byin

Walon (Rifondou)

Etimolodjeye

Calcaedje do francès « bien » k' a prins on sinse a pårt di rafoircixhaedje d' èn ôte adviebe (minme « bén », motoit po replaecî li sinonime « mo » ki n' egzistéve pus e 20inme sieke dins les payis k' eployént « byin ».

Prononçaedje

• AFE :
  • diferins prononçaedjes : /bjɛ̃/ /bi.ˈjɛ̃/ (minme prononçaedje cåzu pattavå)
  • prononçaedje zero-cnoxheu : /bjɛ̃/
• Ricepeures : nén rcepåve

Adviebe

byin (nén candjåve)

1. rafoircixh l' adviebe ki shût.
   • Ça fwait byin må, ces cingues la.
   • Dj' a byin yeu må cisse nute ci.
   • I gn aveut si byin waire di djins k' on n' a nén drovou les ouxhs. — Motî Léonard, p. 272 (fråze rifondowe).
   • I gn aveut byin waire di djins a l' etermint. — Motî Gilliard (fråze rifondowe).
   • Ça va byin bén. — Motî Léonard, p. 655 (fråze rifondowe).
   • Ça esteut si byin blanc k' on-z åreut yeu dit del nive. — Motî Léonard, p. 655 (fråze rifondowe).
   • Mes efants, avoz ddja rwaitî les orondes, ces beas ptits moxhons (…) ki nos arivnut tos ls ans di byin bén lon. — Jean Soupart, El Bourdon, l° 415, avri 1989, p. 9 (fråze rifondowe).
   • Dins totes les ratourneures sol diåle, c' est byin råle k' on l' mostere k' assaetche les djins lon erî do Bon Diu — Joseph Selvais (fråze rifondowe).
2. (divant on no d' matire u on no plurial) dins les ratourneures : « byin des », « byin do », « byin del »: bråmint.
   • Ti pous dire ki dj' a byin do må avou ces djonnes la.
   • Gn aveut byin des djins. — Motî Léonard, p. 655 (fråze rifondowe).
   • On dirè çk' on vout, mins ces massaedjes la, ça fwait byin do bén. — Motî Léonard, p. 215 (fråze rifondowe et rarindjeye).
   • Mi dj' inme ostant vos dire k' on-z a byin do succès. — Jean Goffart (fråze rifondowe).

Notule d’ uzaedje

On pout bén sovint replaecî pal cogne vårmint walone « bén » (såf divant « bén » lu-minme)

1. • Ça fwait bén må, ces cingues la.
   • Dj' a bén yeu må cisse nute ci.
   • C' esteut si bén blanc k' on åreut yeu dit del nive.
   • C' est bén råle ki ça s' passe insi.
   • Dj' a bén do må avou ces djonnes la.
   • Ça fwait bén do bén.
   • On a bén do succès.

Sinonimeye

divant èn ôte adviebe

• mo
• foirt
• bén
• Loukîz a : « Motyince:foirt (adviebe)/walon »

divant on sustantif avou « des », « do » u « del »

• bråmint do, bråmint del, bråmint des
• mo (des, do, del)
• Loukîz a : « Motyince:foirt (adviebe)/walon »

Sipårdaedje do mot

w. do Coûtchant, w. do Mitan

Ratournaedjes

divant èn ôte adviebe

• Francès : très ^(fr), bien ^(fr), rudement ^(fr)

divant on sustantif

• Francès : bien ^(fr) (des, du, de la), beaucoup ^(fr) (de)

Sustantif

byin omrin

1. dins l’ ratourneure : « måva byin ».