pont

Walon (Rifondou)

• 

  pont di scrijhaedje (ragrandi)

• 

  pont d’ cozaedje

• 

  pont so l’ aiwe di Lesse

Etimolodjeye 1

Tayon-bodje latén « pŭnctum » (piké, pikeure, pont).

Prononçaedje

• AFE :
  • diferins prononçaedjes :
    • (sustantif) /pɔ̃/ /poː/ /pwɛ̃/ (minme prononçaedje cåzu pattavå)
    • (adviebe) /pɔ̃/
  • prononçaedje zero-cnoxheu : /pɔ̃/
• Ricepeures : nén rcepåve

Sustantif

singulî	pluriyal
pont	ponts

pont omrin

1. (djeyometreye) pitite ronde marke, pitit plin rond.
   • Li moxhet n’ esteut pus k’ on ptit pont e cir.
2. (croejhete) sene d’ ortografeye del cogne d’ on foirt pitit rond.
   • Metoz on pont al fén d’ vosse fråze.
3. (mot d’ djeu) nombe po saveur kî çki wangne, dins on djeu.
   • Dj’ avans fwait ût ponts.
4. (mot d' costire) (mot d’ medcén) unité d’ on cozaedje.
5. boket d’ on råjhonmint, d’ ene bate di dvizes, d’ on rapoirt.
   • Dji vôreu bén rivni so vosse troejhinme pont.
   • Gn a co deus ponts a sorbate

Ratourneures

1. mete les ponts so les î (mete les ponts so les I)

Parintaedje

• pontion
• apontyî, apontiaedje, apontieu
• rapontyî, rapontiaedje
• pontiaedje (sene di pontiaedje)

(minme sourdant etimolodjike)

• ponte (clå) (pwinte)
• apoenter, epoenter (apwinter, ampwinter) (!!! a-z aveuri)

Mots d’ aplacaedje

• pont di dmande, pont di sclameure, pont d’ shuvance
• coma-pont, dobe pont, accint-dobe-pont
• pont sol roye
• a pont, a pont ki

1. • C' esteut ene måle keure k' arivéve la. Adofe esteut cåzu a pont et i n aveut dijh djins a nouri. Li cinsî l' vola bén ahorer — Georges Ghys (fråze rifondowe).

• vini a pont

1. • Li mwaisse årchiteke k'elz a creyés et ki n'a leyî dvins rén ki n'elzî pôye vini a pont. — Jean Bosly, L’ îmitåcion d’ Jèzus-Cris (ratourné di J. Bosly) (fråze rifondowe).
   • Mins n' fåt nén fote evoye çou ki pout vni a pont. — Pierre-Joseph Dosimont (fråze rifondowe).

Ortografeyes

Divant 1900 :

• pon : C9a
• poin : C9a

Après 1900, foû rfondou (Feller, Feller ricandjî, nén Feller) :

• pwint : O4
• poû : O4 (a « à poû »)
• pon : C9
• pont : C8, E1, E34

E rfondou walon :

• pont : R10 ^(lére), R13, R15

Ratournaedjes

pitite ronde marke

• Arabe : نقطة ^(ar) = نُقْطة =‎ nouqTa
• Almand : Punkt ^(de)
• Inglès : point ^(en)
• Espagnol : punto ^(es)
• Francès : point ^(fr), spot ^(fr)
• Neyerlandès : punt ^(nl)

sene ortografike

• Arabe : نقطة ^(ar) = نُقْطة =‎ nouqTa
• Almand : Punkt ^(de)
• Inglès : dot ^(en) (metans dins ene adresse d’ emile), full stop ^(en) (pont d’ fén d’ fråze)
• Espagnol : punto ^(es)
• Francès : point ^(fr)
• Neyerlandès : punt ^(nl)

unité d’ keudaedje

• Arabe : غرزة ^(ar) = غَرَزة =‎ gharaza
• Arabe marokin : غرزة ^(ary) = غرْزة =‎ gherza
• Almand : Stich ^(de)
• Inglès : stitch ^(en)
• Espagnol : puntada ^(es)
• Francès : point ^(fr), point de suture ^(fr) (medcene)
• Neyerlandès : steek ^(nl)

boket d’ on råjhonmint, d’ ene bate di dvizes, d’ on rapoirt

• Arabe : نقطة ^(ar) = نُقْطة =‎ nouqTa
• Almand : Stich ^(de)
• Inglès : point ^(en), item ^(en)
• Francès : point ^(fr)
• Neyerlandès : steek ^(nl)

Adviebe

pont (nén candjåve) dins les ratourneures : « pont di » et « endè…pont ».

Etimolodjeye 2

Tayon-bodje latén « pontem », acuzatif di «pons» (pont, passaedje).

Sustantif

singulî	pluriyal
pont	ponts

pont omrin

1. bastixhaedje po fé passer ene voye ådzeu d’ ene aiwe.
2. sacwè ki rloye deus cayets.
3. (mot d’ medcén) raloyaedje di deus ecdûts do sonk ådzeu d’ ene plaece k’ est moite.

Parintaedje

• pontea
• ponter, pontaedje (des ecdûts do cour)
• riponter
• Pont (Pont-dlé-Lignouveye)

Mots d’ aplacaedje

• Hinripont
• Ôpont
• Pont-dlé-Lignouveye
• Noûpont (les Noûs Ponts)
• Troes-Pont
• Grûpont

Ortografeyes

Après 1900, foû rfondou (Feller, Feller ricandjî, nén Feller) :

• pont : E1

E rfondou walon :

• pont : R10 ^(lére), R13

Ratournaedjes

bastixhaedje ådzeu d’ ene aiwe

• Arabe marokin : قنطرة ^(ary) = قنْطْرة =‎ qen6ra (qenTra)
• Almand : Brücke ^(de)
• Inglès : bridge ^(en)
• Espagnol : puente ^(es)
• Francès : pont ^(fr)
• Neyerlandès : brug ^(nl)
• Rûsse : мост ^(ru) =‎ most

Etimolodjeye 3

Do viebe « ponre »

Dobès rfondowes

pont

ponou

Pårticipe erirece

	singulî	pluriyal
omrin	pont / ponou	ponts / ponous
femrin	ponte / ponowe	pontes / ponowes

1. Pårticipe erirece do viebe del cénkinme troke : « ponre ».
   • Li poye a pont. — Motî d’ Nivele (fråze rifondowe).
   • Ramassez ddja les oûs k’ ont stî ponts do matén.
   • Cisse leuze la a stî ponte pa ene poye k’ est malåde.

Sipårdaedje do mot

w. do Coûtchant

Ortografeyes

Après 1900, foû rfondou (Feller, Feller ricandjî, nén Feller) :

• pun : O4

Li mot n’ est nén dins : R13

Ratournaedjes

ponou Loukîz a : ponou

• Francès : pondu ^(fr)