gazete

Èn årtike di Wiktionary.

Ådvins 1 Walon 1.1 Etimolodjeye et tcherpetaedje 1.2 Prononçaedje 1.3 Sustantif 1.3.1 Ratourneures 1.3.2 Parintaedje 1.3.3 Sinonimeye 1.3.4 Mots vijhéns 1.3.5 Rilomêye do mot 1.3.6 Pwaire minimom 1.3.7 Ortografeyes 1.3.8 Ratournaedjes

[candjî] Walon

[candjî] Etimolodjeye et tcherpetaedje

Riwalnijhî calcaedje do francès : "gazette" (minme sinse).

[candjî] Prononçaedje

Mwaisse prononçaedje : /gazɛt /

[candjî] Sustantif

gazete f

1. grandès fenès foyes di scrijhaedje metowes eshonne, ki rexhèt a tinzayeure (tos les djoûs, totes les samwinnes, rålmint tos les moes), et dner les dierinnès codowès noveles.

   C' est èn ome k' a d' l' apriyesse assez et k' est curieus so l' eplwè ki vos atåvlez dins l' gazete (Simon li scrinî).

   Dji n' pou pus sinte les gazetes K' on vind dins les hobetes (B. Mirlon).

   Il atchta l' gazete et brotcha dso come on rafåré (P.H. Thomsin).

2. djin ki repete tot çou k' elle etind dire.

[candjî] Ratourneures

>> lére sol gazete: lére dins l' gazete.

>> esse dins l' gazete; u: >> esse metou sol gazete: dijhêye cwand gn a èn årtike sor lu dins l' gazete.

>> si fé mete sol gazete: fé mete si no dins l' gazete po-z anoncer ene sacwè a vinde.

>> pitite gazete: a) gazete k' on evoye po rén dins tos les manaedjes. b) gazete u rvowe po ene pitite binde di djins, waire conoxhowe des ôtes.

>> gazete e walon: gazete u rvowe sicrîte e walon.

[candjî] Parintaedje

• gaztî, gaztresse, gaztire
• gaztaedje
• gaztrece

[candjî] Sinonimeye

• djournå
• samwinnî
• moetî
• troemoetî

[candjî] Mots vijhéns

• rivowe
• foye
• foyous
• apasseu

[candjî] Rilomêye do mot

Dataedje do mot : deujhinme mitan do 19inme sieke : nén dins E212 (1792) ni dins E203 (1866) mins bén dins E21 (fini e 1893).

Li mot dins on tite di live, di gazete, di soce

• Li ptite gazete : tite di deus gazetes e walon.
• Walo + gazete : tite d' ene gazete e walon
• Coutcouloudjoû : gazete e walon, ki l' sortite, c' est : gazete e walon ki rexhe tos les (deus troes) moes.

[candjî] Pwaire minimom

• gozete (po magnî)

[candjî] Ortografeyes

E sistinme Feller

• gazète : E21

E rfondou walon

• gazete : R9, R11, R13

Si vos irîz rnaxhî dins des ôtes motîs, et trover l' mot "gazete", riherez ciddé li scrijha do mot ki vos î avoz trové, et l' rahouca do motî el djivêye.

Mins l' mot n' est nén todi dins : E203, E212

[candjî] Ratournaedjes

Arabe جريدة (jarîda) Arabe marokin جرنل (jornal); il est sol gazete : خرج فالجرنل (kharj f-ej-jornal). Almand Zeitung Inglès newspaper Espagnol periódico; gazete ki rexhe tos les djoûs : diarío Francès journal o., gazette f; si fé mete sol gazete : passer une annonce. Itålyin gazetta Neyerlandès krant