pattavå

Walon (Rifondou)

Etimolodjeye

Aplacaedje di : « pa » + « ttavå » (totavå).

Prononçaedje

• AFE :
  • diferins prononçaedjes : /pat.ta.vaː/ /pat.ta.voː/ /pat.ta.vɒː/ (betchfessî å) Modele:3pr
  • prononçaedje zero-cnoxheu : /pat.ta.vɔː/
• Ricepeures : pat·ta·vå

Adviebe

pattavå (nén candjåve)

1. di tos les costés.
   • Les gros pûs corént cwate pa cwate,
     Zimboum tralalala
     Et les pouces sôtlént pattavå — Motî Léonard, p. 369 (fråze rifondowe).
   • Pus çki t’ båraedje esteut bén fwait, pus çk’ i gnè coreut d’ aiwe so t’ pré. Et on l’ ristraméve co e l’ boulant pattavå avou on grand råve, po k’ totes les plaeces soeyénxhe bén rmouyeyes. — Lucyin Mahin, Ène bauke su lès bwès d’ l’ Ârdene, lijhåve so Wikisourd (fråze rifondowe).
   • (Li tchinne å cladjot) Si dedja vos soudrîz a l' ombreye di m' fouyaedje
     Ki racovtêye tot l' vijhnaedje,
     Dji vos pôreu siervi d' måjhon
     Cwand, pattavå, l' oraedje roudeye. — André Vellande, ratournant Jean de Lafontaine (fråze rifondowe).
   • L' Estat, vos di dj', est pattavå; patocosté la k' les bons et les mwais sont-st eminés. — José Schoovaerts, ratournant Nietsche (fråze rifondowe).
   • Sacwantès poyes å polî,
     L’ cocorico del pikete do djoû,
     Ene rimouye bén vete,
     Et des fleurs pattavå. — Jacques Desmet, Homo sapiens, 2025, Saquants poyes au pouli (lijhåve e Feller vaici), p.29 (fråze rifondowe).
     
   • Cwand les boûsses sont zouptantes a ene plaece, ele li sont pattavå. — Båze di dnêyes di l’ Årdene nonnrece, a « zouptant » (fråze rifondowe).
   • Åroz dabôrd fini d' wespiyî pattavå ?! — Båze di dnêyes di l’ Årdene nonnrece, a «waspyî» (fråze rifondowe).

Ratourneures

1. c’ est pattavå come ôte pårt (C1 p. 577).

Sinonimeye

totavå, tocosté, partot; Loukîz a : « totavå »

Ratournaedjes

di tos les costés Loukîz a : totavå

• Arabe marokin : في كل جحة =‎ fi kel je7a
• Inglès : everywhere ^(en), all-over ^(en)
• Francès : partout ^(fr)

Divancete

Alofômes

pattavå

pattavår

pattavå (nén candjåve)

1. divins tot (+ coplemint d’ plaece).
   • Il a rviersé d' l' aiwe pattavå l' måjhon. — D.T.W.
   • I gn a des foyes pattavå l' aiwe. — D.T.W.
   • Il ont roté pattavå les fleurs. — Motî Gilliard (fråze rifondowe).
   • T' end årès bénrade pattavå tot — Motî Léonard, p. 692 (fråze rifondowe et rarindjeye).
   • Gn aveut des Gris pattavår ci. — Motî Gilliard (fråze rifondowe).
   • Il est mwais pattavå s' coir — Motî Léonard, p. 283 (fråze rifondowe et rarindjeye).
2. so (tot l' coir d' ene djin).
   • Dj' a spårdou del bolante aiwe pattavår mi. — Motî Gilliard (fråze rifondowe).
   • Il ont cossåyî del farene pattavår twè. — Motî Gilliard (fråze rifondowe).
   • Il a spårdou s' sope pattavår lu. — Motî Gilliard (fråze rifondowe).
   • Elle end a pattavår leye. — Motî Gilliard (fråze rifondowe).
   • Nos nd avans yeu pattavår nos. — Motî Gilliard (fråze rifondowe).
   • A-t i spritchî d' l' aiwe pattavår vos ? — Motî Gilliard (fråze rifondowe).
   • I gn aveut des droles di mamas pattavår zels. — Motî Gilliard (fråze rifondowe).

E cisse pådje ci, n’ a pont d’ ratournaedje pol mot. El pôrîz radjouter, s’ i vs plait ? Come çoula, l’ årtike rissereut d’ adrame.