kéntosse

Walon (Rifondou)

• 
  Efant avou l’ kintosse.

Dobès rfondowes

kéntosse

caytosse

Etimolodjeye

Spotchî aplacaedje di : « kénte » + « di » + « tosse », avou assaetchance di caicoûsse, mot cité dins l’ FEW 16 325a (lére).

Prononçaedje

• AFE :
  • diferins prononçaedjes : /kɛ̃.ˈtɔs/ /ke.ˈtɔs/ /kẽ.ˈtɔs/ /kɛ̃tus/, miersipepieuzmint e l’ notule ALW 15.130 .
  • prononçaedje zero-cnoxheu : /kẽ.ˈtɔs/
• Ricepeures : kén·tosse

Sustantif

kéntosse omrin et femrin (mot bikebok) (nén candjåve) todi singulî

1. (mot d’ medcén) maladeye des efants : sôre di laide tosse k’ i tossèt a kéntes a n’ si sawè rawè, cåzêye pa en bactereye, Bordetella pertussis.
   • Li kéntosse s’ atrape åjheymint. — Motî Pirsoul (fråze rifondowe).
   • Pôve pitit gnognot : i tossive come on rnåd d’ awè l’ kéntosse. — Motî Gilliard (fråze rifondowe).
   • Mins pol kéntosse, est çki l’ peket n’ est nén meyeu ki l’ vén ? — Charles Massaux (fråze rifondowe).
   • Asployîs sol contwer, il a ene volêye di ptits setchrons sketés, formindjîs pa l’ ovraedje dins les fosses d’ årdjint, avou ene mashele pus spesse ki l’ ôte. A ls etinde, on direut bén k’ c’ est l’ cabaret k’ a l’ kéntosse. — Dominique Heymans (fråze rifondowe).
   • Dj’ a yeu les rodjetes estant ptit, mins dj’ a stî eplocté siconte des volantès pokes et del kéntosse. — Lucyin Mahin, Li batreye des cwate vints (fråze rifondowe).
   • El gamén a yeu l’ caytosse. — Motî d’ Nivele (fråze rifondowe).
   • Po l’ caytosse, diner do brune souke eyet do tchôd laecea. — Motî d’ Nivele (fråze rifondowe).
   • Leyon Cranasse a bén yeu les ptitès arnåjhes di tos les efants : el caytosse, les rodjeurs et totes ôtès plokes. — Félicien Barry (fråze rifondowe).
   • Motoit s' ratuzèt i, divintrinnmint, l' aweye del blanc-mousseye vinowe po ls eplocter disconte do tetanosse u del kéntosse— David Blaude, Li Rantoele, l° 106 p. 7.

Sinonimeye

miersipepieuzmint e l’ notule ALW 15.130

• caicoûsse
• caikioûle
• cåcoûle
• caytosse
• tosse Sint-Tibåd

Sipårdaedje do mot

w. do Coûtchant, w. do Mitan

Ortografeyes

Après 1900, foû rfondou (Feller, Feller ricandjî, nén Feller) :

• kintos′ : G215
• cay’tousse : O4
• quintousse : O0
• quéntousse : O0
• kétos′ : G215
• kétous′ : G215
• kintosse : C9
• quétousse : O0
• kéntos′ : G215, C106
• kéntous′ : G215
• kintousse : O3
• kintous′ : O2, G215
• quintos′ : C1, C99

E rfondou walon :

• kéntosse : R10 ^(lére)
• kintosse : R9 (a « laid ») (rifondaedje ricandjî enawaire) ^(lére)

Li mot n’ est nén dins : C8, R13

Ratournaedjes

tosse a Bordetella pertussis

• Inglès : whooping cough ^(en), pertussis ^(en)
• Francès : coqueluche ^(fr)
• Neyerlandès : kinkhoest ^(nl)
• Picård : quintousse ^(pcd)

Waitîz eto

Lijhoz l’ årtike kéntosse so Wikipedia.