Wiccionaire:Nosse cåbaret

Èn årtike di Wiccionaire.
Sauter à la navigation Sauter à la recherche
Bénvnowe dins nosse cåbaret !

Chal, c' est ene plaece po disbate do Wiccionaire, dmander d' l' aidance, atåvler des amidraedjes ki vos n' ploz fé vos minme, u co bén po berdeler di tot et di rén.

Dmorez amiståve pol bén d' tertos !

Coffee cup icon.svg



File-manager.png

Egurniyaedjes

2009-2017

Candidateure po divni manaedjeu[candjî]

Copleus, copleuses,

Dj' inmreu prinde el caskete di manaedjeu po poleur :

  • candjî les pådjes Mediawiki:Common.css, Mediawiki:Common.js et ôtes pådjes protedjeyes sins todi dmander a Lucyin di l' fé a m' plaece ;
  • eberweter des fitchîs, par egzimpe les imådjes po les pådjes sourdant ;
  • protedjî les diferins modules, modeles foirt eployîs et sinsibes ;
  • disfacer les pådjes Moti:xxx k' ont stî rcopeyes dins l' mwaisse espåce

Si vs estoz d' acoird avou cisse candidateure, vôtez padzo e-n inglès po les mwaisses-manaedjeus so meta. Reptilien.19831209BE1 (discussion) 19 di djanvî 2018 a 16:49 (UTC)

Do you agree with this candidature to make me become an administrator of wa.wiktionary, please vote below (YES/NO) :

Prononçaedje zero-cnoxheu do betchfessî ô[candjî]

Asteure, on l' mete /oː/, çou ki respond å prononçaedje di Nameur-cinte, et kécfeye di Lidje-cinte (eto d' Ôvîfa).

Pus ki dj' schoûte des bokets e walon, pus k' dji m' abaiti ki li prononçaedje naziålijhî est spårdou long et lådje

  • Årdene (on scrijheu come Pire-Djôzef Dosimont sicrijheut cråndimint "on" (les chîjes aus compons) (/kõpɔ̃/); sistinme Pierret-Mouzon: ö; dins l' Singulîs, asteure, c' est ortografyî ôⁿ. (mins i fåt rsaetchî tote li stindowe do prononçaedje /uː/, del Hôte Seure (Rondu, Vå-dlé-Rozire...)
  • Roman Payis: ortografyî ôⁿ dins C65, metans; parey dins tos les rcweraedjes da Jean-Jacques Gaziaux.
  • Fleuru et tote ene pårteye do Coûtchant walon (dji cnoxhe bén l' prononçaedje da Tiri Dumont) (mins i fåt rsaetchî tote li stindowe do prononçaedje /uː/, di Fosse-li-Veye a Nivele).

Adon, i m' shonne k' on dvreut mete come prononçaedje zero-cnoxheu li scrijha /õ/ ki rprezintreut on long O naziålijhî. Dji rsaetchreu les prononçaedjes avou /ɔ̃/ des prononçaedjes coinreces, po lzès replaecî pa /õ/.

Mi-minme, dji prononce di cisse façon la, et dji contéve ki c' esteut l' minme ki "on". On djoû, dj' a fwait ene asprove avou Thierry Dumont ki m' fwait ôre ki dji prononcive diferinnmint (metans dins l' fråze d' egzimpe: li ci ki n' ôt k' on son n' ôt k' ene clotche).

Metou a disbate et forbate ossu so les Berdelaedjes.

--Lucyin (discussion) 17 di fevrî 2018 a 20:52 (UTC)

Por mi, c' est ene miete målåjhey paski dji n' etind nole diferince inte les sons /ɔ̃/ et /õ/. Dins vosse responda pa Jacques-Desmet e 2012, dj' etind bén ene diferince inte on /ɔ̃/ et trô mins dji n' pou nén dire si c' est /tʁoː/ u bén /tʁõː/.
Lucyin Mahin

« I gn a, i gn a on gros trô, hin si dj' vos comprins bén, i fåt, i fåt, i fåt ristoper l' trô »
/i‿ɲa i‿ɲa ɔ̃ gʁɔ tʁoː ɛ̃ si ʤ‿vɔ kɔ̃pʁɛ̃ bɛ̃ i fɔ i fɔ i fɔ ʁistɔpe l‿tʁoː/
Claudine Mahy

« Et dji n' dimande rén d' ôte, rén d' ôte ki di esse libe. »
/e ʤi‿n‿dimãt ʁẽ d‿oːt ʁẽ d‿oːt ki di jɛs lip/
Fåreut d' ôtes eredjistrumints odios po s' fé ene boune idêye. Reptilien.19831209BE1 (discussion) 20 d' fevrî 2018 a 14:58 (UTC)
Målåjhey a dire... C' est l' vraiy ki dj' ô bråmint des djins dire "kõ" po côp come Lucyin ou Djåke Desmet. D' èn ôte costé i m' shonne cwand minme ki "oː" est pus spårdou.
--Djan Cayron (discussion) 25 di fevrî 2018 a 20:11 (UTC)
Por mi, les deus eredjistrumints (mi eyet Claudine), c' est /õ/. Po m' prôpe prononçaedje, li /oː/, ci sereut pol betchfessî å: saurt, aube, paurt. Dji va sayî di vos ls eredjistrer, po-z ôre li diferince.
--Lucyin (discussion) 27 di djulete 2018 a 09:40 (UTC)

Motî Cambresier[candjî]

Bondjoû mes djins,

Dji so foirt binåjhe di vos anoncî ki l' discrijhaedje (transcrijhaedje) do Motî Cambresier est fini so Wikisourd. Si vos av ene miete di tins a touwer, et k' vos n' savoz nén cwè fé, vos ploz todi vni rilére ene pådje, coridjî les flotches k' i gn åreut, et l' acertiner (valider). Dji rmerceye Pablo po s' côp d' pôce Emoji u1f609.svg Dji va bénrade mete so Wikisourd li Motî Haust, ça va esse on gros ovraedje... Amiståvmint, Reptilien.19831209BE1 (discussion) 19 d' avri 2018 a 19:11 (UTC)

Wikisource e lingaedje walon : Wikisourd ?[candjî]

A lére so les Berdelaedjes. Reptilien.19831209BE1 (discussion) 6 di may 2018 a 14:10 (UTC)

Tidy to RemexHtml[candjî]

m:User:Elitre (WMF) 2 d' djulete 2018 a 14:38 (UTC)

Candidateure po wårder m' caskete di manaedjeu[candjî]

Copleus, copleuses,

Come vos l' savoz, u bén ki vos nel savoz nén, dji so manaedjeu so Wiccionaire dispu (ddja) shijh moes. Èm mandat arive a s' fén li 29 djulete et c' est l' moumint por vos di m' fé sawè si vos estoz etaits di l' aidance ki dj' vos a apoirté dins ç' dominne la, et d' vôter po ricdure (u nén) èm mandat po-z eco shijh moes, ene anêye u po todi. Vôtez padzo avou les modeles {{po}} (si vos estoz d' acoird) shuvou del durêye u bén {{conte}} (si vos n' estoz nén d' acoird). Gråces a tertos. Reptilien.19831209BE1 (discussion) 16 di djulete 2018 a 07:41 (UTC)

Do you agree with this candidature to extand my administrator status for 6 months/1 year/.../forever, please vote below ( Po = YES / Conte = NO) :


Vola, c' est fwait ! Mins come nosse kiminålté est tote pitite, on n' pout nén dmander on mandat pus long k' ene anêye (c' est novea). Adon, dji vos rdene rindez-vos li 29 djulete 2019 pol minme afwaire. Gråces po vosse afiyance. Reptilien.19831209BE1 (discussion) 30 di djulete 2018 a 04:50 (UTC)

Wiktionary Cognate Dashboard[candjî]