si stårer

Walon (Rifondou)

si stårer

s' estårer

Etimolodjeye

Aplacaedje prono « si » + viebe «stårer».

Viebe

si stårer (viebe å prono)

1. si coûtchî fén mierlong.
   • Si stårer e s' fåtûle. — Motî Haust (fråze rifondowe).
   • I n' est bon k' po si stårer dins l' fåtoû (ramexhné pa Carlier & Bal).
   • Il est ståré a l' ombe dins l' paxhi (ramexhné pa Carlier & Bal).
   • On djoû al nute, vo l' la ki raplike, et s' vini stårer e s' plaece di todi, a môde di rén (J. Selvais).
2. toumer al tere, sins l' voleur.
   • I coreut sins rwaitî a ses pîs, et i s' a stî ståré dins les broûs. — PDef (fråze rifondowe).
3. si spåde (tot djåzant d' on likide).
   • Mes pôvès aiwes, come on lavasse di pieles,
     Si disfligotèt, dansèt, schoyèt låvå,
     Et dzawurêye dji m' sitåre et roufele
     Inte des hôts plopes e-n on metchant rouwå. — Louis Lagauche, L'aimant, Li tchanson del Mouze, (1947), p. 108 (fråze rifondowe).
4. esse kinoxhou pattavå, tot djåzant d' ene novele.
   • Li brut s' a ståré k' elle aveut stî dins l' bwès avou lu, nén po dire des oremusses, don.
   • C' est vos ki hosse e mi åme li tchanson del Hesbaye
     Ki s' sitåre lumcinante so nos beas prés floris,
     Nos dveres et nos cortis. — Louis Lagauche, L'aimant, Tchanson po l’ Mouhagne, (1947), p. 141 (fråze rifondowe).
5. aler tocosté, tot avå ene sawice.

Ratourneures

1. si stårer come ene flate
2. si stårer come ene rinne
3. si stårer come on vea
4. si stårer di tote si hôteur
5. si stårer plat come ene vôte
6. si stårer tot long
7. si stårer tot si long k’ on est

Sinonimeye

si coûtchî fén mierlong

• s’ aflaxhî
• si leyî djus
• si leyî scheure

toumer al tere, sins l' voleur

• fé ene pertinne
• toumer plat come ene vôte

esse kinoxhou pattavå, tot djåzant d' ene novele

• si cossemer
• si spåde
• si stinde

Ratournaedjes

si coûtchî fén mierlong

• Francès : s’étendre ^(fr), se coucher ^(fr), s’affaler ^(fr)

toumer al tere, sins l' voleur

• Francès : s’étaler ^(fr), tomber ^(fr), tomber à la renverse

esse kinoxhou pattavå, tot djåzant d' ene novele

• Francès : se répandre ^(fr), courir ^(fr), se propager ^(fr)