verziner

Walon (Rifondou)

Etimolodjeye

Bodje neyerlandès « verzinnen » (mådjiner, edvinter) çou ki dene on mot avou l’ cawete di codjowaedje « -er » des viebes çou ki dene on mot avou l’ dobe cawete « -iner » des viebes; mot cité dins l’ FEW 17 426a.

Prononçaedje

AFE :
- diferins prononçaedjes : /vɛʀ.zi.ˈne/ /vɛʀ.zi.ˈnɛ/ (minme prononçaedje cåzu pattavå)
- prononçaedje zero-cnoxheu : /vɛʀ.zi.ˈne/ ^{aschoûtez lu}
Ricepeures : ver·zi·ner

Viebe

verziner

Djin et tins	Codjowa
Cåzant Ind. pr. (dji, dj’)	verzene
Atôtchî(s) Ind. pr. (vos, vs)	verzinez
Cåzants Ind. pr. (nos, ns)	verzinans
Rwaitants Ind. pr., nam. (i/il, ele/elle)	verzinnut
Cåzant Ind. fut. (dji, dj’)	verzinrè
Cåzant D.I.E. (dji, dj’)	verzinéve
Cåzant Suddj. pr. (ki dji, dj’)	verzene
pårt. erirece (dj’ a, vos av)	verziné
Ôtes codjowaedjes	come copiner

(v. sins coplemint) s' ocuper d' totes sôres di cayets, tot bodjant d' plaece a tchaeke côp, oudon: dimorer la sins sawè cwè fé.
- Li mådjinåcion ratake a verziner — José Schoovaerts, dins « AEC », Li Rantoele l° 94, esté 2020, p. 13.
(v. sins coplemint) roter a håre et a hote, sins såme, bodjî toltins.
- Cwè çk' il a a verziner insi ? — Motî do Coûtchant walon (fråze rifondowe).
- Li ptit Djan, k' on aveut lomé come si pere, verzinéve pattavå l' tchambe — Émile Pècheur (fråze rifondowe).
- Cwand dj' esteu gamén, dji ramasséve ene petêye dirî l' oraye paski dji n' arestéve nén d' verziner — Dimitri François (fråze rifondowe).
(v. sins coplemint) tourner dins l' tiesse, tot cåzant des pinsêyes.
- Dji sai k' i gn a des moudreus ki s' ont rassåvé e Beldjike. Gn a minme des macherseurs ladvins. Fåt nén dmander çou ki verzene dins l' tiesse des djins a ces moumints d' sotreye la — Lucyin Mahin, Li batreye des cwate vints.
- Neni, et c' est çoula eto, li radio. Ôre li vwès sins vey li tiesse, ça nos leye adviner. Ça leye verziner l' mådjinåcion — Lucyin Mahin.
- Leyîz m' loukî sol boird do bî
  Les roufions ki bagnèt leus pîs.
  Espaitchîz ki m' tuza n' verzene
  Avå les payis k' on les ctchene — Lucyin Mahin.
(viebe å coplemint) fé tourner (des pinsêyes) dins s' tiesse.
- Leyoz verziner mes babuzes — André Gauditiaubois (fråze rifondowe).
(viebe å coplemint) fé tuzer (ene djin) a totes sôres sins moenner s' tuzaedje.
- Çou k' a fwait li pus verziner Smal, c' est les candjmints d' après l' guere di 1940-45, avou li skepiaedje di deus sôcietés: li cene des ptits viyaedjes ki dmoréve avou ses viyès uzances, eyet li cene modiene, ki bodjive al cwatrinme vitesse — Lucyin Mahin.

Parintaedje

(minme sourdant etimolodjike)

Sinonimeye

verzeler

Ortografeyes

Après 1900, foû rfondou (Feller, Feller ricandjî, nén Feller) :

vèrzinér : O0
verziner : S117
verzinè : S117
vèrziner : S0

Li mot n’ est nén dins : C13, C62, O5, O90, O92, S109, E1

Ratournaedjes

s' ocuper a totès sôres di ptits ovraedjes

Francès : bricoler ^(fr), chipoter ^(fr)

bodjî toltins

Francès : s’agiter ^(fr), remuer ^(fr), gesticuler ^(fr), ne pas tenir en place ^(fr)

tourner dins l' tiesse, tot cåzant des pinsêyes

Francès : vagabonder ^(fr)

tuzer a totes sôres

Francès : gamberger ^(fr)

Sourdants

Etimolodjeye: Motî d’ Nivele a «vèrzinéye» (tayon-bodje neyerlandès); dedja dné pa Omer Jodogne dins Mélanges de lingusitique romane offerts à M. Jean Haust, Vaillant-Carmanne, Lidje, 1939, p. 237.