Rawete:Ricepeure e walon

Èn årtike di Wiccionaire.
Sauter à la navigation Sauter à la recherche
Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

Cisse pådje ci vos racsegne sol manire di rceper les mots e walon, ki ça soeye po l’ imprimaedje so papî u po les scrijhaedjes éndjolikes (PDF, waibe). Çou n’ est nén ene pådje sol tipografeye do walon.

Definixha[candjî]

Riceper on mot, c’ est l’ côper åd dibout d’ ene lene tot shuvant les sillabes, po k’ å lijhaedje do tecse li mot rcepé ni s’ prononce nén d’ ene drole di manire. On mot pout awè (cåzu) ostant di rcepaedjes k' il a d’ sillabes. Li mot « bondjoû » /bɔ̃.d͡ʒuː/ ni s’ pout rceper k’ inte les sillabes « bon » eyet « djoû », li mot « adviertixhmint » /ad.vjɛʀ.tiʃ.mɛ̃/ si pout rceper « ad » eyet « viertixhmint », u bén « advier » eyet « tixhmint » u co « adviertixh » eyet « mint ».

Sol Wiccionaire[candjî]

Li rcepaedje si fwait avou l’ modele {{Ric}}, k’ on mete dins li hagnon Prononçaedje. Li sene di pontiaedje eployî po moster li rcepaedje est l’ mîtrin pont « · » (U+00B7), ki rshonne a on simpe pont « . » (U+002E), mins plaecî e mitan del lene sol hôteur. Vos ploz eployî l’ onk u l’ ôte pont dins l’ modele, ki s’ tchedjrè d’ coridjî otomaticmint. Li mîtrin pont n’ est nén sol taprece.

Egzimpe d’ eployaedje do modele :

* {{Ric|bon·djoû}}
* {{Ric|bon.djoû}}

So papî et scrijhaedjes éndjolikes[candjî]

Al machene a scrire, li rcepaedje si fwait avou l’ loyeure « - ». Po les scrijhaedjes éndjolikes, li sene eployî est l’ douce loyeure (U+00AD, soft hyphen e l’ inglès) k’ est ene loyeure ki n’ si mostere ki si nd a vormint dandjî, sorlon l’ lårdjeur del waitroûle. Cisse douce loyeure si mete so les pådjes HTML avou l’ intité ­ k’ est l’ minme ki ­ u co ­ Po les scrijhaedjes éndjlokikes, si on n’ mete nén li douce loyeure, li rceppaedje si fwait todi avou ene espåce copåve, li mot « bondjoû » n’ est måy ricepé.

Egzimpe d’ eployaedje so papî :

Egzimpe di rcepeure e walon (papî).png

Egzimpe d’ eployaedje e-n on scrijhaedje éndjolike, avou ene douce loyeure ki n’ aparexh ki sorlon l’ lårdjeur del waitroûle :

Xxx xxx xxx xxx xxx xxx xxx xxx xxx xxx xxx xxx xxx xxx xxx bon­djoû xxx xxx xxx xxx xxx xxx xxx.

Egzimpe di rcepeure e walon (avou douce loyeure).png

Rîle do rcepaedje[candjî]

  • on n’ ricepe nén les mots d’ on seu pî : ci, mot, la, est, foirt, bea,…
  • on n’ ricepe måy on foninme respondant a ene cossoune ki si scrît avou deus letes : ch /ʃ/, tch /t͡ʃ/, dj /d͡ʒ/, gn /ɲ/ ; såf ss /s/, ki s’ ricepe e mitan s-s : asse, boesse,…
  • on n’ ricepe måy on foninme respondant a ene voyale ki si scrît avou deus letes : ou /u/, /uː/, an /ã/, in /ɛ/, on /ɔ̃/, én /ẽ/.
  • on n’ ricepe måy on betchfessî scrijha di deus ou troes letes : xh, jh, sch, sh, oe, oi, oen, ai.
  • on mete voltî li rcepeure inte deus cossoune : hantch·ler, e·cay·té,…
  • ôtmint, po les sillabes å lådje (ki s’ atchevèt pa des voyales), on mete li rcepeure dirî l' voyale : ri·tchô·kî,…
  • on n’ ricepe nén voltî (mins on l’ pout fé) on mot ki l’ prumî pî n’ a k’ ene lete : aprinde (u a·prinde),…