houte

Walon (Rifondou)

Etimolodjeye 1

Tayon-bodje latén « ŭltra » (pus lon) ; etroclaedje del cossoune H (riprezintant H, Y ou W) metowe å cmince po ristoper l’ ahiket (dji so-h/y/w-oute) ; cisse consoune la ni s’ wåde nén sovint dins les mots d’ aplacaedje (totoute, Outruwåtche, Outwårtchene, Doutrupont).

Prononçaedje

• AFE :
  • diferins prononçaedjes : /hut/ /ut/  ^{aschoûtez lu} /uːt/  ^{aschoûtez lu} /jyt/  ^{aschoûtez lu} /jœt/ /wut/ (fås H prumrece)
  • prononçaedje zero-cnoxheu : /hut/
• Ricepeures : nén rcepåve

Adviebe

houte (nén candjåve)

1. (dins l’ espåce) arivé pus lon ki l’ coron.
   • Nos estans houte : waitîz : li bwès est padrî nozôtes.
   • Cwand on dit « il est houte », ça vout dite ki l’ feme s’ a-st acoûtchî. — Motî Toussaint (fråze rifondowe).
   • Cwand deus grossès eures pus tård, li messe fourit tolminme houte … — Paul-Henri Thomsin, ratournant "Li vî bleu" da François Walthéry & Raoul Cauvin, 2011 (fråze rifondowe).
2. (dins l’ espåce) åd triviè.
   • Nosse pitit payis est trop stroet ; on pixhreut houte e pixhant droet. — Julien Colson (fråze rifondowe).
3. (dins l’ tins) fini, passé.
   • On n’ boutéve les veas å tchamps ki cwand les foirt tinrès fôrêyes estént houte. — JJGbv, p. 82 (fråze rifondowe).
   • I fåt les Croes houte po-z awè do bon tins. — Motî Alphonse Massaux (fråze rifondowe).
   • Et nosse Jilbert s’ aveut metou a teter… teter, … teter, goirdjî. Si foirt et si bén ki l’ ivier esteut houte, et k’ il esteut todi la, po l’ plaijhi d’ ses parints. — Jacques Desmet, On Sånî a pårt.
4. (dins l’ tins) (pus stroetmint) presse a mori.
   • Dji so houte, (mes djins ; vos m’ vénroz bénrade eterer). — Motî Pirsoul (fråze rifondowe).
5. (dins l’ tins) (pus stroetmint) distindou tot cåzant d’ on feu.
   • Li feu est houte. — Motî do Coûtchant walon (fråze rifondowe).

Piceures di croejhete

Pout esse riwaitî come sipitron, cwand i s’ aplake a on viebe avou ene idêye d’ alaedje pus lon l’ i n’ åreu falou ou passaedje åd triviè. Passer houte, bouxhî houte, bouter houte. — Motî Haust (fråze rifondowe).

Ratourneures

1. si tene k’ on voet houte
2. çou k’ est houte est houte
3. i n’ si fåt nén vanter d’ ene bele djournêye s’ ele n’ est nén co houte

Mots d’ aplacaedje

• houte di [divancetire] pus lon ki.
• houte ki
• passer houte, bouxhî houte, bouter houte, vey houte
• totoute, foûzehoute (foû-z et houte)
• (sins H): Outrupont, Doutrupont, Outruwåtche, Outwårtchene, Outlouxhe

Sinonimeye

• (arivé pus lon ki l’ coron) : djudla, ådla, åd triviè, foû
• (passé) : foû, passé, fini
• (presse a mori) : fotou, codåné
• (distindou, pol feu) : evoye, endalé

Ortografeyes

Après 1900, foû rfondou (Feller, Feller ricandjî, nén Feller) :

• iute : C1, C13, C60, C99, C106
• ye̊te : C18
• yëte : JDes
• oute : E1, E200, C65, C99, C106 S117, O0, O4
• yute : C60, C99
• houte : E1
• woute : O0, O4
• ute : FE1 (a « outre »), C9, S0
• oûte : S0, S17 (p. 39, 323, 205), S44, S117

E rfondou walon :

• houte : R13

Ratournaedjes

arivé pus lon ki l’ coron

• Almand : weiter ^(de)
• Inglès : over ^(en), off ^(en)
• Francès : au-delà ^(fr)
• Neyerlandès : verder ^(nl)

fini

• Inglès : over ^(en), off ^(en)
• Francès : passé ^(fr), fini ^(fr)
• Neyerlandès : over ^(nl)

Divancete

Alofômes

houte

out-

outru-

houte

1. houte di (åd triviè di).
   • potchî houte li bî — Motî Toussaint (fråze rifondowe).
   • passer houte li bwès — Motî Toussaint (fråze rifondowe).
   • On-z aveut plou fé passer e tere, houte li rote, ene buze ki prindeut l’ aiwe ås arinnes di nos deus måjhons — Louis Remacle, Proses wallonnes, p. 141 (fråze rifondowe).

Ratourneures

1. li ci ki potche houte li leu potche houte li cawe

Sipårdaedje do mot

Hôte Årdene

Ratournaedjes

houte di Loukîz a : houte di

• Almand : ausserhalb ^(de), ausser ^(de), jenseits ^(de)
• Inglès : over ^(en)
• Francès : au-delà de ^(en)
• Neyerlandès : over ^(nl)

Etimolodjeye 2

Tayon-bodje tîxhon « hütte » (minme sinse) (k’ a dné eto l’ francès « hutte », li neyerlandès « hut », l’ almand « Hütte », li daenwès « hytte »).

Prononçaedje

• AFE :
  • diferins prononçaedjes : /hut/ /hyt/ /yt/ (H prumrece)
  • prononçaedje zero-cnoxheu : /hut/
• Ricepeures : nén rcepåve

Sustantif

singulî	pluriyal
houte	houtes

houte femrin

1. pitit bastixhaedje di coxhes po s’ î rmete cwand i fwait mwais, ou î lodjî.
   • Il ont fwait ene houte po s’ lodjî — Motî Forir (fråze rifondowe).

Parintaedje

• houtea, houtrê, houton
• ahouter, ahoutaedje, ahoute
• cahoute, cahoutreye, cahoutea
• s’ ecahouter, si recahouter

(minme sourdant etimolodjike)

• hobete

Mots d’ aplacaedje

• a houte

Sinonimeye

cahoute, houbete, houtrê

Mots vijhéns

cabane, barake, cåze, åvrûle, wåmire, cotche

Ortografeyes

Divant 1900 :

• houtt : E203 ^(lére)

Après 1900, foû rfondou (Feller, Feller ricandjî, nén Feller) :

• iute : C106 (divins « à iute »)
• yute : C8, G204 p. 29, O4
• yëte : G204 p. 29
• hute : E1 (a « houte »), S117, G204 p. 29
• eute : S104, G204 p. 30
• houte : E1, G204 p. 29
• ute : G204 p. 29
• e̊te : G204 p. 30

E rfondou walon :

• anon : R10 ^(lére), R13
• houte : R10 ^(lére), R13

Li mot n’ est nén dins : C65, E165, S117 (såf motoit dins « a houte »)

Ratournaedjes

sinse do mot k’ est ratourné Loukîz a : cahoute

• Almand : Hütte ^(de)
• Inglès : hut ^(en)
• Francès : hutte ^(fr)
• Neyerlandès : hut ^(nl)