Uzeu copene:Reptilien.19831209BE1

Sauter à la navigation Sauter à la recherche

À propos de ce flux de discussion

« CQ. CQ, cial W9GFO. Respondoz. »
Ellie


Po les vîs berdelaedjes, loukîz cial (2017-08-25)

Lucyin (copinercontribouwaedjes)

S33 est pår fini. (on n' î bodjrè pus, asteure); eberwetåve rola: w:Motlî Jacob di Warmich

C 62: Av riçû l' emile la ki Julie Servotte nos permete di l' eplaidî ene sadju ''Je peux vous donner la même autorisation. C’est-à-dire de mettre à disposition mon travail gracieusement et téléchargeable pour quiconque, dans la forme comme je l’ai arrêtée, uniquement sur un seul site, celui souhaité par « Li Rantoele ».''

Dji vén d' vey çou k' est on djvu vaici: https://wikisource.org/wiki/File:Jules_Vigneron_-_Souv%E2%80%99nance.djvu Mins vos avîz djåzé purade d' on .pdf, endon? Wice el fåreut i mete ? S' il est ene sadju so les waibes Wiki, ploz disfacer li pådje https://wikisource.org/wiki/Mot%C3%AE_d%E2%80%99_%C3%85rsumont ki n' est nén e s' plaece, come on aveut dit.

Reptilien.19831209BE1 (copinercontribouwaedjes)

Merci co traze côps po S33.

Po C62, dj' a bén rçuvou on mail da Julie Servotte ki dit « Je m'oppose absolument à ce que propose la licence CC-BY-SA 0.4 », adon dji n' voe nén comint çk' on porè mete eç motî la so les pordjets Wikimedia (Wikisourd, evnd.). Dji pinseu ki vos l'avîz rçuvou eto, come dji voe voste adresse dins l' djivêye des adresses mail des djins la k' ele a-st evoyî s' mail.

Po l' live da Vigneron, oyi, c'est bén on fitchî DJVU. C' est l' sôre di fitchî k' on s' sieve so Wikisourd. Si vos vloz l' PDF complet, dji vos l' metrè avou les scanaedjes del Châriguète.

Répondre à « S33 / C62 »
Lucyin (copinercontribouwaedjes)

C' est ene classe croejhetrece documintêye dins l' croejhete Remacle dizo no "type être loup".

Po l' ancyinne classe Addjectif-sustantif, dji n' l' eploye pus. Dji mete "Sustantif" pu "Addjectif" (djaene).

Reptilien.19831209BE1 (copinercontribouwaedjes)

Si vos vloz... Por mi c' est s' compliker les afwaires : on sustantif eployî come addjectif c'est tot biesmint on addjectif, tot come on addjectif eployî come sustantif c' est on sustantif, tot come on viebe eployî a l' mode d' on sustantif c'est on sustantif, evnd. Dj'el va radjouter, mins dji tén a dire ki ces classes la n' egzistèt nén so les wiccionaires francès ey inglès, et k' on nelzès ritrouve nén nerén so Wikidata.

Eto, on n' poreut nén fé ene vraiye fråze paski Sustantif-addjectif eyet Sustantif-viebe çou n' est nén foirt bea. Li francès adjectif substantivé, infinitif substantivé, substantif adjectivé sont bén pus plaijhants eyet comprindåves. sustantif-addjectif on n' comprind nén tote shûte si c' est on sustantif k' a dné on addjectif u si c' est on sustantif ki vént d' on addjectif.

Lucyin (copinercontribouwaedjes)

I fåreut prinde li tins di tuzer a ça. Les sacwès les pus tipikes do walon, c' est:

  • li sustantif addjectivrece (vos l' pôrîz rmete insi, c' est pus bea, et dji croe k' dji l' a ddja lomé insi davance), metans: "soeye on pô pus ome" (= fr. adulte); "il est tchén avou ses efants" (= fr. avare); il est leu (= fr. lourdaud, rustre)... (li dierin egzimpe et toplin des ôtes dins w:Sintake do walon del Gléjhe (lives) t. I. p. 77-78. Dji rtuze ki ça egsistêye ossu e francès: "t' es vache".
  • l' infinitif sustantivrece: end a des foirt corants (dinner, soper, didjuner), mins on ndè pout fé avou tos les viebes tot les metant dirî l' divancete "å" (come fr. au dire de). Egzimpe ki dj' a ddja siervou "å-z ôre Jacque Brel" (adaptation); å lére les gazetes (à la lecture de...). (sintake Rmåke t. I. p. 121-125: esse å rpinti...). Djôr Sfasie l'eploye sovint (motoit paski ça egzistêye e roumin?).

Si on ndè vout nén fé ene classe croejhetrece a pårt, i fåreut tuzer on ptit modele a mete pus lon dins l' hagnon après l' djinre, metans (come on a fwait po l' ancyinne categoreye "rimetaedje", si djel tén ben).

A vos d' vey.

Reptilien.19831209BE1 (copinercontribouwaedjes)
Reptilien.19831209BE1 (copinercontribouwaedjes)
Lucyin (copinercontribouwaedjes)

iva ! c' est clapant, insi.

Dj' a radjouté ... todi sudjetrece (po mostrer li sôre d' addjectif ki c' est: i n' est måy djondrece).

On î pôreut radjouter ene categoreye: [[Categoreye:Addjectifs todi eployîs a môde sudjetrece]]; i l' fåreut eto radjouter come sorclasse å modele (purade eployî come addjectif sudjetrece) . Metans po francès dins l' sinse di franc, plin d' foice, i n' pout måy esse djondant l' no. On dit: "ci côp ci, nos estans francès !", mins nén * li gayård francès (ça åreut l' prumî sinse).

Merci po l' ahesse po les copenes. C' esteut mo åjhey, mins c’ est come Cristofe avou l’ oû !

Dj' a rcandjî on tite sol mwaisse pådje: vos nos vloz aidî? => Nos vloz bén aidî? (1. prono coplemint divant l' aidant viebe; 2. cogne di dmande sins prono sudjet: "vouss? dit-st i l' grand Gabriyel a Mareye (J. Beaucarne)"; 3. + adviebe "bén", ki dene ene airance camaerådrece po ene dimande: "vloz bén ndaler fé ene comission pour mi?"

Reptilien.19831209BE1 (copinercontribouwaedjes)

Po rtini les nos des modeles : X eployî come, ki dvént, ki djowe l' djeu di Y.

Sustantif addjectivrece (sustantif eployî come addjectif) {{su-addj}} :

  • on tchén / il est tchén

Infinitif sustantivrece (infinitif [ou viebe] eployî come sustantif) {{inf-su}} :

  • on va souper / li souper est siervou

Addjectifs adviebreces (addjectifs eployî come adviebe) {{addj-adv}} :

  • on rond balon / ça n’ toûne nén rond

Dji rwaite po les ôtes...

Répondre à « Sustantif-addjectif »
Èl-Gueuye-Noere (copinercontribouwaedjes)

Bondjoû Reptilien,

Dj' a askepyî on årtike "eli", mins dji n' aveu nén veyou k' on årtike egzisteut d'dja dzeu : elére. Poloz-vos, s' i vos plait, disfacer li ci ki dj' a askepyî flotchreçmint.

Amiståvmint,

Èl-Gueuye-Noere

Reptilien.19831209BE1 (copinercontribouwaedjes)

Fwait ! C'est on mot ki vs avîz trové e-n on live, on scrijhaedje ?

Èl-Gueuye-Noere (copinercontribouwaedjes)

Gråces a vozôtes.


Neni, ç' esteut vraiymint ene flotche da mi-minme. Cwand dj' aveut rloukî padri "elére", dj' aveut såyî d' trover avou l' ratournaedje francès-cåzant. Mins al plaece di scrire "élire", dj' aveut tapé "élir". Do côp, ki ci soeye sol Wiccionaire, obén sol DTW, dji n' aveut, shuvanmint, rén trové.

Reptilien.19831209BE1 (copinercontribouwaedjes)

Comprins !

Çou n' est nén l' prumî côp ki dj' vos voe scrire "aveut" po l' IP1s (Indicatif Prezintrece 1îre djin do singulî), c' est ene flotche mo corante (co pus cwand c' est shuvou d' ene voyale) :

Mi-minme djel a ddja fwait, assuré !

Dji pinse ki ça vént k' e walon on dit dj’ aveu-(s)t on tchén...

Après, dji di ça dji n' di rén ;-)

Répondre à « Eli »
Lucyin (copinercontribouwaedjes)

E walon, dji croe k' i gn a k' deus prononçaedjes: ø: (= Fel -eû), cåzu tocosté, et -øːʀ (= Fel -eûr) sol payis d' Måmdiy (mape ALW 1.14 tchesseu, et l' papî so les 50 ponts walon del Bijhe & l' solea).

Dji di ça paski, a sinteu, vos avîz scrît on prononçaedje ø :https://wa.wiktionary.org/w/index.php?title=sinteu&diff=prev&oldid=291300

A! dji voe ki, avou les senes fonetikes, les ALW-îs metèt cwanlminme on prononçaedje nén long (œ avou l' accint sol hintche, mins sins macron). Mins les 2 prononçaedjes sont l' minme e Feller (-eû), et i n' dinèt nén les ponts longs et courts. Adon, on pôreut wårder li prononçaedje ø, mins dins les disfondowes (nén come prononçaedje zero-cnoxheu).

Reptilien.19831209BE1 (copinercontribouwaedjes)

Iva, djel ritén pol côp shuvant ;-)

Répondre à « Prononçaedje des nos d' fijheu (cawete -eu) »

Avançmint do S33 / Categoreye: '''di l' '''atôtchî do '''C'''mandeu / Wikisourd Desmet

6
Lucyin (copinercontribouwaedjes)

Tiri Dumont a bén bouté dsu tins do recloymint; gn a pus k' les S, T & V. Loukîz l' hårdêye sol Wikipedia w:S33.

Dji n' parvén nén a fé mete ene grande lete å mot Cmandeu (come po les ôtes tins d' codjowaedje) dins l' categoreye => Categoreye:Codjowas di l' atôtchî do Cmandeu do walon. ça dvreut esse ene flotche dins Modele:Kim2s?

Sol Wikisourd, i dmandèt d' acertiner ki Desmet vout bén leyî eplaidî ses ouves. Djel voe londi. Dijhoz mu çou k' i fåt fé (li pus simpe).

A bénrade

Reptilien.19831209BE1 (copinercontribouwaedjes)

Bondjoû Lucyin, gråces pol racsegne sol scanaedje di S33, dji va taper ene ouy cwand dj'årè on meyeu raloyaedje internet : i n' mi fé k' des mizeres pol moumint...

On n' pout nén si rinde divins c' ridoe ci

Po çou k' est del categoreye, dji va coridjî. Po Wikisourd, dji vos scrî on mail al shijhe po dire comint fé, i gn a vaici ene saye so çou ki fåt fé.

Reptilien.19831209BE1 (copinercontribouwaedjes)
Lucyin (copinercontribouwaedjes)
  • Desmet: on a evoyî l' permission londi passé, come vos l' avîz scrît.
  • S33: li gros boket dedja rcopyî est cial: https://lucyin.walon.org/diccionairaedje/wf/S33.pdf I shonne k' on n' pout pus aler loukî tot çk' i gn a dins les ridoes. Si vos vloz bouter so ene des leteski dmeure, dji vps evoye les foyous.
  • C' est paski les ôtes categoreye sont avou l' plinne cogne po "di", mi shonne-t i.
Lucyin (copinercontribouwaedjes)
Reptilien.19831209BE1 (copinercontribouwaedjes)

Siya, ça va mins c' est paski vs avîz metou on redjiblaedje, djel a rsaetchî.

Répondre à « Avançmint do S33 / Categoreye: '''di l' '''atôtchî do '''C'''mandeu / Wikisourd Desmet »
Lucyin (copinercontribouwaedjes)
Répondre à « tût' (mot-brut) => tûtt ? »
Lucyin (copinercontribouwaedjes)
Reptilien.19831209BE1 (copinercontribouwaedjes)
Répondre à « Modele BdjMB »
Lucyin (copinercontribouwaedjes)

Proficiate; ça cmince a rshonner a åk !

Sereut i possibe di wårder les deus coleurs di dvant (rodjès letes so djaene fond), les cenes do drapea walon ?

Èl-Gueuye-Noere (copinercontribouwaedjes)

Bén djôki, en efet. :-)

I nd' a surmint falou brånmint d' tins po fé tot ci djoli boutaedje.

Lucyin (copinercontribouwaedjes)

!!!!!!!!!!!!! "don" (= fr. dont) ni va nén (nombe d' årtikes) => inte di zeles: I gn a 23 082 pådjes, inte di zeles 21 489 fok pol walon.

po çou k’ est des esplikêyes di tchaeke mot, u tchaeke ratourneure u dijhêye,


cisse anêye => ciste anêye

Reptilien.19831209BE1 (copinercontribouwaedjes)

« don est francès », åmen ! Po m' disfinse :

Loukîz bin
a tot çou qu’vos oyez…
Li mèzeûre don vos v’chèrvez
chèrvirè po vos-ôtes,
èt vos ’nnårez co d’pus,
po l’rawète.
Evandjîle sorlon Marc, IV.24

Vla co on calcaedje k' a d' beas djoûs dvant lu...

Èl-Gueuye-Noere (copinercontribouwaedjes)

Dji l' a fwait. :-)

Lucyin (copinercontribouwaedjes)

!!!!! k’ on fiestirè cisse anêye ci li 16 di may 2020, => k’ on dveut fiesti ciste anêye ci li 16 di may 2020 mins k' est rpoirtêye a pus tård di cåze do w:Covid-19, ...

1î di may 2020 a cénk eures di l' après-nonne, l' eure di l' emile l' acertinant

Reptilien.19831209BE1 (copinercontribouwaedjes)

A, come i gn a rén sol pådje, i faleut sawè ! :-)

Lucyin (copinercontribouwaedjes)

Mignolet: oyi, lu et co ds ôtes sicrijheus lidjwès eploynut "dont", "so liskél", "avou liskél"... Dji n' so nén tchôd tchôd po prinde ces emantchåjhes la e rfondou walon. Po "dont", dji n' croe nén ki ONK des 600 motîs / motlîs li rprind, ni come djivion, ni dins ene fråze.


Coxhe walonofone do pordjet. Dji laireu "walonofone" pol francès, et "waloncåzant" pol walon. => "coxhe waloncåzante do pordjet" udon: "coxhe e lingaedje walon do pordjet"...

modêye po sûtifone => modêye po les sûtifones (rishonne pus å dijhaedje ordinaire).


Reptilien.19831209BE1 (copinercontribouwaedjes)

L' Evandjîle Sint Mår n' est nén da Mignolet mins do P’tit Monne di Rotchfoirt. Po dont ezès motîs, dji n'a nén cweri bén lon ki dji l' a ddja trové divins C9 (a « aslète ») : « figure à chî pans dont les costés opôzés sont égals ». Po çou k' est di « dji n' so nén tchôd tchôd po prinde ces emantchåjhes la e rfondou walon »  : mins Lucyin, li rfondou walon n'est k' on sistinme di scrijhaedje ! Çou n' est nén on lingaedje (come l' a dit biesmint Jean-Luc Fauconnier dins Wallons-nous ! li 20 di novimbe 2018, tot-z atacant li rfondou). Si gn a des waloncåzants k' eploynut don (et dji n' so nén l' seu viziblumint la co on laid calcaedje), li rfondou s' limite a s' dimander comint l' escrire. On etindreut la on mimbe di l' Academeye francesse dire « ne dites pas spam mais courriel indésirable ». I n' fåreut nén toumer e l' sectarisse...

Reptilien.19831209BE1 (copinercontribouwaedjes)

Dji radjoute k' el mot s' a ridé dins l' Rantoele « A tos vos ôtes binamés djins don l’ cour tok’tèye è walon » Joseph Baccus, « A tos mès bon copineûs »,  22, 2002.

Lucyin (copinercontribouwaedjes)

Vos estoz on fel pårlî !!! Gn a nouk a vos l' prinde po plaitî vosse cåze !!!

I va, dabôrd. On l' pout mete come djivion, mins fåt decider

1. s' on l' sicrît avou T u nén;

2. si on mete come livea "sociolinwistike", come a : linwe 4. (disconsyî uzaedje) lingaedje. Mins c' est l' veur k' on passe houte del bouye do rfondaedje. Dj' a ç' difåt la des Relîs Namurwès, li soce ki dj' a-st aprins a scrire avou zels [disconsyî : avou liskéle dj' a-st aprins... !!!], et ki sont fén spepieus sol grammaire (Emile Gilliard, Bernard Louis, Roger Viroux, Andrée Bacq...). Mins çou ki Andrée Bacq dijheut avou bråmint di hagnûlté (dji l' ô co come s' ele sereut adlé mi): si on prind l' croejhete do francès, ci n' est pus do walon, c' est do franlon !

Traitî e minme tins li lidjwès "liskél" (por mi, sifwaitmint: disconsyî uzaedje)

Ossu: donk (metou e bleuwès letes dins l' esplicant motî Aberteke)

Reptilien.19831209BE1 (copinercontribouwaedjes)

On direut k' el T est etimolodjike, do patwès latén de unde /deːunde/, motoit avou adurixhaedje e vî francès /dunt/ > /dɔ̃(n)t/, pus sins prononçaedje do T, apus ki po stoper l' ahiket : dont il.

Haust mete li T dins l' rashidaedje e Feller del Paskeye sol sidje et l' dissidjmint d' Wîne.

Il est trop timpe po dcider, pinse dju.

Répondre à « Mwaisse pådje »
Lucyin (copinercontribouwaedjes)

Les w:Viebes å spitron, c' est ene sôre di viebes foirt corants e-n inglès, neyerlandès, almand (e nosse cours di neyerlandès, on les loméve e francès "verbes à particule séparable". Ça a stî onk di mes prumîs trovas sol walon, di vey ki troes adviebes walons dinént des viebes foirt rishonnants (evoye, foû, djus).

Did la troes modeles ki n' ont nén co stî ritravayîs: v-evoye, v-djus : Loukîz a cori evoye

Parey pol neyerlandès: aanmoedigen, uitstellen...

Dji croe k' end a eto po l' inglès (dry up) eyet po l' almand (?).

Gn åreut i moyén di fé on "sûti modele" come, boutans, Modele:-su-

Po evoye, dj' aveu eto metou les viebes avou evoye sins coplemint tot seus: Modele:vspsc. On dveut rsaetchî ci modele la et mete li pus simpe "vs".

Po l' neyerlandès et l' almand, li viebe a l' infinitif, c' est èn aplacaedje tîxhon (çou ki n' est nén l' cas e walon u e l' inglès). Mins l' modele Modele:Aplti n' est nén co rindou sûti po-z aconter l' lingaedje (waitîz cori evoye et uitstellen.)

Li categorijhaedje po tos les lingaedjes divreut esse li minme ki po Modele:v-evoye. (dj' a rfwait les cenes do neyerlandès).

Pôreut on mete des guiymets: [[Categoreye:Vierbires do neyerlandès avou « af »]]?

Gn a d' l' ovraedje, mins ça våt les poennes, mi shonne-t i. Aprume k' i gn a NOLE croejhete do walon k' a corwaitî ci pont la di cisse façon la.

Reptilien.19831209BE1 (copinercontribouwaedjes)

Tos les viebes å spitron sont i des viebes sins coplemint ? Metans e l' inglès : to switch on the TV, to clean up the river ? I m' shonne k' i gn a la on coplemint, neni ?

Lucyin (copinercontribouwaedjes)

Nonna, end a-st å coplemint et des ôtes sins. Djusse, gn aveut ki l' modele "sins coplemint" k' aveut stî askepyî.

Ni rovyîz nén:

  • fé on sûti modele po tos ces viebes la, e walon, neyerlandès (+ flamind, vls), almand, daenwès, suwedwès... Dji vén co d' radjouter on viebe avou l' vî sistinme (toelaten).
  • di rarindjî li modele {{Apl}} po mete ene copoizante (noûmot ki dj' vén d' atåvler) "lingaedje" (disk' asteure, c'est on modele pår pol walon, mågré ki vos av disfacé li vî sistinme Modele:Apl-nl )

Gråces 77 côps 7 côps.

Reptilien.19831209BE1 (copinercontribouwaedjes)

Dji va rwaitî a çoula. Po çou k' est do modele {{Apl}}, i rote dedja avou tos les lingaedjes.

Reptilien.19831209BE1 (copinercontribouwaedjes)

Fwait ! loukîz a cori evoye et dijhoz m' si ça vos va : {{vs}}.

Adon, i n' fåt pus eployî les modeles {{v-evoye}}, evnd.

Répondre à « Viebes å spitron »
Lucyin (copinercontribouwaedjes)
Reptilien.19831209BE1 (copinercontribouwaedjes)

Po les rimetaedjes dji pinse vormint ki fåreut fé otrumint, paski croejhetmint ça n' a nou sinse, çou n' est nén ene nateure grammaticåle : « si fote come di l' an carante » c' est ene vierbire ; et do côp on nel pôrè nén mete so Wikidata dins l' grand pordjet des dinêyes lecsicografikes ôtrumint ki come ene vierbire. E francès eto « se foutre comme de l’an quarante de » n' est måy eployî a l' infinitif...

Si c' est po dire ki cisse vierbire la est todi codjowêye, adon dji pinse k' on l' pôreut mete come infôrmåcion avou on novea modele, come on fwait ddja po les (v. å coplemint), (v. sins coplemint), todi singulî,..., metans :

Vierbire

si fote come di l' an carante (måy eployî a l’ infinitif)

Sustantivire

gozî come ene tchåsse (todi eployî avou l’ viebe aveur)

...

ene sacwè come çoula, u bén on pôreut eto mete cisse infôrmåcion la dins l' dizo hagnon {{H|notûle d' uzaedje}}.

Lucyin (copinercontribouwaedjes)

Merci pol hårdêye "wikidata". C' est don tot novea (2018). I mel fårè lére a mi åjhe.

Oyi, mins li clasmint "Rimetaedje", ci n' esteut nén po çoula: c' esteut po rashonner totes les ratourneures di comparåjhon w:Rimetaedje (retorike). Loukîz kimint çk' on pôreut fé parey, tot wårdant l' tiesse "Vierbire", Addjectivire u "Sustantivire".

gozî come ene tchåsse Rim-su|wa

si fote come di l' an carante Rim-vi|wa

riletchî come on vea k' a deus meres Rim-addj|wa

Gn a eto les advierbires di rmetaedje

Avou ene tcherpinte "|wa", ca dj' end a ddja des sfwaits po des des ôtes lingaedjes: loukîz

thin as a rake

Lucyin (copinercontribouwaedjes)

Dji vén d' arindjî çoula po les rmetaedjes di l' inglès (addjectifs)

Categoreye:Rimetaedjes di l' inglès (addjectifs)

  1. candjî {{==Rim-addj-en}} => {{rim-addj-en}} (po wårder l' trapådjnaedje otomatike) et rarindjî l' tecse insi: === Rimetaedje (addjectif) === => ''(rimetaedje)''
  2. riprinde les pådjes ki loynut sol modele et rcandjî l' modele, tot l' fijhant rider dirî {{~}}
  3. radjouter l' tiesse di hagnon ==={{H|Addjire|en}} ===
  4. Cwand totafwait est replaecî, disfacer {{==Rim-addj-en}}

I vos dmeure a fé on sûti modele avou "rim-addj" po totes les langues.

Lucyin (copinercontribouwaedjes)
Reptilien.19831209BE1 (copinercontribouwaedjes)

Iva, dji va fé on modele come po les cawetes {{rim|<croejhete>|<lingaedje>}}

Fwait ! po tos les lingaedjes avou on seu modele, fåt fé des sayes po vey si gn a nole rujhe.

Srtxg (copinercontribouwaedjes)

Dj' a dmandé a Giskard di tot rcandjî po-z eployî {{H}} eyet "rim" (mins i fåreut decider cwè po dispårti "rimetaedje" di "r(i)magnaedje"; onk des deus doet candjî d' no; aveur "rim" et "Rim" c' est s' aprester des problinmes).

Reptilien.19831209BE1 (copinercontribouwaedjes)

Mi dji sreu po wårder rim po les rimetaedjes eyet trover èn ôte mot po les F. assimilations. Come vos, dji pinséve k' el rimagnaedje c' esteut cwand on son disparexhe, come e francès hydravion u co hydr(o)électrique avou rmagnaedje do o dins hydro-. Di pus, pout on vormint dire k' on /t/ ki dvént on /d/, u on /s/ ki dvént on /z/ (sbarer) c' est on rmagnaedje, adon ki l' son k' esteut dvuzlé prind on vuzlaedje ? Ewou çk' il est li rmagnaedje dins ç' ca la ? Li calcaedje assimilaedje mi shonne mî, mins on poreut eto prinde ravizaedje (dins l' sinse di rishonner, F. ressembler) : Li francès assimiler vént do latén similis, F. semblable. Adon assimilaedje fonetike u bén ravizaedje fonetike, les deus m' vont. A vey avou Lucyin.

Lucyin (copinercontribouwaedjes)

Mande escuze po li rtådje di response.

Dj' aveu fwait l' noûmot "rimagnaedje di lete" avou l' avizance shuvante: li fråze (dins "ene Båke" w:Ene båke so les bwès d' l' Årdene , oyowe di m' pa) "tins d' l' ivier, li taesson rmagne si cråxhe", dji l' aveu rmetou e francès d' fiziolodjeye: le blaireau assimile ses graisses. Did la, fr. d' linwince "assimilation" => rimagnaedje di letes. Mins vosse dimostraedje cial ådzeu est bén dassene. => i fåt rcandjî.

Dji prindreu li calcaedje "assimilaedje" ca on a ddja sacwants (vîs) stindaedjes di sinse avou avizer / ravizer.

Dji va sayî di rcandjî l' cayet des deus costés (Wiccionaire & Wikipedia).

(cwand gn a ene kesse impôrtante come çoula, våt mî mel riscrire so m' pådje d' uzeu: la dji respond sol côp).

Lucyin (copinercontribouwaedjes)

Dji wådreu "divantrin" po "progressif" et dirîtrin po "régressif", sins prinde les deus calcaedjes sitchs do francès.

Lucyin (copinercontribouwaedjes)
Srtxg (copinercontribouwaedjes)
Lucyin (copinercontribouwaedjes)

gråces; dji louke a ça totaleure.

Répondre à « Tiesse di hagnon po {{H|Rim-vi|wa}} »