rawete

Walon (Rifondou)

Etimolodjeye

Tayon-bodje latén «adaugere» (rihåssî, rogminter, radjouter, ragrandi), avou l’ betchete « ri- » des viebes, avou l’ cawete « -ete », mot cité dins l’ FEW 24 135a.

Prononçaedje

• AFE :
  • prononçaedje zero-cnoxheu : /ʀa.wɛt/ (minme prononçaedje pattavå)
• Ricepeures : ra·wete

Sustantif

singulî	pluriyal
rawete	rawetes

rawete femrin

1. sacwè ki vént å dzeu d' on martchî, po rén.
   • Il ont metou deus pådjes di rawete dins l' gazete "Li Rantoele" avou des belès letes (del prôze eyet del powezeye).
2. (pus stroetmint) novele pitite cwantité d' amagnî.
   • On raspexhit l' såce avou ene rawete di Mayizena — Båze di dnêyes di l’ Årdene nonnrece (fråze rifondowe).
   • Dinez mu ene pitite rawete di fritches: dji creve di fwin.
   • Acdinez m’ ene rawete di frambåjhe.
3. ptit boket.
   • Kî d' vos-ôtes pout, tot s' tracassant, ralongui s' vèye d'one rawète? — Jean-Marie Lecomte, Evandjîle sint Djan (ratournaedje).

Ratourneures

1. munutes di rawete (fotbal) munutes k' on djouwe après l' eure et dmeye, po ratraper l' tins pierdou po les côfrans, li moennaedje-evoye des coixhis, evnd. F. minutes additionnelles, arrêts de jeu.
2. cwårs d' eure di rawete (fotbal) deus cwårs d' eure k' on rdjowe cwand les ekipes sont-st a ewålité après les 90 munutes d' on matche di cope. F. prolongations.
3. e rawete : padzeu l' martchî
   • Avou des imådjes di ptits tchets, i gn a des tchances k’ i fouxhe on calindrî apoirté pa l’ ome del posse ; si c’ est des femes nén foirt mousseyes, i pout esse da « Pireli » mins, si e rawete vos î trovez do walon, vos poloz wadjî k’ i vos vént d’ « Rabulets ». — José Schoovaerts.
4. d' rawete : suplémintaire, k' on radjoute.
   • Mi feme m' a ridné kékes djoûs d' condjî d' rawete — Lucyin Mahin.
   • Po n’ nén fé pôvriteus, on m’ aveut leyî egadjî ene dijhinne di violons d’ rawete. — Émile Sullon.
5. Co ene rawete? : Vloz co on boket?
   • El violoneu fijheut s’ pitit possibe
     Mins ndè faleut co dpus po les djins di ç’ nute la
     Et c’ esteut å tchanteu k’ on dmandéve l’ impossibe
     Alez ! co ene rawete; après ça on s’ erva. — Julos Beaucarne (fråze rifondowe).
6. pol rawete : po wangnî ene pougnêye di cwårs padzeu l' martchî.
   • Cwand l' mestré aveut djouwé ses troes ptitès danses, abén i tournéve avou s' calote, et s' il esteut contin des ptits sôs k' i ramasséve, ebén, i djouwéve on passe-pî pol rawete — Serge Fontaine (fråze rifondowe).

Sinonimeye

raclo

Ortografeyes

Après 1900, foû rfondou (Feller, Feller ricandjî, nén Feller) :

• rawète : C8, E165, G217, S109, S117

E rfondou walon :

• rawete : R10 ^(lére), R13

Dischindance

• Francès d’ Beldjike : rawette

Ratournaedjes

sacwè ki vént å dzeu d' on martchî

• Arabe marokin : zeyada =‎ زيادة
• Almand : etwas obendrein ^(de)
• Inglès : free extra ^(en)
• Francès : supplément ^(fr) gratuit (nén ratournåve direk e francès)

pitit boket

• Francès : morceau ^(fr), chouia ^(fr)

Co ene rawete?

• Francès : Puis-je vous resservir? Voulez-vous encore un morceau?

d' rawete

• Francès : supplémentaire ^(fr), additionnel ^(fr)
• Neyerlandès : toevoeglijk ^(nl)
• Rûsse : дополнительный ^(ru)

e rawete

• Francès : en plus ^(fr), de surcoît ^(fr), en supplément ^(fr)

pol rawete

• Francès : pour arrondir ses fins de mois ^(fr), pour mettre du beurre dans les épinards ^(fr)