oudonbén

Èn årtike di Wiccionaire.
Sauter à la navigation Sauter à la recherche

Flag of Wallonia.svg Walon (Rifondou)[candjî]

Dobès rfondowes
oudonbén Equals sign.svg udonbén

Etimolodjeye[candjî]

Aplacaedje di : "ou" + "don" + "bén"

Prononçaedje[candjî]

oudonbén, udonbén, outoubé, ûdonbin, oudôbin.

Adjondrece[candjî]

oudonbén (nén candjåve)

  1. ou (mostere ene tchuze inte deus sacwès).
    • Ces vacances ci, nos n' årans nén yeu l' credit d' nos amuzer bråmint dins l' bosket oudonbén dins les campagnes. Il a ploû pus sovint k' a s' toû. G. Fay (fråze rifondowe).
    • Nos soçons, on les etere rouf rouf dins leu capote oudonbén raboltés dins ene batche, a deus pîs fond po daler pus rade. W. Bal (fråze rifondowe).
    • Les Djwifs fourît epweznés po l' plaijhi, gåzés, oudonbén cûts a cindes ! D. Trempont (fråze rifondowe).
    • Les vatchlîs s' assoçnèt sovint avou l' vijhén oudonbén avou l' sorodje Houbiet po fé l' fenåve. J. Lahaye (fråze rifondowe).
  2. mostere çou ki va ariver dins l' cas contråve.
    • Veyant k' ele ni dnéve nol efant a Djåcob, Rachel divneut djalote so s' sour. Elle arinna l' Djåcob: «Dene mu des valets, oudonbén dji m' va mori!» L. Hendschel, Li Djneze (ratournaedje).
    • Ossu rade, c' est rastini tote li tchedje k' i fåt fé, oudonbén, ele ireut bôrer dins l' schavea. C. Denis (fråze rifondowe).

Ortografeyes[candjî]

| oudonbén = R11, R10 | oudon-bén = R13 (rifondaedje ricandjî enawaire) }}

Ratournaedjes[candjî]

± mostere ene tchuze inte deus sacwès
± mostere çou ki va ariver dins l' cas contråve