rate

Walon (Rifondou)

Prononçaedje

• AFE :
  • prononçaedje zero-cnoxheu : /ʀat/ (minme prononçaedje pattavå)
• Ricepeures : nén rcepåve

Etimolodjeye 1

Cogne femrinne di «rat» (bodje «rattus»), mot cité dins l’ FEW 10 122a (lére).

Sustantif

singulî	pluriyal
rate	rates

rate femrin

1. (no d’ biesse ås tetes) biesse ås tetes di l' ôre des rawiants, come ene grosse soris des tchamps, ki vént voltî ås verdeures dins les cortis, et k' i gna sacwantès sôres ki l’ sincieus no, c’ est : Apodemus spp, Microtus spp,
   • Arvicola spp
   • Il a stî po tchessî les rates — Motî Forir (fråze rifondowe).
   • Les rates vinèt magnî mes raecenes — Motî d’ Vervî (fråze rifondowe).
   • Les rates on raté tot l' corti — ALW 8 so les biesses (fråze rifondowe).
   • Dj' a des rates dins m' corti — Motî d’ Bastogne (fråze rifondowe).
   • Les rates ont vnou a mes cabus.
   • Gn a des rates ki vnèt a mes poretes.
2. rat d' kipagneye.
   • Dj' elzî dit ki m' rate a l' poy si rlujhant pask' ele magne tos les djoûs ene ramonasse — François Nyns (fråze rifondowe).
3. frumele d' on rat.

Parintaedje

• rate
• disrater

Sinonimeye

moulot

Mots vijhéns

rat, scoton, mizrete, tchîproûle, tchîpete.

Sipårdaedje do mot

w. do Levant, w. do Mitan, Basse Årdene, miersipepieuzmint e l’ notule ALW 8.19 .

Ortografeyes

Divant 1900 :

• ratt : E203 ^(lére)
• ratte : G8

Après 1900, foû rfondou (Feller, Feller ricandjî, nén Feller) :

• rate : E1, E213, C1, C23, C57, C106, S0, S40, S117, G208

E rfondou walon :

• rate : R11 ^(lére)

Li mot n’ est nén dins : O0, O2, C9, C13, E212, S19, S24, S25, S41, S107, R13

Ratournaedjes

sôre di grosse soris ki vént ås verdeures

• Francès : mulot ^(fr)

rat di cpagneye

• Francès : rat blanc ^(fr) blanc d'élevage

frumele d' on rat

• Francès : ratte ^(fr)

Etimolodjeye 2

Calcaedje do francès « rate », lu-minme do tayon-bodje neyerlandès «rate» (raive, tortea d' låme, k' a l' minme cogne).

Sustantif

singulî	pluriyal
rate	rates

rate femrin

1. (antomeye) misse (d' ene djin).
   • Il a-st avou l' rate siclatêye — Motî d’ Bastogne (fråze rifondowe).
   • L' avåre manca di s' bodjî l' rate. — Joseph Vrindts, « Pâhûles rîmês » (1897), "Les roies", p.12 (fråze rifondowe).

Ratourneures

1. i n' si fole nén l' rate : i boute waire; c' est on nawe.

   F. "il n'en fait pas lourd".

2. il a l' rate do cou distatcheye : i n' est nén tot djusse.

   On dit eto : c' est on dmey-doûs.

   F. "simple d'esprit".

Ratournaedjes

misse

• Francès : rate ^(fr)

Omofoneye possibe

• rade (adv., vite)

Francès

Prononçaedje

• AFE : /ʁat/

Sustantif

singulî	pluriyal
rate	rates

rate femrin

1. (antomeye) (organe) rate (mot scrît e francès come e walon, mins prononcî diferinnmint).

Waitîz eto

Lijhoz l’ årtike rate so Wikipedia