipedia