xhame

Èn årtike di Wiccionaire.

Walon (Rifondou)[candjî]

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Etimolodjeye: latén scamnum (banc).


Disfondowes: chame, hame, hyame, chame (femrin)

Sustantif[candjî]

xhame omrin

  1. sitroete tcheyire sins dossire, hôte u basse, di diferinnès sôres:
  • xhame di bwès des modeus d' vatches: foirt bas, avou troes pates. On dit eto: passet. F. escabeau.
  • hôt xhame di cåbaret a cwate pates.
  • xhame di caytresse.
  • xhame a ene pate des tchesseus, des taeyeus ås pires.
  • xhame des docteurs ki toûne, evnd. F. siège.
    • Prindoz on xhame et si vs ashioz (vî Noyé walon).
    • Dj' esteu, come lu, a pîce so on hôt xhame et dj' loukive les candes atåvlêyes e cåbaret. Jean-Marie Masset (fråze rifondowe).
    • Cwand Pilåte oya çoula, il amoenna Djezus a l' ouxh, et li fjha ashir so on xhame, sol plaece k' on lome "li Plate Pire" Jean-Marie Lecomte, Evandjîle sint Luk (ratournaedje) (fråze rifondowe).
    F. tabouret.
  1. plantche do cabinet (des tchiyotes).
    dimaner sol xhame : dimorer lontins å cabinet.
  2. tcheyire, ashida di tolminme kéne sôre.
    • Prindoz on xhame et s' vinoz addlé l' feu.
    • Elle a metou on xhame di pus al tåve. Lorint Hendschel.
    F. chaise, siège.
  3. ashida, sidje, plaece dins on pårlumint, ene institucion.
    • les Uyessês, li Rûsseye, li Chine, li France et l' Inglutere, djustumint les payis k' ont leus xhames todi tot tchôds e Consey di Såvrité Lucyin Mahin.
    F. siège.

Ratourneures[candjî]

  1. dimaner cou so xhame u : èn nén bodjî di s' xhame : èn nén bodjî po dner on côp d' mwin, esse nawe (feneyant), dimorer ashid.
    • Vosse tchet, todi l' cou sol xhame Do djoû, i n' fwait ki do doirmi Juliette Franquet (fråze rifondowe).
  2. ni måy esse cou so xhame : esse todi a l' ovraedje, n' awè nou rasta. Franwal: ahåyant po: "être très actif, toujours affairé".
  3. aler sol xhame : divou monter sol xhame po esse pindou å djibet, pa stindaedje: esse codåné a moirt.
  4. mete les cosséns so les xhames
  5. n' awè ni banc ni xhame : esse pôve come Djob.
  6. On n' conoxhe les dames ki cwand k' on les tént sol xhame : on n' conoxhe ene feme ki cwand k' on vike avou leye.
  7. taper (ou mete) des xhames e l' voye : mete des hame el voye.
    F. mettre des bâtons dans les roues.

Parintaedje[candjî]

Omofoneye possibe[candjî]