divins

Walon (Rifondou)

Alofômes di d(i)-

Plinne cogne	Sipotcheye cogne
divins	dvins

Etimolodjeye

Tayon-bodje patwès latén * « de intus » (minme sinse), adon racuzinåve avou l' francès « dans », l' occitan « dins » et l' vî francès « denz ».

Divancete

divins (nén candjåve)

1. dins, copurade :
   1. divant on mot å pluriyal, avou l’ årtike les (« divins les » pout esse replaecî pa « ezès »).
      • Divins les viyès måjhones, vos avîz todi on gurnî.
   2. divant ene muzeure do tins a vni (nén replaeçåve pa «ezès»).
      • Divins deus moes, dji vos rvénrè vey.
      • Li ptite mamêye, les ouys plins d' låmes,
        Veyant s' mame måvlêye po do bon,
        Responda sins sondjî pus lon,
        Ki li ptit cåcå k' ele difåme,
        End ireut tot seu dvins kékes djoûs. — Joseph Vrindts, « Pâhûles rîmês » (1897), "Li cocogne di li p’tite bâcelle", p.42-43 (fråze rifondowe).
      • C’ est dvins troes samwinnes li grand djoû, valet ; coraedje ! T’ årès vint ans al Céncweme, dimeure bråve ovrî et bråve ome. — Joseph Mignolet, « Li tchèsturlinne dèl Bèle Rotche, 1922, p.14 (fråze rifondowe).
   3. divant on nén definixhant årtike singulî (on, ene) (replaeçåve pa « e-n on » ou « e-n ene »).
      • Divins on sfwait cas, dji loucreu todi a mi ?
   4. divant on nén definixhant årtike pluriyal (des) (nén replaeçåve pa « ezès »)
      • Divins des novelès måjhones, i fwait todi crou.
   5. divant on chife (nén replaeçåve pa « ezès »).
      • Divins cwate di ces tchenas la, gn av’ on ptit coshet.
2. emey.
   • Divnou flankeur divins les Canifechtones,
     On m' rimoussa, dj' ouris-st on pantalon. — Charles Duvivier de Streel, "Li pantalon trawé" (1849) (fråze rifondowe).
   • A poenne aveut i tourné l' cou, ki li ptite Driyene moussa dvins les djins ki cmincént dedja a barboter la k' persone ni vneut cweri li ptit valet ki gotéve. — Joseph Vrindts, « Li pope d'Anvers » (1896), p.58 (fråze rifondowe).
   • Mins dvins zels end a portant
     Plan rata plan, rata plan plan plan !
     Qui sont ene miette trop spitants,
     Plan rata plan, rata plan, plan plan ! — Jean Bury, Joyeux rèspleus (1899), "Cantiniére di gârd-civique" (fråze rifondowe).
   • Ci harlak la vinéve fé d’sès-êrs tos lès djoûs èt nouk divins lès djwifs ni wèzéve bodjî. Adon nosse bèrdjî, qui n’èsteût co qu’in-afwèrci gamin, avou s’hina, l’èstèna d’on côp d’pîre è plin mitan dè front, tchak la ! — Georges Ghys.
3. inte, å mitan di.
   • Rouf ! … I s’ vént taper tot plorant – awè, tot plorant – dvins les djambes di Boule-di-Gôme, et s’ saye t i d’ lyi letchî les doets, et d’ lyi fé comprinde … — Arthur Xhignesse, « Boule-di-Gôme », 1912, p.30 (fråze rifondowe).

Parintaedje

• divintrin, divintrinnmint
• sordivintrin, sordivintrinnmint

Mots d’ aplacaedje

divinltins

Sinonimeye

• (tos les cas): dins
• (dins l’ espåce, nén dins l’ tins): didins
• (divins les): ezès
• (divant on mot singulî avou on definixhant årtike): e (omrin, sins repeticion di l’ årtike); e l', el (femrin)

Fås amisse

Li francès «divin» n' a nén l' minme sinse.

Sipårdaedje do mot

w. do Levant, w. do Coûtchant (Bijhe)

Ratournaedjes

dins Loukîz a : dins

• Arabe : داخل ^(ar) = داخِل =‎ dâkhil
• Arabe marokin : في ^(ary) =‎ fi; ف ^(ary) =‎ f- (etroclé)
• Inglès : in ^(en), inside of ^(en)
• Francès : dans ^(fr), à l’intérieur de ^(fr)
• Neyerlandès : in ^(nl)

Adviebe

divins (nén candjåve)

1. didins.
   • N a-st ene sacwè ki ramxheye e l’ boesse ; loukîz dvins po vey cwè.
   • On hena dvins nos rind djoyeus,
     On-z a l' vwès pus disgadjeye. — Henri Forir, Blouwett lîgeoiss, Li Li paskeie è l'vin, 1843, p.16 (fråze rifondowe).

Sinonimeye

• ådvins

Ratournaedjes

å mitan di Loukîz a : « dins »

• Arabe marokin : داخل ^(ary) =‎ dakhel
• Inglès : inside ^(en)
• Francès : dedans ^(fr), à l’intérieur ^(fr)
• Neyerlandès : erin ^(nl)

divant ene muzeure do tins a vni Loukîz a : dins

• Almand : in ^(de)
• Inglès : in ^(en)
• Espagnol : dentre de ^(es)
• Francès : dans ^(fr)
• Neyerlandès : in ^(nl)