Bonswer Pablo & @Lucyin,
I m' shonne ki l' rifondaedje di "tcheyance" n' a nén stî fwait dadrame.
A mi idêye, c' e-st on maxhaedje di deus fåssès etimolodjeyes.
Awè, èchèyance, mot foirt sincieus, vént direk do francès échéance dismetant ki hèyance e-st on discandjaedje di hoyance (schoyance) do viebe scheure do latén excutere (Haust).
Come di djusse, échoir vént di é (ex) + choir (cadere), et nén di choir seu.
Cweki ...
Des tayons-bodje laténs exc- ont dné h- e Lidjwès. (*excarnare/hårner, excavare/haver, excaldare/hôder). Adon, motoit ki hèyance a l' minme etimolodjeye ki astcheyance ca e walon, l' betchete a-/as- a sovint rplaecî li e/es (éblouïr/asblawi), . Li tayon bodje *excadentia åreut don dné astcheyance & hèyance.
Oudonbén vos prindoz l' calcaedje es+tcheyance, oudonbén l' sustantif scheyance, mins tcheyance e-st ene fåsse etimolodjeye po l' onk come po l' ôte, paret.
| hèyanss = E203
| hèyance = E1,MLej
| hoyance = E1
| èchèyance = E1, E34, FO4 a "échéance"
| tcheyance = R13
|- = O4
Dji m' apinse k' on discråmeye les deus årtikes echeyance/estcheyance (a vosse shonnance) & scheyance k' ont deus diferinnès etimolodjeyes.
On pôreut ossu mete sustantif|wa|1 & sustantif|wa|2 dins astcheyance avou l' sins di hèyance divins l' deujhinme, mins çoula m' ahåye moens, ca avou l' candjaedje di betchete es/as, ci n' est tecnicmint pus l' minme mot.
Ni rovyîz nén mes deus dierinnès copenes
Amiståvmint
Scribus electronicus