divintrinnmint

Walon (Rifondou)

Alofômes di d(i)-

Plinne cogne	Sipotcheye cogne
divintrinnmint	dvintrinnmint

Etimolodjeye

Bodje « divintrin », avou l’ cawete « -mint », çou ki dene on mot avou l’ dobe cawete « -rinnmint ».

Prononçaedje

• AFE :
  • diferins prononçaedjes : /di.vɛ̃.tʀɛ̃.mɛ̃/ /dy.vɛː.tʀɛː.mɛ̃/
  • prononçaedje zero-cnoxheu : /di.vɛ̃.tʀɛ̃.mɛ̃/
• Ricepeures : di·vin·trinn·mint

Adviebe

divintrinnmint (nén candjåve)

1. divins lu-minme.
   • Li pretins do teyåte walon, c’ est l’ fén del såjhon mins ki poite divintrinnmint çou ki va soude do tins del novele. — Guy Fontaine.
   1. divins ses pinsêyes.
      • Rire do gros des dints, c’ est sorire droldimint tot estant mwais divintrinnmint.
      • L’ ome a compris, ratake si roye, et, mågré lu,
        Ritape a tot côp bon ses ouys, la, viè l’ crestea
        C’ est k’ i rsint dvintrinnmint li rgret k’ on-z a do piede
        Ene sacwè ki vs atneut, k’ on n’ rivoerè måy pus. — Henri Simon, Li pan dè bon Diu, "Li moirt di l' åbe" (fråze rifondowe).
      • I s’ fwait, télmint k’ il a l’ cour était,
        Dvintrinnmint des tas d’ confidinces
        So les voltés del Providince. — Martin Lejeune, Œuvres lyriques du poète wallon Martin Lejeune, p.130, « C’èst-on valèt !» (fråze rifondowe).
      • Divintrinnmint, dji m’ dijheu : « Valeut bén les poennes di m’ aveur consyî do mete mi casse si c’ est po m’ evoyî rider… so m’ cou ! » — Yvonne Gendarme.
      • Divintrinnmint, ele ni rboute nouk di ses hanteus. Ni les purisses, ni les ôtes. — François Nyns.
      • Tot passant dlé l' Vete Houmresse, Djan tapa-st on côp d' ouy di rgret viè les toneas ahoplés å coron del såle et s' djaloza t i dvintrinnmint les candes — tcherons, martchands, payizans — k' estént-st ashiowes e ceke d' ôr ki l' feu markéve so les tûleas di l' aisse. — Joseph Mignolet, Vè l' loumîre, (1922) (fråze rifondowe).
      • Divintrinnmint ene grande påjhûlisté, k’ on n’ såreut dire ni cwè, ni come, vos ewalpêye. — Jean-Pierre Dumont.
      • Sara s’ meta a rire divintrinnmint : « Alouwêye come djel so », dit-st ele, « est çki dj’ såreu co aveur bon ? Et mi ome, don ! C’ est ene viye djin ! » — Lorint Hendschel, Li Djneze (ratournaedje).
   2. divins s' coir.
      • Sinti des mås po dvintrinnmint. — Motî Forir (fråze rifondowe).
   3. S' estchåfer dvintrinnmint. — Motî Forir (fråze rifondowe).
      • Dj' a ene doleur divintrinnmint
        Ki dji n' tén nén so mi åme ;
        Touma, prind l' farene di lén,
        Fwai m' vite on cataplasse. — François Barillié, Li camarad′ dè l'joie, 1852, Li cataplame, p.111 (fråze rifondowe).

Sinonimeye

• ådvins
• dins lu-minme
• inte di lu-minme

Contråve

• difoûtrinnmint

Sipårdaedje do mot

w. do Levant

Ortografeyes

Divant 1900 :

• di vintrinn’mint : FrBcj
• divintraînnmin : E203 ^(lére)
• d’vintrennmin : (diviè 1733)
• podven trendmen : (1620)

Après 1900, foû rfondou (Feller, Feller ricandjî, nén Feller) :

• duvintrênemint : E34
• divintrinn'mint : E1

E rfondou walon :

• divintrinnmint : R13

Ratournaedjes

dins lu-minme, tot djåzant d’ ene djin

• Inglès : innerly ^(en), inside ^(en), inwardly ^(en), internaly ^(en)
• Francès : intérieurement ^(fr), intrinsèquement ^(fr)

dins lu-minme, tot djåzant d’ èn etrevén

• Inglès : intrinsically ^(en)
• Francès : intrinsèquement ^(fr)