soyoere

Walon (Rifondou)

• 
  soyoere di tronçneuse d’ ene beyôle djusse abatowe

Etimolodjeye

Do viebe « soyî », avou l’ cawete « -oere ».

Prononçaedje

• AFE :
  • diferins prononçaedjes : /sɔj.ˈwaːʀ/ /soːj.ˈwaːʀ/ /sɔj.ˈwɛːʀ/ /soːj.ˈwɛːʀ/ (betchfessî oe, halcrosse rîlêye)
  • prononçaedje zero-cnoxheu : /sɔj.ˈwɛːʀ/
• Ricepeures : soy·oere

Sustantif

singulî	pluriyal
soyoere	soyoeres

soyoere femrin

1. (mot des mnujhîs et scrinîs) poussire ki tome d’ ene sacwè k’ on soye.
   • On mete del soyoere po fé djômyî on feu. — Motî d’ Cînè (fråze rifondowe).
   • Il ont spårdou del soyoere so les mannestés d’ leu tchén. — Motî do Virwin (fråze rifondowe).
   • El shabotreye broûle ès soyoere po fé aler ses machenes. — Motî d’ Cerfontinne (fråze rifondowe).
   • Dji n’ voe djamåy pont di scroûles, ni d’ soyoere ni d’ meubes. — Henry Matterne (fråze rifondowe).
   • Ele mete todi des soyoeres dizo les fraijhîs, po k’ les fraijhes ni s’ anichtexhe nén. — Båze di dnêyes di l’ Årdene nonnrece (fråze rifondowe).
   • C’ est la ki dmwin al vesprêye, sol rond d’ soyoeres, les djonneas vont danser. — Émile Gilliard (fråze rifondowe).

Parintaedje

Loukîz a : « soyî »

Sinonimeye

• soyeure
• soyén

Ortografeyes

Après 1900, foû rfondou (Feller, Feller ricandjî, nén Feller) :

• sôyewâre : C13, C99
• soywâr : G152
• soyewêre : O2
• somwar : G152 (a « sciure »)
• = ? (soywar) : G152
• sôyewêre : C99
• soy’wêre : O0, O90
• soywâre : C8, S117, G152
• solwêre : O0
• soylwar : G152

E rfondou walon :

• soyoere : R10 ^(lére)

Ôtès ortografeyes (avou des sourdants nén rkinoxhous) :

• so.y’wâres : C109 (pl.)

Li mot n’ est nén dins : O100, S24, R13

Ratournaedjes

poussire ki tome d’ ene sacwè k’ on soye

• Arabe marokin : نجّارة‏‎ ^(ary) =‎ nejjara
• Almand : Sägemehl ^(de)
• Inglès : sawdust ^(en)
• Espagnol : serrín ^(es), aserrín ^(es)
• Francès : sciure ^(fr)
• Neyerlandès : zaagsel ^(nl)

Waitîz eto

Lijhoz l’ årtike soyoere so Wikipedia